Arxiv
2 mart 2018, 18:05 | AKTUAL
Turizm Şurası turizm sahəsinin inkişafına öz töhfələrini verir

Son illər Azərbaycanda turizm sənayesi qeyri-neft iqtisadiyyatının genişləndirilməsi istiqamətində aparıcı rol oynamağa başlayıb. Çünki qədim və zəngin mədəniyyətə, yüksək qonaqpərvərliyə malik olan Azərbaycanda bu sahənin daha da inkişafı üçün böyük imkanlar var. Son illərdə həm mövcud imkanlardan geniş istifadə olunub, eyni zamanda dövlət dəstəyi ilə turizmin inkişafı istiqamətində böyük layihələr həyata keçirilib, müasir infrastruktur yaradılıb.

 

Prezident İlham Əliyevin 1 sentyabr 2016-cı il tarixli “Azərbaycan Respublikasında turizmin inkişafı ilə bağlı əlavə tədbirlər haqqında” sərəncamı və 6 dekabr 2016-cı il tarixli fərmanı ilə “Azərbaycan Respublikasında ixtisaslaşmış turizm sənayesinin inkişafına dair Strateji Yol Xəritəsi”nin təsdiq edilməsi ölkəmizin turizm sənayesi üçün yeni bir mərhələnin başlanğıcını qoymuş oldu.

Azərbaycanda “Milli iqtisadiyyat və iqtisadiyyatın əsas sektorları üzrə strateji yol xəritəsinin başlıca istiqamətləri”ndən irəli gələn vəzifələrin icrası, yüksək iqtisadi, sosial və ekoloji tələblərə cavab verən müasir turizm sənayesinin formalaşdırılması, onun ölkə iqtisadiyyatındakı xüsusi çəkisinin daha da artırılması və bu sahədə koordinasiya olunmuş siyasətin həyata keçirilməsi məqsədilə görülmüş işlərin bariz nümunəsidir.

Həyata keçirilən islahatlarla yanaşı, ölkə rəhbərliyi tərəfindən turizm sənayesinin inkişafına yönəlmiş yüksək dövlət qayğısının göstəricisi kimi Azərbaycan Respublikası Turizm Şurasının yaradılması da mühüm addım olaraq dəyərləndirilməlidir. 2016-cı il dekabrın 27-də Prezident İlham Əliyevin fərmanı ilə Şuranın tərkibi təsdiq olundu. Mədəniyyət və turizm naziri Əbülfəs Qarayevin sədri olduğu Şuraya müvafiq dövlət orqanlarının səlahiyyətli şəxsləri üzv təyin edildi.

 

Turizm Şurasının yaradılmasında əsas məqsəd Azərbaycanda turizm sahəsində mövcud vəziyyətin təhlil edilməsi, bu sahədə olan problemlərin aradan qaldırılması üçün müvafiq tədbirlərin görülməsi, turizm sahəsində dövlət orqanlarına həvalə edilmiş vəzifələrin icrasının əlaqələndirilməsindən ibarətdir.

Şuranın təkcə ötən il beş dəfə olmaqla, ümumilikdə 6 iclası keçirilib. İclaslar çərçivəsində turizm sənayesinin inkişafı üçün Şura tərəfindən görüləcək işlər, ölkəmizdə keçirilən mühüm tədbirlərin əlaqələndirilməsi, turizm sektorunun inkişafı istiqamətində düzgün koordinasiyanın qurulması məqsədilə işçi qrupların yaradılması, ticarət festivallarının (shopping festival) keçirilməsi, “Azərbaycan Respublikasına turist axınının sürətləndirilməsi ilə bağlı əlavə tədbirlər haqqında” ölkə başçısının 20 fevral 2017-ci il tarixli sərəncamından irəli gələn məsələlərin icra edilməsi, o cümlədən ölkəmizdə yay turizm mövsümünün açılışı və çimərlik turizminin inkişafına dair 2017-2020-ci illər üçün Tədbirlər Planının icra vəziyyəti və bir sıra digər mühüm məsələlər müzakirə olunub.

Turizm Şurası haqqında Əsasnaməyə uyğun olaraq, Şuranın indiyədək keçirilmiş bütün iclaslarında qəbul olunmuş qərarlar Mədəniyyət və Turizm Nazirliyində fəaliyyət göstərən Şuranın Katibliyi tərəfindən protokollaşdırılıb. Bildirək ki, Şuranın indiyədək keçirilən iclaslarında ümumilikdə 145 qərar qəbul edilib.

 

Şura öz fəaliyyətini işçi qrupları vasitəsilə həyata keçirir

 

Turizm sənayesi özündə bir sıra sahələri əhatə edir və bu sahələrin inkişafı üçün əlaqədar strukturlar birgə fəaliyyəti əsasdır. Turizm Şurası da öz fəaliyyətini müvafiq dövlət qurumlarının nümayəndələrinin təmsil olunduğu işçi qrupları vasitəsilə həyata keçirir.

