Böyük Yeddilik Qrupunun (G7) xarici işlər nazirləri bu həftə Almaniyada təcili toplantı keçirməyi planlaşdırır.
Modern.az xəbər verir ki, bu barədə xarici mətbuat məlumat yayıb.
Ehtimal olunur ki, G7-nin xarici əlaqələr idarələri rəhbərlərinin görüşü Münhen Təhlükəsizlik Konfransı (MCB) çərçivəsində keçiriləcək. Görüşün mövzusu Ukrayna ətrafındakı vəziyyət olacaq.
Qeyd edək ki, fevralın 18-20-də keçiriləcək Münhen Təhlükəsizlik Konfransında təxminən 35 dövlət və hökumət başçısı iştirak edəcək. ABŞ-ni vitse-prezident Kamala Harris və dövlət katibi Entoni Blinkenin iştirakı, Almaniya nümayəndə heyətinə isə kansler Olaf Şolzun rəhbərlik edəcəyi gözlənilir. Konfransda Ukrayna prezidenti Vladimir Zelenskinin də iştirakı nəzərdə tutulur.
