"İran nüvə istehsalını bərpa edərsə, inanılmaz nəticələrlə üzləşəcək. Nəticələrinin nə olacağını sizə deməyəcəyəm, amma ən ağır aqibətlə üzləşəcəklər".
Modern.az xəbər verir ki, bunu ABŞ Prezidenti Donald Tramp Fransada keçirilən G7 sammitində jurnalistlərə bildirib.
İranın nüvə silahını inkişaf etdirmək siyasətini şərh edən Tramp deyib:
"Tehrana nüvə silahı hazırlamağa, almağa və ya başqa şəkildə əldə etməyə icazə verilməyəcək. Bu, ABŞ və İran arasında hazırlanmış anlaşma memorandumunun əsasını təşkil edir. Onlar nüvə silahları hazırlamayacaqlar, onları almayacaqlar, əldə etməyəcəklər və ya onlarla başqa bir şey etməyəcəklər. Əgər bunu etsələr, cəhənnəm onların üzərinə gələcək".
Tramp gələcəkdə Vaşinqton və Tehran arasında çox yaxşı münasibətlərin qurulacağına ümid etdiyini bildirib, lakin qeyd edib ki, İranın nüvə silahı əldə etməsinin qarşısının alınması onlar üçün həmişə əsas prioritet olaraq qalacaq.
