30 Noyabr 2017, 13:17 | Ana Səhifə - Yazılar - Sponsorun baldızı
Sponsorun baldızı

Hidayət Elvüsal

(Yox, bu siz düşündüyünüz xanım deyil) 


Maşallah, telekanallar çox, bir babat adamı, sponsoru-zadı olan da maya qoyub o TV-lərin birində müəllif proqramı ala bilər. Elə mən də gördüm ki, falabaxanın, cinçıxardanın, dərzinin, sürücünün, zootexnikin, qabyuyanın, göysatanın… özəl proqramı var, girişdim bu işə.

Rəhbərliklə danışdım, düşdüm sponsor sorağına. Bir qohumun əli ilə tapdım. Pula pul demirdi. Amma bir şərti vardı ki, gərək proqramı şərikli, yəni onun baldızı ilə aparam. Əlbəttə, razılaşdım və baldızla görüşdük. Dədə, vayyy!

Nə boydaydı, ə, bu? Buna studiya yox e, ən azı basketbol meydançası lazım idi. Sponsor onu da həll elədi. Çəkilişlər orada olmalı, sonra montaj, sonra nümayiş, sonra… Sonra…

O boyda gövdədən bax bu boyda, bircə damcı səs çıxırdı. Danışanda deyirdin bəs yumurtadan yenicə çıxmış hinduşqa balası civildəyir. Proqramın adını da o qoydu  - “Balım, duzum”. Yəni baldız adına yaraşsın deyə. Belə razılaşdı ki, baldız şirin-şirin danışacaq, mən də duzlu lətifə-zad söyləyib, tamaşaçıların kefini olacam.

Çəkiliş başlandı. Baldız civildədi:

- Xoş gördük əziz tamaşaçılar. İndi mən sizin üçün bir şpaqat açacam.

Allah, sən saxla! Bunu dedi, mikrofonu qoyub meydançanın ortasına gəldi və “haaa!” deyib qılçalarını 180 dərəcə araladı, yəni doğrudan da şpaqat açdı. Açmağına açdı da, amma qalxa bilmədi. Elə bil 3-4 tonluq ət döşəməyə yapışmışdı. Rejissor göz elədi, iki güvənlik gəldi ki, baldızı qaldırsın, gücləri çatmadı. Biz də qoşulduq, operator da. Birtəhər onu qaldırıb divana otuzdurduq və divanın ayaqları da onun altında şpaqat açdı.

Ara verdik. Həm də reklam götür-qoy edildi. Sponsorun mağazaları, tikdiyi binalar-zadlar təriflənməliydi.

Nəhayət, baldız özünə gəldi və gələn kimi də mikrofonu götürdü ki, oxuyacam. Rejissor:

- Nə oxuyacaqsınız, xanım?

- İndeyski.

- Diskiniz var?

- Canlı oxuyacam.

- Bəs musiqi?

- Musiqisiz!

Oxudu. Dəhşət! Hansı dildə civildədiyini özü də bilmirdi, amma hind qızları kimi boynunu sağa-sola fırladanda buxağının əti şappıltıyla sağa-sola dəyib, ətürpədən səs çıxarırdı. Rejissor da qaş-gözlə mənə işarə verirdi ki, narahat olma. Montajda kəsib, atacaq. Amma sponsora nə cavab verəcəyini düşünmürdü bədbəxt oğlu.

Baldız oxudu qurtardı. Elə ağzımı açmaq istəyirdim ki, civildədi:

- Bir dəqiqə! İki-üç dənə də şeirimi oxuyacam.

Ağzına gələni, qafiyəli, qafiyəsiz, mənasız, əttökən… Yenə fasilə…

Nəfəsini dərdi. Ayağa qalxan kimi yenə civildədi:

- Oynayacam!

- Nə?

- …

- !!!

…Neçə saat idi ki, baldız bizə zülüm verirdi. Daha gözə bilmədim. Mikrofonu qoyub yavaşca aradan çıxdım. Yenə öz işimdəyəm. Taksi sürürəm. Və bir dəfə evə gələndə…

Gördüm baldız veriliş aparır. Oxuyur, oynayır, şpaqat açır, ağzına gələni danışır, xəbəri olmayan musiqidən, şeirdən, tarixdən, daha nələrdən danışır.

