İranın cənubunda 6 bal gücündə zəlzələ olub.
Modern.az xəbər verir ki, bu barədə Avropa-Aralıq dənizi Seysmoloji Mərkəzi məlumat yayıb.
Yeraltı təkanların episentri Bəndər Lingə şəhərindən 61 kilometr şimal-şərqdə yerləşib. Zəlzələ ocağı 10 kilometr dərinlikdə qeydə alınıb.
İlkin məlumatlara əsasən, zəlzələ nəticəsində 5 nəfər həlak olub, 44 nəfər xəsarət alıb. Ölü sayının artması istisna edilmir.