Efiopiyada qaçqın düşərgəsinə hava hücumu nəticəsində 56 nəfər ölüb.
Modern.az Reuters-ə istinadən xəbər verir ki, Efiopiyanın şimal-qərbindəki Tiqray əyalətində məcburi köçkünlər üçün yaradılan düşərgəyə hava zərbələri endirilib.
Aviazərbələr nəticəsində azı 56 nəfər həlak olub. Daha 30 nəfər yaralanıb.
Qeyd edək ki, Tiqray üsyançıları oktyabrın 27-də Amhara və Afarı işğal edərək Efiopiyanın şimalına hücum ediblər. Noyabrın 25-də hökumət qüvvələrinin əks-hücuma keçməsi nəticəsində vəziyyət dəyişməyə başlayıb.
