Deputat Fazil Mustafanın vəziyyəti yaxşıdır, əməliyyatı uğurla keçib.
Modern.az xəbər verir ki, bunu Milli Məclisin deputatı Qənirə Paşayeva deyib.
O qeyd edib ki, əməliyyatdan sonra Fazil Mustafa özünə gəlib və təhlükəsizliyi yüksək səviyyədə təmin edilir.
***
22:40
Bakıda silahlı hücuma məruz qalan deputat Fazil Mustafa xəstəxanaya aparılıb.
Modern.az-ın əldə etdiyi məlumata görə, deputat 1 saylı Şəhər Klinik Xəstəxanasında əməliyyata götürülüb.
Hazırda vəziyyəti qənaətbəxşdir, həyatı təhlükəsi yoxdur.
Qeyd edək ki, bu gün axşam saatlarında Milli Məclisin deputatı Fazil Mustafa qarşı sui-qəsd olub. O, evinin yaxınlığında ayaq və çiyin nahiyəsindən güllələnib.
