Kreml Ukraynanın işğal olunmuş Xerson vilayətində Rusiyaya birləşmək üçün referendum keçirməyə hazırlaşır.
Modern.az xəbər verir ki, bu barədə Rusiyanın regiona təyin etdiyi hərbi-mülki administrasiyası rəhbərinin müavini Kirill Stremousov bildirib.
Daha əvvəl o, RİA Novosti-yə bildirmişdi ki, payızda Rusiyaya birləşmək üçün referendumun keçirilməsi planlaşdırılır.
"Bəli, biz referenduma hazırlaşırıq və onu keçirəcəyik. Xerson vilayəti Rusiya Federasiyasına qoşulmağa qərar verəcək, tam hüquqlu subyektə çevriləcək", - Stremousov Telegram kanalında bildirib.
Rusiya hərbçiləri bir müddət əvvəl Ukraynanın cənubundakı Xerson vilayəti və Zaporojye vilayətinin Azov hissəsinə nəzarəti ələ keçirib. Bölgələrdə mülki-hərbi idarələr yaradılıb, rubl dövriyyəyə buraxılıb, Rusiya telekanalları və radioları yayımlanmağa başlayıb.
Moskva iddia edir ki, bu regionlar Rusiya Federasiyasının subyektləri olmaq planlarını açıqlayıb.