Bilirsiniz hansı telekanallarda?

Bilmirsiniz?!

 

 

 

 

MÜƏLLİFİN DİGƏR YAZILARI
Aİ-dən Ukraynaya daha 1,4 milyon avro yardım 3 Dekabr 2021, 22:14 İraqdan “Bayraktar TB2” üçün 100 milyon dollar 3 Dekabr 2021, 22:01 Gürcüstanda azərbaycanlıların kəndində silahlı insident 3 Dekabr 2021, 21:51 BƏƏ Fransadan qırıcı və helikopter alır 3 Dekabr 2021, 21:28 “Qaraheybət” şəhidlərinin ailələrinə bu ödənişlər veriləcək 3 Dekabr 2021, 21:16 Yasamalda binada yanğın - Ölən var 3 Dekabr 2021, 20:52 Azərbaycanda vaksinə xərclənən vəsait 500 MİLYONA ÇATIR 3 Dekabr 2021, 20:37 Heydər Əliyev Fondu ilə UNICEF arasında  memorandum 3 Dekabr 2021, 20:32 Ərdoğan və Putin Soçi görüşünü müzakirə etdi - YENİLƏNİB 3 Dekabr 2021, 20:21 Göyçayın baş həkimi işdən ÇIXARILDI 3 Dekabr 2021, 20:09 Nazirliyin təklifilə bağlı qərar 3 Dekabr 2021, 19:59 Türkiyə ordusu şəhid VERDİ 3 Dekabr 2021, 19:31 Merkel bu tarixdə siyasətdən GEDİR 3 Dekabr 2021, 19:17 "Omicron" aşkarlanan ölkələrin SAYI 3 Dekabr 2021, 19:09 Bakıda 18 yaşlı qızı intihara məcbur edən şəxs HƏBS EDİLDİ 3 Dekabr 2021, 19:00 Türkiyə və Azərbaycan pilotları təlimdə - VİDEO 3 Dekabr 2021, 18:52 Son sutkanın vaksin STATİSTİKASI   3 Dekabr 2021, 18:45 Yoluxma sayı açıqlandı: 24 ölüm baş verdi 3 Dekabr 2021, 18:38 Vilayət Eyvazov əməkdaşlarına TƏLƏB QOYDU 3 Dekabr 2021, 18:30 Xəzərdə cəsəd qalıqları tapıldı 3 Dekabr 2021, 18:22 125 yaşlı Sona nənə dünyasını DƏYİŞDİ 3 Dekabr 2021, 18:15 Məşhur Xalq artisti vəfat etdi 3 Dekabr 2021, 18:08 BMU-dan əlil sahibkarlara dəstək 3 Dekabr 2021, 18:00 Oxçuçayla bağlı tədqiqat qrupu yaradılır 3 Dekabr 2021, 17:55 "Omicron" Braziliyada da AŞKARLANDI 3 Dekabr 2021, 17:50 Qazaxıstan Atom Elektrik Stansiyası tikəcək - Nazarbayev 3 Dekabr 2021, 17:45 Azərbaycanlı şərqşünasın Mehriban Əliyeva haqqında məqaləsi ərəb KİV-lərində gündəm olub 3 Dekabr 2021, 17:40 Nazir ATƏT-in baş katibi ilə üçtərəfli bəyanatları müzakirə etdi 3 Dekabr 2021, 17:34 Jurnalistlər “Azəriqaz”da - FOTO 3 Dekabr 2021, 17:30 Dollar yeni həftəyə belə başlayacaq 3 Dekabr 2021, 17:25 Marallarda koronavirus aşkarlandı 3 Dekabr 2021, 17:20 "YAŞAT"a daxil olan vəsait MƏBLƏĞİ 3 Dekabr 2021, 17:15 Qarabağa gedən yollarda niyə postlar qurulub? - DİN AÇIQLADI 3 Dekabr 2021, 17:10 ADU-də “Bir günlük xəlifə”lər seçilib 3 Dekabr 2021, 17:06 COVID xəstəsi saxlanıldı 3 Dekabr 2021, 17:03
SORĞU Kommunal xərciniz ən çox hansı xidmətə gedir?