Gürcüstanın baş naziri İrakli Qaribaşvili ölkənin Aİ-yə üzvlüyünə namizəd statusunun verilməsi şərəfinə “ümumxalq bayramı” elan edib.
Modern.az "Exo Kavkaza"ya istinadən xəbər verir ki, Avropa liderləri dekabrın 14-15-də Avropa Komissiyasının tövsiyəsini təsdiq edərək müvafiq qərar qəbul etməlidirlər.
Qaribaşvili hökumətin iclasında deyib:
“Biz ölkəmizin və xalqımızın, hökumətimizin və hakimiyyət orqanlarının əməyinin nəticəsi olan bu tarixi qələbəni birlikdə qeyd etmək üçün ümumxalq şənliyi, qələbə bayramı və konsert keçirmək istəyirik”.