İşçi qrupların fəaliyyəti, onların həyata keçirdiyi işlər, qarşıya çıxan çətinliklər Şuranın geniş tərkibli iclaslarında müzakirə olunaraq öz həllini tapır. Ötən dövr ərzində çimərlik turizminin inkişafı, turizm statistikasının təkmilləşdirilməsi, turizm sahəsində peşə təhsili və təlimi proqramlarının əlaqələndirilməsi, liberal hava nəqliyyatı, sərhədkeçmə prosedurlarının sadələşdirilməsi və viza verilməsi prosesinin asanlaşdırılması, turizm sahəsində təhlükəsizlik, sağlamlıq turizmi (eləcə də Naftalan nefti üzrə tədqiqat qrupu), dini turizm və ekoturizm üzrə işçi qrupları yaradılıb. İşçi qrupların əsas məqsədi ölkədə turizmin ümumi inkişafında rol oynayan müxtəlif sahələr üzrə müşahidə edilən problemlərin müəyyən edilməsi, mövcud çətinliklərin aradan qaldırılması və gələcək inkişaf üçün uyğun təkliflərin hazırlanmasıdır.

 

Turizm Şurası üçün prioritet məsələlərdən biri də “Azərbaycan Respublikasında ixtisaslaşmış turizm sənayesinin inkişafına dair Strateji Yol Xəritəsi”ndə qarşıya qoyulmuş hədəflərə çatmaqdan ibarətdir. Strateji Yol Xəritəsində ölkəmizdə turizmin inkişafını stimullaşdıran çox mühüm müddəalar yer alıb. Bu sənəddə əksini tapan məsələlərin icrası istiqamətində bir sıra uğurlu addımlar atılıb. Ölkəmizdə ilk dəfə olaraq ötən il yazda və payızda ticarət festivalı – Bakı Şopinq Festivalı keçirilib. Bu festivallar sərfəli ticarətlə yanaşı, ölkəmizin mədəni irsinin, incəsənətinin alış-veriş həvəskarlarına, yerli və xarici turistlərə tanıtımı üçün əlavə imkanlar yaratmış oldu.

Ötən müddət ərzində həmçinin Turizm Şurası tərəfindən aşağı büdcəli aviareyslərin açılması istiqamətində də işlər həyata keçirilib. Yay turizm mövsümündə bir sıra ölkələrin aviaşirkətləri tərəfindən Azərbaycana aşağı büdcəli uçuşlar təşkil olunub. Bu istiqamətdə atılan addımlar davam etdirilməkdədir. Ölkəmizdə sağlamlıq turizminin inkişaf etdirilməsi, Qalaaltı, Naftalan və Duzdağda müvafiq beynəlxalq sertifikatların əldə olunması istiqamətində Mədəniyyət və Turizm Nazirliyi ilə birgə işlər görülür. Beynəlxalq səviyyədə qəbul edilən həmin sertifikatların əldə olunması ölkəmizin sağlamlıq turizmi potensialının xaricdə daha geniş miqyasda tanınmasına və xarici turist axınına təkan verəcək.

Həmçinin Strateji Yol Xəritəsinə əsasən, Bakı şəhərinin dünyanın aparıcı turizm mərkəzlərindən birinə çevrilməsi məqsədilə Mədəniyyət və Turizm Nazirliyinin nəzdində Milli Turizm Təbliğat Bürosu yaradılıb. Büro paytaxtımızın beynəlxalq imicinin formalaşdırılması, şəhər brendinin istifadəsi üzrə uzunmüddətli fəaliyyət planının hazırlanması, brenddən istifadə üzrə nəzarət tədbirlərinin görülməsi və fərqli səviyyələrdə təkrar brendinq seçimi və marketinq işlərinin əlaqələndirilməsi, eləcə də turistlərin məmnunluğunun artırılması istiqamətində müvafiq işləri həyata keçirir.

 

Ümumiyyətlə, qısa müddət ərzində fəaliyyət göstərən Turizm Şurası tərəfindən turizm sahəsinin inkişafı üçün əhəmiyyətli layihələr reallaşdırılıb. Turistlərin məmnunluğunun artırılması üzrə təlimlərin təşkili, çimərlik turizminin inkişafı, turistlərin ölkə ərazisinə buraxılışının həyata keçirilməsi ilə bağlı müşahidələrin aparılması, sərhədkeçmə prosedurlarının sadələşdirilməsi, turizm şirkətləri ilə görüşlərin təşkili, ölkəyə səfər edən turistlərdən rəy öyrənilməsi məqsədilə mərkəzləşdirilmiş elektron rəy alma sisteminin yaradılması, turizm sahəsində statistikanın təkmilləşdirilməsi üzrə bir sıra islahatların aparılması, habelə turizm sahəsində təhlükəsizlik üzrə təkliflər paketinin hazırlanması bu qurumun əsas fəaliyyət istiqamətlərini təşkil edir.

Şura eyni zamanda turizm sahəsinin hərtərəfli inkişafı məqsədilə aidiyyəti qurumların uğurlu dialoqunun aparılması üçün vahid platforma rolunu oynayıb, bununla da sözügedən sahənin inkişafı istiqamətində bir sıra məsələlərin operativ, effektiv müzakirəsi və həlli təmin edilib.

