Arxiv
8 May 2019, 13:19 | PARLAMENT
Bakıda “yaşıl terror” - Deputatlar: “Bu cinayətkarlığa göz yummaq olmaz!”

Son günlər mətbuatın gündəmində olan məsələlərdən biri Xətai rayonu, M.Hadi küçəsi, 93/99 ünvanında ağacların kütləvi şəkildə kəsilməsi, məhv edilməsidir. 5 may 2019-cu il tarixində Ekologiya və Təbii Sərvətlər Nazirliyinə (ETSN) daxil olan şikayət əsasında araşdırılma aparılıb və yaşıllıq sahəsində torpaq mülkiyyətçisi tərəfindən 25 meyvə ağacının kəsildiyi, 2 zeytun ağacının və 96 nar kolunun köçürüldüyü müəyyən edilib.

Nazirlikdən bildirilib ki, fakt cinayət tərkibi yaratdığından torpaq mülkiyyətçisi Həzrət Temirov barəsində toplanmış araşdırma materialları qanunamüvafiq tədbirlərin görülməsi üçün Baş Prokurorluğa göndərilib.

Bu, Bakıda “yaşıl soyqırım”la bağlı müzakirələrə səbəb olan ilk belə fakt deyil. Və belə getsə, yəqin ki, sonuncu da olmayacaq. Müvafiq orqanların xəbərdarlıqlarına və nəzarətinə baxmayaraq, paytaxtın yaşıllıq sahələrindən məhrum edilməsi üçün sanki kampaniya aparılır.

Problemlə bağlı bağlı Modern.az-a danışan Milli Məclisin Təbii ehtiyatlar, energetika və ekologiya komitəsinin üzvü, deputat Kamran Nəbizadə yaşıllığın məhv edilməsini ciddi hadisə kimi pisləyib. O qeyd edib ki, Azərbaycan müstəqillik əldə edəndən indiyə qədər ölkədə, xüsusilə paytaxtda yaşıllığın qorunması ilə bağlı tədbirlər həyata keçirilir:

“Ulu öndərimiz Heydər Əliyev də demişdi ki, ağaclar məhv edilə bilməz. Yaşıllığın qorunması və yaşıllıq ərazilərin artırılması ilə Ekologiya və Təbii Sərvətlər Nazirliyi, "Ətraf mühitin mühafizəsi naminə beynəlxalq dialoq" İctimai Birliyi (İDEA) xüsusi məşğul olur. Bu proseslər təşkilatların nəzarəti altındadır. Qanunsuz ağac kəsimi, yaşıllıqların məhvi ilə bağlı faktlar aşkarlandıqda, dərhal müdaxilə edilir. Gələcəkdə belə halların təkrarlanmaması üçün mühüm addımlar atmaq vacibdir”.


K.Nəbizadə yaşıllığın qorunması ilə bağlı tək aidiyyəti qurumların deyil, vətəndaşların üzərinə də böyük məsuliyyət düşdüyünü vurğulayıb:

“Bu məsələdə ictimai qınaq da ön plana çəkilməlidir. Düzdür, prezident İlham Əliyev yaşıllığın qorunması ilə bağlı mühüm göstərişlər verir, iradlarını səsləndirir. Sadəcə olaraq, aidiyyəti qurumlar hər bir ağacı gündəlik nəzarətə götürə bilməzlər. Ona görə, insanlar belə hallar olanda ictimailəşdirməli, bu faktları qabartmalı, tənqid etməlidirlər. İctimai nəzarət bütün məsələlərdə olduğu kimi, yaşıllığın qorunması işində də vacib amildir”.

Komitənin digər deputatı Mirkazım Kazımov da sözügedən məsələyə münasibət bildirib. O Xətai rayonunda yaşamadığından həmin faktla bağlı məlumatlı olmadığını qeyd edib:


“Bununla belə, hesab edirəm ki, paytaxtda abadlaşdırma, yaşıllaşdırma işləri yüksək səviyyədədir. Belə də davam etməlidir. Yaşıllıq həyatdır. Dövlət rəhbərliyi məsələyə xüsusi diqqət yetirir, yaşıllaşdırma işlərinin artırılması üçün mühüm tədbirlər, layihələr həyata keçirilir”.


Deputat Tahir Kərimli isə bildirib ki, ekologiya və təbii sərvətlər naziri Muxtar Babayev Bakıda yaşıllığın qorunması, yeni yaşıllıq ərazilərinin salınmasına ciddi diqqət ayırır:

“Nazirin bu məsələdə çox həssas olduğu fəaliyyətindən hiss olunur. Görünür, ölkə başçısı da ona xüsusi tapşırıqlarını çatdırıb. Çünki tək paytaxtda deyil, bütün regionlarda meşələrin, yaşıllıqların qorunması üçün fəaliyyət proqramları həyata keçirilir. Nazirliyin iradəsi olsa da, imkanlı adamlar, bəzi məmurlar özlərinin maddi qazancı naminə yaşıllıqları məhv edirlər. Xüsusilə Bakıda insanlara çox vacib olan yaşıllıq ərazilərə qarşı terror həyata keçirirlər.

