17 mart 2021, 17:34 | Ana Səhifə - Yazılar - Bütün Azərbaycana işıq saçan ŞUŞA TONQALI
Bütün Azərbaycana işıq saçan ŞUŞA TONQALI
Elman Babayev


Bir fərdin deyil, bütün Azərbaycan xalqının arzusunun çin olduğu günlər yaşayırıq. Şuşada Novruz tonqalı yandırılıb!

Bu, elə bir daşlaşmış dilək idi ki, nə vaxtsa gerçək olacağına inamımız hər gün daha da öləziyirdi. Qarabağ nisgilinin altındakı 30 ilə yaxın davam edən sıxıntı, illərin-illərə calanması, aparılan uzun-uzadı danışıqların nəticəsizliyi, “İnşallah gələn il Novruzu Şuşada qeyd edərik” ifadəsinə ümidi sarsıdırdı istər-istəməz...

İndi Şuşada alovlanan tonqal sanki bizlərə təkcə millət olaraq qazandığımız Qələbənin böyüklüyünü, əzəmətini anlatmırdı, həm də öz alovları ilə çəkdiyimiz nisgili, ağrı-acını yandırırdı sanki! Tapdanan qürurumuzun geri döndüyünü, buraxılan tarixi səhvlərdən dərs almağın, həmişə bir olmağın önəmini anladırdı! Göz qırpmadan Qarabağ, Şuşa uğrunda canını fəda edən Azərbaycan Əsgərinin, cəsur övladlarımızın göstərdiyi tarixi igidliyi bir an olsun belə unutmamağın vacibliyini anladırdı!

Novruz bayramında, Şuşada İlaxır çərşənbəsi tonqalının alovlandığı gün Azərbaycan Prezidentinin öz ailəsi ilə birlikdə Qarabağda olması, burada başlanılan quruculuq işlərini şəxsən izləməsi də olduqca qürurvericidir. Son 17 ildə Azərbaycanın ayrı-ayrı rayonlarında sayı-hesabı bilinməyən açılışlar edən Prezident İlham Əliyevin Qarabağa, onun tacı Şuşaya quruculuq işlərini izləmək üçün səfər edəcəyi kimin ağlına gələrdi?

Prezidentin Müzəffər Ali Baş Komandan olaraq bu torpaqlara davamlı səfərləri təkcə azadlığa qovuşan Qarabağdan ikili standartların kök saldığı bəzi beynəlxalq qurumlara vacib mesajlar çatdırmaq, böyük ürək yanğısı ilə erməni faşizminin heç bir çərçivəyə sığmayan görüntülərini şəxsən nümayiş etdirmək kimi missiyaya xidmət etmir. Prezident həm də Qarabağda quruculuq işlərinə şəxsən nəzarət edir. Çünki artıq bura ilə bağlı konkret planların icrasına başlanılıb və dövlət başçısı bu işlərin sürətlə yekunlaşması üçün bütün imkanları səfərbər edib. Ən çox diqqət çəkən məqam bu işlərin Qarabağın tarixi simasını qorumaqla aparılmasıdır.

Səfər zamanı Şuşanın bərpası ilə bağlı nümayiş olunan kadrlar da bunu təsdiqləyir. Son iki ayda Şuşaya ikinci dəfə səfər edən Prezident Vaqifin məqbərəsində bərpa işlərinə start verib və əsas şərt abidənin tarixi simasının qorunmasıdır. Eyni yanaşma digər tarixi binalar, məscidlərlə bağlı bərpa işlərində də əsas prinsipdir.

Prezident İlham Əliyev Şuşada Pənahəli xanın dövründə olan tarixi faktları deyərkən, sovet dönəminə aid, arxivdən tapdığı şəkilləri nümayiş etdirərkən bu torpaqların əsl sahiblərinin kimliyini dünyaya nümayiş etdirirdi. Bu heç də daxili auditoriyaya hesablanmış addım deyil, çünki hər bir Azərbaycan vətəndaşı bu tarixi yaxşı bilir. Dövlət başçısı erməni havadarılarına tarixi ədalətin bərpa edildiyini göstərirdi:

“Mən bu şəkilləri arxivdən tapmışdım. Vaqif poeziya günləri keçirilir, 1982-ci ilin yay ayında. Məqbərənin önündə ulu öndər Heydər Əliyev. İnsanlar da bax, burada, bu tədbirdə iştirak edirdilər. Keçən dəfə burada olarkən bu yerə fikir verdim və dedim ki, arxivdən şəkillər tapılsın burada nə olub və bu şəkil tapıldı. Görürsünüz, Vaqifin təsviri bax, bu divarda olmuşdur. Mənfur düşmən bunu da sökdü, bu mərməri də sökdü. Bu da qəbrin üstündə sinə daşı idi. Vandal erməni bunu da söküb. Bunu bərpa edəcəyik. Ulu Öndərin o vaxt Şuşaya səfəri ilə əlaqədar daha bir neçə şəkil tapmışam arxivdən, mən də buradayam. Bu da Cıdır düzündə. Bunu bir dəfə göstərmişdim, Natəvan bulağının önündə. Bir şəkil də var, onu da göstərməliyəm. Burada Vaqifin büstü də var idi. Keçən dəfə Şuşada olarkən mən göstərdim ki, ermənilər büstü söküb dükan tikiblər. Bax budur. Vaqifin büstü, Ulu Öndər də baxır. Bu büstü də bərpa edəcəyik”.

