ABŞ Prezidenti Co Bayden Finlandiya və İsveçin NATO-ya üzvlüyünü təsdiqləyən yekun sənədi imzalayıb.
Modern.az xəbər verir ki, bu barədə "Reuters" agentliyi məlumat yayıb.
Bayden ratifikasiya sənədini imzalayaraq hər iki ölkənin alyansa üzvlüyünü alqışlayıb və NATO-nun digər üzvlərini də eyni addımı atmağa çağırıb.
Sənədin imzalanması ABŞ-ın sözügedən ölkələrin NATO-ya üzvlüyünün təsdiqlənməsi ilə bağlı sonuncu addımdır.
***
19:52
ABŞ Prezidenti Co Bayden bu gün Finlandiya və İsveçin NATO-ya üzv olmasını təsdiq edən sənədləri imzalayacaq.
Modern.az xəbər verir ki, bu barədə Ağ Ev məlumat yayıb.
Keçən həftə ABŞ Senatı səs çoxluğu ilə dövlətlərin NATO-ya üzv olmasına razılıq verib. Həm Demokrat, həm də Respublikaçı senatorlar iki şimali Avropa ölkəsinin üzvlüyünü qətiyyətlə təsdiqləyib.
NATO-nun 30 müttəfiqi ötən ay İsveç və Finlandiyanın üzvlük protokolunu imzalayıb və bütün üzv dövlətlər qərarı ratifikasiya etdikdən sonra iki ölkə təşkilata tam üzv ola biləcək.
Akif İsmayılov
