Gürcüstan Avropa İttifaqına inteqrasiya naminə eks-prezident Mixail Saakaşvilini azad etmək niyyətində deyil.
Modern.az xəbər verir ki, bu barədə Gürcüstan ədliyyə naziru Rati Breqadze parlamentdə çıxışı zamanı bildirib.
Onun sözlərinə görə, Saakaşvili ilə Gürcüstanın Aİ-yə daxil olması arasında ortaq heç nə yoxdur.
"Gürcüstanın Avropa İttifaqına inteqrasiyasının məhkum edilmiş Saakaşvili ilə heç bir əlaqəsi yoxdur, buna görə də bu məsələyə baxılmır", - Breqadze bildirib. O əlavə edib ki, Saakaşvilinin səhhəti yaxşılaşarsa, o, 2022-ci ilin mayından qaldığı özəl Tbilisi klinikasından həbsxanaya köçürüləcək.
