“Cənubi Qafqazda silahlı insidentlər və insan itkiləri ilə bağlı xəbərlərdən son dərəcə narahatıq”.
Modern.az xəbər verir ki, bu barədə ATƏT-in Polşa sədrliyi tviter hesabında açıqlama yayıb.
“Biz Azərbaycan və Ermənistanı gərginliyin azaldılması, dialoqun bərpası üçün bütün lazımi tədbirləri görməyə çağırırıq. Biz regionda sülhün möhkəmləndirilməsinə yönəlmiş bütün səyləri dəstəkləməkdə qərarlıyıq”, - paylaşımda deyilir.
Bu gün Azərbaycan Ordusu tərəfindən antiterror əməliyyatı keçirilib. Erməni mediasında yayılan məlumatlara görə, əməliyyat nəticəsində 4 silahlı məhv edilib, azı 15 separatçı isə yaralanıb. Antiterror əməliyyatına Rusiya sülhməramlı kontingentinin müvəqqəti yerləşdiyi Azərbaycan ərazisindəki qeyri-qanuni erməni silahlı dəstələrinin növbəti dəfə atəşkəsi pozmasından sonra başlanılıb.
