Arxiv
22 Aprel 2019, 15:56 | AKTUAL
Baytarlıq Xidmətindən qoyunlar və keçilərlə bağlı XƏBƏRDARLIQ

Kənd Təsərrüfatı Nazirliyi yanında Dövlət Baytarlıq Xidməti heyvandarlıqla məşğul olan sahibkarların nəzərinə çatdırır ki, qoyunlar və keçilər infeksion bradzot xəstəliyinə görə vaxtında peyvənd olunmalı və aşağıda qeyd edilən tövsiyələrə ciddi əməl edilməlidir.

 

Bu haqda Modern.az-a Baytarlıq Xidmətindən bildirilib.

Qeyd edək ki, təbii şəraitdə yaş və cinsdən asılı olmayaraq bradzot xəstəliyinə qoyunlar və keçilər yoluxurlar. Xüsusilə 2 yaşa qədər heyvanlar daha çox həssaslıq göstərirlər. Bradzot xəstəliyi ilin bütün fəsillərində, xüsusilə, yaz və payızda daha çox müşahidə edilir.

 

Bradzot xəstəliyi hər il otlaq sahələrində, xüsusilə otların göyərməsi, çiçəklənməsi yağışdan sonra heyvanların otarılması zamanı müşahidə edilir. Bəzən heyvanların durğun sulardan suvarılması və donmuş yemlərdən istifadə edildikdə xəstəlik baş verir. Bradzot xəstəliyi kök və azhərəkətli qoyunlarda daha çox müşahidə edilir. Əsas yoluxma yolu alimentar yoldur. Xüsusilə amilin sporları ilə çirklənmiş yem və suyun qəbulu zamanı yoluxma baş verir.

Bradzot xəstəliyi zamanı kliniki olaraq sağlam görünən qoyunların qəflətən ölümü müşahidə edilir.

Ölümdən əvvəl heyvanlarda bəzən güclü sinir tutmaları, görünən selikli qişaların hiperemiyası, konyunktivit, timpaniya və ağızdan köpüklü maye axması müşahidə edilir.

 

Xəstəlik zamanı temperaturun 40,5-41°C-yə qədər yüksəlməsi, ümumi düşkünlük, nəbz və tənəffüsün tezləşməsi, ağız və burundan köpüklü maye axması görünür. Bəzən qoyunlarda qanlı ishal, tez-tez sidik ifrazı, timpaniya, sancı, konyunktivanın hiperemiyası, dişlərin xırçıldaması nəzərə çarpır. Heyvanda hərəkət çətinləşir. Bəzən sinir pozğunluğu əlamətləri, xüsusilə narahatlıq, oyanıqlıq, dairəvi və tullanma hərəkətləri müşahidə edilir. Heyvan yerə yıxılır, ətrafları ilə üzmə hərəkətləri edir.

Sonra oyanma tədricən ümumi zəifliklə əvəz olunur. Qoyunlar ayaqları açılmış və başı arxaya əyilmiş halda görünür. Ölüm adətən 8-14 saatdan sonra, bəzən isə 3-5 gündən sonra baş verir.

Bradzotdan ölmüş heyvan cəsədində 3-5 saatdan sonra güclü köpmə müşahidə edilir və tez çürümə gedir. Təbii dəliklərdən qanlı-köpüklü maye axır. Baş, boyun və döş nahiyənin dərialtı toxumasında serozlu hemorroji infiltratın hopması görünür. Yun asanlıqla yolunur. Görünən selikli qişalar sianozlu olur.

Bradzotun profilaktikası məqsədilə otlaq və su mənbələrinin baytarlıq-sanitariya vəziyyətinə nəzarət olunmalıdır. Qoyunların yemlənmə-saxlanma şəraiti yaxşılaşdırılmalı və xəstəliyin baş verməsinə səbəb olan digər maneələr aradan götürülməlidir. Xəstəlik sürüdə müşahidə olunduqda onların otlaq sahəsi dəyişdirilməli və təcili vaksinasiya aparılmalıdır. Xəstəliyə görə qeyri-sağlam zonalarda təlimat əsasında profilaktik vaksinasiya və dehelmentizasiya aparılmalıdır.

Heyvanların durğun sulardan suvarılması və şehli-qrovlu otlaq sahəsində otarılmasına icazə verilməməlidir.

Profilaktik vaksinasiya yaz və payızda heyvanların otlaq sahəsinə keçirilməsinə 30-45 gün qalmış aparılmalıdır. Vaksinasiyadan sonra heyvanlara 14 gün ərzində antibiotik tətbiq etmək qəti qadağandır.

 

Xəstəlik baş verdikdə məhdudlaşdırıcı tədbirlərdən istifadə olunur. Təsərrüfata heyvan qəbulu və kənara çıxarılması qadağan olunur, digər heyvanlarda vaksinasiya aparılır və qaba yemlərlə yemləndirilir. Xəstə heyvanların kəsilməsi və ölmüş heyvanların dərisinin soyulmasına icazə verilmir. Cəsəd dəri ilə birlikdə yandırılmalıdır. Xəstə heyvanların yununun qırxılması və südündən istifadəyə icazə verilmir. Peyin yem qalıqları ilə birlikdə yığılaraq yandırılmalı və təsərrüfatda cari dezinfeksiya tədbirləri aparılmalıdır.

