Azərbaycan Qiymətləndiricilər Cəmiyyətinin (AQC) İdarə Heyətinin 3 iyul 2024-cü il tarixli iclasında qurumun mövcud fəaliyyəti, görülən işlər, problemlər, nöqsanlar və müzakirəsi vacib olan digər məsələlər ətrafında fikir mübadiləsi aparılıb.
Azərbaycan Qiymətləndiricilər Cəmiyyətindən Modern.az-a bildirilib ki, AQC-nin İdarə Heyətinin 9 üzvündən 7-sinin (5-i təsisçi olmaqla) qərarı ilə növbədənkənar konfransın keçirilməsi zəruri hesab edilib.
Daha sonra konfransın keçirilməsi ilə bağlı 5 nəfərdən ibarət Təşkilat Komitəsi yaradılıb.
Konfransın 19 iyul 2024-cü tarixində Bakı şəhərində keçirilməsi nəzərdə tutulur.
Hazırda Təşkilat Komitəsi tədbirin təşkili ilə bağlı müvafiq hazırlıq işlərini həyata keçirir.
