İyunun 20-də Portuqaliya Ukraynaya yeni hərbi yardım paketini açıqlayıb.
Modern.az xəbər verir ki, bu barədə Portuqaliya Müdafiə Nazirliyi məlumat yayıb.
Bildirilir ki, yeni hərbi yardım paketinə haubitsalar və M113 zirehli texnikası daxildir.
"Portuqaliya Ukraynanı dəstəkləməyə davam edir", - açıqlamada deyilir.
Qeyd olunur ki, Portuqaliya Ukraynaya 14 ədəd M113 zirehli texnikası və 105 mm-lik haubitsa dəsti verəcək.
Yeni hərbi yardım paketinə, həmçinin 180 ton döyüş sursatı və 5 qapalı tibbi yardım maşını daxildir.