Məhdudlaşmalar axırıncı ölümdən 20 gün keçmiş və son dezinfeksiyadan sonra təsərrüfatdan götürülür.

Heyvanda infeksion bradzot xəstəliyi baş verən zamanı diaqnozun qoyulmasında baytar həkiminin rəyi mütləqdir və laboratoriyada təsdiqlənməlidir.

Heyvanlarda bradzot xəstəliyinin müalicə-profilaktika işləri təsərrüfat sahibinin hesabına aparılır.

 

Onu da qeyd edək ki, yaz və payız fəsillərində qoyunların bradzotdan tez-tez ölüm halları baş verir. Bunu nəzərə alaraq təsərrüfat sahiblərinin və heyvandarlıq təsərrüfatlarında çalışanların bir daha nəzərinə çatdırırıq ki, heyvanlarda yuxarıda qeyd edilən əlamətlər müşahidə edilən və heyvanların ümumi narahatçılığı zamanı mütləq şəkildə sahə baytarlıq məntəqəsinin baytar həkimlərinə müraciət etsinlər. 

 

Dövlət Baytarlıq Xidməti bildirir ki, heyvanlarda bradzota qarşı aparılan profilaktik və  müalicə işləri baytar həkiminin təyinatı və iştirakı ilə aparılmalıdır.

 

BU KATEQORİYADAN OLAN DİGƏR XƏBƏRLƏR
+ Arxiv
Xəzərdə 19 yaşlı gənc boğuldu 19 İyul 2019, 00:54 Türkiyədə gəmidə güclü yanğın 19 İyul 2019, 00:41 Azərbaycanlı paralimpiyaçılar "Tokio 2020"yə ilk lisenziyanı qazandı 19 İyul 2019, 00:27 “F-35 proqramından çıxarılmamız NATO-ya mənfi təsir göstərəcək” - Hulusi Akar 19 İyul 2019, 00:12 ABŞ Fars körfəzində İranın pilotsuz aparatı vurdu 18 İyul 2019, 23:52 Biləcəridə kiçik gizir bıçaqlandı 18 İyul 2019, 23:36 Keşikçidağdakı insidentlə bağlı araşdırma başlayıb 18 İyul 2019, 23:26 Gülnarə Kərimova həbsxanadan çıxarıldı 18 İyul 2019, 23:09 “Neftçi” Avropa Liqasının II təsnifat mərhələsinə yüksəlib 18 İyul 2019, 22:53 Günəş fəallığı çox aşağı səviyyədə qalacaq 18 İyul 2019, 22:31 Sumqayıtda polis leytenantı iş otağında özünü güllələdi 18 İyul 2019, 22:07 "Səbail" Avroliqada mübarizəni dayandırdı 18 İyul 2019, 21:54 İran Xəzərə hərbi gəmilər buraxacaq 18 İyul 2019, 21:33 Bakıda tanınmış İtaliyalı alimlə görüş - FOTO 18 İyul 2019, 20:58 Şairə Kəmalə Ağayeva vəfat edib 18 İyul 2019, 20:45  “Kim nə istəyir yazsın, vecimizə də deyil” - Anar Bağırov 18 İyul 2019, 20:03 “Neftçi” - “Speranta” matçının "11-liyi" dəqiqləşib 18 İyul 2019, 19:50 Sumqayıtda 4 nəfərin ölümünə səbəb olan sürücünün məhkəməsi başlayır 18 İyul 2019, 19:39 Biləcəridə yük qatarının vaqonu yanır 18 İyul 2019, 19:25 XİN: “Baş vermiş hadisə xalqların sülhə hazırlanması ilə bağlı çağırışa ziddir 18 İyul 2019, 19:02 Bakıda yol qəzalarında ölənlərin sayı AÇIQLANDI 18 İyul 2019, 18:54 Bu qurum “Azəriqaz”-a 26 milyon manat borcludur 18 İyul 2019, 18:31 İspaniyadan gətirilən badam tingləri məhv edilib 18 İyul 2019, 18:17 Bakıda 6 ayda 36 adamöldürmə cinayətinin üstü açılıb - Prokurorluq 18 İyul 2019, 18:11 Koçaryana qarşı cinayət işi dayandırlıdı 18 İyul 2019, 18:06 Məktəbəqədər təhsil qruplarının sayı artırılacaq 18 İyul 2019, 17:35 Manat və dolların sabahkı məzənnəsi 18 İyul 2019, 17:32 Jurnalistlərə JEST: 3 gün pulsuz müayinə olacaq 18 İyul 2019, 17:15 Bərdədə antisanitar şəraitdə fəaliyyət göstərən daha bir pendir sexi - FOTOLAR 18 İyul 2019, 17:12 Sabitliyə hücum polisə hücumdan başlayır… – Azərbaycandakı sabitlik hədəfə çevrilir - TƏHLİL 18 İyul 2019, 17:11 Sürücülərin NƏZƏRİNƏ: Bu yolda tıxac yarandı 18 İyul 2019, 17:02 Xəzərdə zəlzələ oldu 18 İyul 2019, 16:57 Bakıda havanın ən çox çirkləndiyi ərazi - MONİTORİNQ 18 İyul 2019, 16:50 Deputat cəhbədəki gərginliyə görə Elmar Məmmədyarovu İTTİHAM ETDİ 18 İyul 2019, 16:48 “Rustavi 2”-nin baş direktoru istefaya göndərildi 18 İyul 2019, 16:37