“Rusiya Zaporojye Atom Elektik Stansiyasını (AES) minalayıb”.
Modern.az “RBK Ukraina”ya istinadən xəbər verir ki, bunu Ukrayna Müdafiə Nazirliyinin Baş Kəşfiyyat İdarəsinin rəisi Kirill Budanov deyib.
O bildirib ki, xüsusilə AES-in soyuducusu minalanıb: “Əgər onu sıradan çıxarsalar, bu, ciddi problemlərlə nəticələnə bilər”.
Qeyd edək ki, Rusiya ordusu Zaporojye AES-i 2022-ci ilin yazında işğal edib. Obyekt Rusiyanın Rosatom şirkəti tərəfindən idarə olunur.
Xatırladaq ki, Ukrayna Prezident Ofisinin müşaviri Mixaylo Podolyak daha əvvəl söyləmişdi ki, Rusiya Zaporojye AES-i vura bilər.
