Almatı şəhərində baş verən iğtişaşlar nəticəsində 200-ə yaxın insan xəsarət alıb.
Modern.az xəbər verir ki, bu barədə Qazaxıstan mətbuatı məlumat yayıb.
Almatı şəhərinin səhiyyə idarəsi şəhərdəki iğtişaşlar zamanı 190 nəfərin xəsarət aldığını təsdiqləyib. Səhiyyə idarəsi əlavə edib ki, 40 nəfər xəstəxanaya yerləşdirilib, o cümlədən 7 nəfər reanimasiya şöbəsində müalicə alır.
Yeddi nəfərdən dördü isə polisdir. Ümumilikdə iğtişaşlar zamanı 137 polis əməkdaşı və 53 mülki şəxs xəsarət alıb.