Şübhəsiz ki, Turizm Şurasının 2018-ci ildə davam etdirəcəyi birgə əməkdaşlığa əsaslanan fəaliyyəti və Şura üzvlərinin bu istiqamətdə görüləcək işlərdə öz səylərini səfərbər etməsi ölkəmizdə turizm sənayesinin hərtərəfli inkişafına yeni-yeni töhfələr verəcək.

BU KATEQORİYADAN OLAN DİGƏR XƏBƏRLƏR
+ Arxiv
9 ayda 5662 sərxoş sürücü saxlanılıb 20 Oktyabr 2019, 15:37 Kürdəmirdə avtomobil aşıb 20 Oktyabr 2019, 14:42 Azərbaycanlı jurnalist XXI Dünya Rus Media Konqresində iştirak edəcək 20 Oktyabr 2019, 14:24 Bakıda “Çörək Müsabiqəsi” keçirilib 20 Oktyabr 2019, 14:12 YAP-dan icazəsiz mitinqlə bağlı BƏYANAT 20 Oktyabr 2019, 14:04 Bakının qəribə KÜÇƏ adları - Onlar nə zaman dəyişdiriləcək? 20 Oktyabr 2019, 13:35 Qəbul imtahanlarında iştirak edənlərin 50%-dən çoxu universitetlərə qəbul olunmayıb 20 Oktyabr 2019, 13:08 Əli Kərimilinin xərəklə təmin edilməməsinə hospitaldan AYDINLIQ GƏTİRİLDİ - FOTOLAR 20 Oktyabr 2019, 13:00 Sabah 28 dərəcə isti olacaq - HAVA PROQNOZU 20 Oktyabr 2019, 12:38 Siyavuş Novruzov: “Gələn bələdiyyə seçkilərində yeniliklər olacaq” 20 Oktyabr 2019, 12:27 Siyəzən rayon Təhsil Şöbəsinin müdiri işdən çıxıb 20 Oktyabr 2019, 12:21 “Azərbaycanda tarixlə bağlı telekanal açılmalıdı” - TƏKLİF   20 Oktyabr 2019, 12:03 Ağstafada kişi ağacdan yıxıldı 20 Oktyabr 2019, 11:30 Qadın cüdoçularımız Sloveniyada 2 qızıl, 3 gümüş və 1 bürünc medal qazanıblar 20 Oktyabr 2019, 11:08 Terrorçular Suriyada qaydaları pozdu - Türkiyəli hərbçi şəhid oldu 20 Oktyabr 2019, 10:41 Ermənilər iriçaplı pulemyotlar və snayperlərlə atəşkəsi pozdu 20 Oktyabr 2019, 09:50 Conson Avropa İttifaqından xahiş etdi 20 Oktyabr 2019, 09:27 Azərbaycan 9 ayda 501,5 milyon dollarlıq kənd təsərrüfatı məhsulları ixrac edib 20 Oktyabr 2019, 09:14 Qara dəniz sahillərində V əsrə aid xəzinə tapıldı 20 Oktyabr 2019, 00:17 Əli Kərimli sərbəst buraxılıb 19 Oktyabr 2019, 23:58 Kuba prezidenti Bakıya səfər edir 19 Oktyabr 2019, 23:32 NASA-dan xəbərdarlıq: Yerə iri asteroid  yaxınlaşır 19 Oktyabr 2019, 23:15 Braziliya sularına 100 tondan çox neft sızıb 19 Oktyabr 2019, 22:54 Bəndin uçması nəticəsində ölənlərin sayı 15-ə çatdı 19 Oktyabr 2019, 22:14 Mətbuat Şurası mitinqdə jurnalistlərin işinin monitorinqini aparıb 19 Oktyabr 2019, 21:47 “Barış çeşməsi”  kimləri susuz qoyacaq? - TƏHLİL 19 Oktyabr 2019, 21:26 Sumqayıt sakini avtomobilində ölü tapıldı 19 Oktyabr 2019, 20:58 Bakıda taksi sürücüsünə qarşı soyğunçuluq 19 Oktyabr 2019, 20:37 Qurbanov yüksək sürətlə maşın sürdüyünə görə cəzanlandırdığı oyunçusundan danışdı 19 Oktyabr 2019, 20:22 “Xəbərdarlıqdan sonra qeyri-qanuni əməllərin törədilməsi cinayət məsuliyyəti doğuran haldır” - Əli Həsənov 19 Oktyabr 2019, 20:03 Ərdoğan: “Trampa da dedim, razılaşma pozulacaqsa, “Barış bulağı” davam edəcək” 19 Oktyabr 2019, 18:02 14 marşrut xəttinin hərəkət sxemi bərpa edildi 19 Oktyabr 2019, 17:59 Böyük Britaniya parlamenti Brexit müqaviləsini səsverməyə çıxarır 19 Oktyabr 2019, 17:49 Milli Şuranın mitinqində 60 nəfər saxlanılıb - RƏSMİ 19 Oktyabr 2019, 17:36 Rəsmi Bakı Fransa məhkəməsinin qərarını alqışladı 19 Oktyabr 2019, 17:30