Ermənistan baş naziri Nikol Paşinyan 2020-ci ilin “ən uğursuz siyasətçisi” seçilib.
Modern.az xəbər verir ki, o, Rusiyanın “İnterfaks” agentliyinin redaksiya heyətinin qərarı ilə bu ada layiq görülüb.
“2020-ci ildə dünyanın "ən uğursuz siyasətçiləri"nin başında Ermənistan baş naziri Nikol Paşinyan gəlir. Ermənistanın Qarabağ müharibəsində Azərbaycanba məğlubiyyəti ölkəni dərin daxili siyasi böhrana düçar edib. Odur ki, Paşinyanın hakimiyyətdən getməsi prinsip deyil, vaxt məsələsidir. İstisna olumur ki, hakimiyyətdən gedəndən sonra Paşinyan barəsində açılacaq cinayət işinə görə, siyasi mühacirətə yollanacaq”- deyə “İnterfaks” agentliyinin redaksiyası qərarını izah edib.
