MDB müşahidə missiyası Ermənistanda keçirilən parlament seçkilərinin nəticələrinə təsir göstərə biləcək pozuntular aşkar etmədiyini açıqlayıb.
Modern.az xəbər verir ki, bunu iyunun 8-də keçirilən mətbuat konfransında MDB müşahidə missiyasının rəhbəri, MDB baş katibinin müavini Nurlan Seytimov deyib.
Onun sözlərinə görə, qeydə alınan ayrı-ayrı çatışmazlıqlar texniki xarakter daşıyıb və operativ şəkildə aradan qaldırılıb.
“Seçkilərin nəticələrinə təsir göstərə biləcək pozuntular müəyyən edilməyib”, – Seytimov bildirib.
O əlavə edib ki, Ermənistan parlamentinə seçkilər ölkənin Konstitusiyasına və Seçki Məcəlləsinə uyğun keçirilib, səsvermə açıq və rəqabətli şəraitdə baş tutub.