Şuşada XIX əsrə aid Karvansaray tarix-memarlıq kompleksi, “Qarabağ” otelində gedən yenidənqurma işləri, Şuşa şəhərinin rəsm qalereyası, keçmiş sanatoriya korpusu ilə tanış olan Prezident bərpa-quruculuq prosesi barədə danışıb. İlham Əliyev Şuşanı tərk edərkən “Şuşaya “hələlik” deyirik. Şuşanın girişində Azərbaycan bayrağı dalğalanır və bundan sonra əbədi dalğalanacaqdır!” bəyanatı ilə bu toqpaqlara əsl sahiblərinin həmişəlik qayıtdığını bir daha bütün dünyaya anladırdı.

Bu qayıdış əbədidir! Şuşada Novruz tonqalının yanmasını, burada bərpa işlərini qürurla izləyiriksə, bu, geri dönüşü olmayan reallıqdır! Azərbaycan dövlətinin iqtisadi qüdrətinin Qarabağı çox da uzun olmayan bir zaman içərisində bizlərə abad və gözəl YURD yerləri kimi təqdim edəcəyinə də heç bir şübhə yoxdur!
MÜƏLLİFİN DİGƏR YAZILARI
Ermənistan və onu müdafiə edənlərə 4 SUAL 18 May 2021, 12:24 “8 Noyabr” stansiyasında Şəhid Xudayarın ifası səslənəcək? – “Bakı Metropoliteni”ndən AÇIQLAMA 18 May 2021, 12:18 Azərbaycan əsgəri Xocavənddəki erməniləri “separatçı bayrağı”nı çıxarmağa MƏCBUR ETDİ 18 May 2021, 12:12 Bakı Apellyasiya Məhkəməsinə yeni hakimlər təyin edilir - SİYAHI 18 May 2021, 12:06 İcra başçısı həlli vacib olan məsələləri sakinlərlə müzakirə etdi 18 May 2021, 12:00 Gömrük Akademiyasında təlimlər keçirlər 18 May 2021, 11:55 Horadiz-Ağbənd dəmir yolunda infrastrukur işlərinə başlanılıb 18 May 2021, 11:50 Kəpəz dağ silsiləsində Nizami Gəncəvi zirvəsi təsis olunub - VİDEO 18 May 2021, 11:45 Azərbaycanda universitetlərlə bağlı SORĞU keçirilir 18 May 2021, 11:41 Bakıda Formula 1 ilə bağlı tikinti işləri yekunlaşır 18 May 2021, 11:38 Qasparyan Koçaryanın tərəfinə keçdi 18 May 2021, 11:35 Kişinyovda Heydər Əliyevə həsr edilmiş tədbir keçirilib 18 May 2021, 11:29 Ləki-Qəbələ dəmir yolunun turizm üçün əhəmiyyəti nələrdi… 18 May 2021, 11:25 “Sputnik” agentliyi Azərbaycanla bağlı növbəti YALAN YAYDI - FOTOFAKT 18 May 2021, 11:24 İtkin düşən tələbə TAPILDI 18 May 2021, 11:18 Azərbaycanda 5 ulduzlu otellərə tələbat daha çoxdur 18 May 2021, 11:13 Azərbaycanlı jurnalist Ərəb mediasında ermənilərin məscidlərimizi təhqir etməsindən YAZDI 18 May 2021, 11:10 Belarusun müdafiə naziri Bakıya gəldi 18 May 2021, 11:06 Bakı-Qəbələ qatarı istifadəyə tam hazırdı 18 May 2021, 11:00 İşğaldan azad olunan ərazilərdə turizm marşrutları hazırlanır 18 May 2021, 10:54 Sonuncu buraxılış imtahanlarının nəticələri bu tarixdə AÇIQLANACAQ 18 May 2021, 10:48 Xırdalanda vaqon yanır 18 May 2021, 10:43 Azərbaycan ordusu bölgədə sülhün və təhlükəsizliyin qarantıdır 18 May 2021, 10:40 Stress pozuntularının aradan qaldırılması xaricdəki azərbaycanlı mütəxəssislərlə müzakirə edilib 18 May 2021, 10:35 “Mətbuat Dmanisidəki insidentlə bağlı informasiyalara diqqət etməlidir” - "Lider Media”nın rəhbəri 18 May 2021, 10:30 Bakıdan Qəbələyə ilk qatar yola düşdü 18 May 2021, 10:24 Qırğızıstan lideri Putinlə görüş üçün izolyasiya olundu 18 May 2021, 10:18 Bu gün “Avroviziya -2021”də Azərbaycan ifaçısı da ÇIXIŞ EDƏCƏK  18 May 2021, 10:12 Daha Laçının işğal gününü QEYD ETMİRİK - 28 illik həsrətə SON! 18 May 2021, 10:06 PUA-lar kəşfiyyat əməliyyatlarına cəlb olundu - VİDEO 18 May 2021, 10:00 Heydər Əliyev Fondu Goranboyda məktəb tikdirir 18 May 2021, 09:57 İlham Əliyev Co Baydenin müşaviri ilə sərhəd mübahisəsindən danışdı - Rəsmi MƏLUMAT 18 May 2021, 09:53 Saatlı sakini tüfəngini polisə təhvil verdi 18 May 2021, 09:48 Bakıda dizayneri tok vurub öldürdü 18 May 2021, 09:42 Səxavət Məmmədovun qardaşı vəfat etdi 18 May 2021, 09:36