Gürcüstanın Şovi vilayəti ərazisində baş verən torpaq sürüşməsi nəticəsində 2 nəfər həlak olub.
Modern.az xəbər verir ki, bu barədə ölkənin Daxili İşlər Nazirliyi məlumat yayıb.
Bildirilir ki, axşam saatlarınadək iki nəfərin cəsədi torpaq altından çıxarılıb, 70-dən çox insan helikopterlər vasitəsilə təhlükəsiz əraziyə köçürülüb.
Məlumata görə, xilasetmə əməliyyatı bütün gecə davam edəcək.
Təbii fəlakət zonasında turistlər də daxil olmaqla 100-ə yaxın insan çıxılmaz vəziyyətdə qalıb.
