"Xəstəlik zamanı əlamətlər yüngül olduqda insanlar "adi qripəm" deyib, evdə qalmağa üstünlük vermir. Bu səbəbdən də yoluxma durmadan artır".
Modern.az xəbər verir ki, bunu Səhiyyə Nazirliyinin mütəxəssis-eksperti, infeksionist Təyyar Eyvazov “COVID-19” mövzusunda çıxışında deyib.
Onun sözlərinə görə, "Omicron" ştamında yoluxuculuq qabiliyyəti yüksək olduğundan ailə üzvlərinin əksəriyyəti xəstələnir:
"İnsanlar hesab edirlər ki, koronavirusa yoluxmayıblar. Əgər "Delta” ştamında yoluxuculuq az idisə, “Omicron”da daha yüksəkdir. Əgər ailədə bir nəfər xəstəliyi evə gətirirsə və hamı xəstələnirsə, deməli, infeksiya eynidir”.
