"2022-ci ildə ölkə ərazisində 180-ə yaxın yataq sahəsinə baxış keçirilib".
Modern.az xəbər verir ki, bunu Dövlət Mineral Xammal Ehtiyatlarından İstifadə Agentliyinin İdarə Heyətinin sədr müavini Elçin Məcidov ötən ilin yekunlarına həsr olunmuş mətbuat konfransında deyib.
Onun sözlərinə görə, Agentliyin fəaliyyəti dövründə ümumilikdə 800-ə yaxın yataq sahəsində monitorinq işləri aparılıb.
"Ötən il ərzində aşkar edilmiş nöqsanların aradan qaldırılması, həmçinin hüquqi qiymətin verilməsi məqsədilə 131 iş hüquq-mühafizə orqanlarına göndərilib".
