“İsraillə normallaşma prosesi başlayıb və səfirlərin təyin olunmasına qərar verilib. Səudiyyə Ərəbistanı, Birləşmiş Ərəb Əmirlikləri və İsrail...”.
Modern.az xəbər verir ki, bu barədə Türkiyə Prezidenti Rəcəb Tayyib Ərdoğan Ukrayna səfərindən qayıdarkən jurnalistlərə açıqlamasında deyib.
Ərdoğan İsraillə münasibətlərin daha çox siyasətyönümlü olduğunu söyləyib: “Siyasət bunu tələb edir. Buna görə siyasətdə inciklik yoxdur. Həmişə sülh içində olmaq lazımdır. İstənilən vaxt danışa bilmək imkanı olmalıdır”.
Türkiyə lideri daha sonra Suriya ilə bağlı sualı cavablandırıb: “Suriya ilə bağlı əlavə addımlar atmalıyıq. Bu addımları atmaqla bütün regionda, İslam dünyasının qonşularımızla olan bölgəsində bir çox oyunları pozacağıq”.