Bu yaxınlarda xarici telekanalların birində Asiyada yaxın illərdə tikiləcək arxitektura nümunələri haqqında süjet izləyirdim.  Sujetdə Asiya ölkələrində binaların, yaşayış komplekslərinin üzərində ağacların əkilməsi əks olunurdu.  Yaxın illərdə həyata keçiriləcək infrastruktur layihələrində yaşıllığın saxlanmasına xüsusi önəm veriləcəyi ifadə edilirdi. İnsanlar yaşıllığı artırmağın qayğısına qalmağa çalışdığı dönəmdə ölkəmizdəki ağac cinayətkarlığına göz yummaq olmaz. Mən aidiyyəti orqanları, Ekologiya və Təbii Sərvətlər Nazirliyini, Respublika Prokurorluğunu dəvət edirəm ki, ağac kəsiminə qarşı amansız davransınlar. Bir ağac 20-30 ilə əmələ gəlir, kimsə onu öz şəxsi məqsədləri naminə dibindən kəsir, oksigen mənbəyini məhv edir. Bakıda nə qədər parklar, yaşıllıqlar salınsa da, yaşıllıqların miqdarına görə həm ölkə miqyasında, həm də paytaxt miqyasında dünya standartlarından çox geri qalırıq.  Çalışaq elə vəziyyət yaranmasın ki, məsələ Milli Məclisdə qaldırılacaq dərəcədə ciddiləşsin”.

 

BU KATEQORİYADAN OLAN DİGƏR XƏBƏRLƏR
+ Arxiv
“Neft Azərbaycan iqtisadiyyatında problem deyil” - Komitə sədri 2 İyun 2020, 16:11 Kamran Əliyev daha bir prokuroru işdən ÇIXARDI 2 İyun 2020, 16:02 Tutulan məmurların pulları dövlət büdcəsinə qaytarılsın - Deputat 2 İyun 2020, 16:00 Xomeyninin vəfatından 31 il keçir 2 İyun 2020, 15:59 Naftalan şəhərində ölkəmizdə və regionda ilk “Little Free Library” kitabxanası açıldı - FOTO 2 İyun 2020, 15:55 Qətər Əmiri İlham Əliyevi təbrik etdi 2 İyun 2020, 15:50 Yaşı 60-ı ötənlər həftənin cüt günləri işə gedəcək! - QƏRAR 2 İyun 2020, 15:44 Ermənistanın eks-baş naziri: “Azərbaycanın yerində olsaydım, Qarabağa hücum edərdim” 2 İyun 2020, 15:39 Məktəb direktoruna cinayət işi AÇILDI 2 İyun 2020, 15:37 Anasını və bacısını güllələyən şəxs könüllü polisə  GƏLDİ 2 İyun 2020, 15:35 Gömrük Komitəsi 30 milyon manatı büdcəyə ödəyib 2 İyun 2020, 15:25 Koronavirusa qəsdən yoluxdurmanın üsulu TAPILDI 2 İyun 2020, 15:19 Ədliyyə Nazirliyi 5 ayda 48 min doğumu qeydə alıb 2 İyun 2020, 15:13 Rəşid Behbudovun ifa etdiyi daha bir mahnı oğurlandı 2 İyun 2020, 15:08 Koronavirusa yoluxan qadının əri həkimə və polisə yaba ilə hücum etdi 2 İyun 2020, 15:04 “Bu qurumların maliyyə vəziyyəti ürəkaçan deyil” - Samir Şərifov AÇIQLADI 2 İyun 2020, 14:58 Bu ölkədə koronavirusa yoluxan bütün azərbaycanlılar SAĞALDI 2 İyun 2020, 14:52 Jalə Əliyeva parlamentdə seçicilərin müraciətlərini səsləndirib 2 İyun 2020, 14:46 Maliyyə naziri: Azərbaycanın builki büdcəsinin problemi yoxdur 2 İyun 2020, 14:43 Neft sektorundan asıllığımızın azaldılması istiqamətində tədbirlər görülür - Nazir 2 İyun 2020, 14:39 ABŞ-ı çalxalayan iğtişaşlar: Trampı seçkilərdə sarsıdıcı məğlubiyyət gözləyir 2 İyun 2020, 14:35 Şura yeni qrant müsabiqəsi elan etdi 2 İyun 2020, 14:30 Gömrük Akademiyasında yeni ixtisaslara qəbul aparılır   2 İyun 2020, 14:25 Teledərslərin sabahkı CƏDVƏLİ 2 İyun 2020, 14:20 Asəf Zeynallının məzarı təmizləndi - Foto 2 İyun 2020, 14:15 Bank sektorunda sağlamlaşma prosesi gedir - Tahir Mirkişili 2 İyun 2020, 14:09 Hökümət üzvləri Milli Məclisə gəldilər - büdcə yenidən müzakirə olunur 2 İyun 2020, 14:03 Arif Məlikovun abidəsi ucaldıldı - FOTO 2 İyun 2020, 13:57 Dünyada daha bir milyarder artdı - FOTO 2 İyun 2020, 13:51 Hansı universitet yay imtahanlarında tələbələrə güzəşt edəcək… 2 İyun 2020, 13:46 İnsanlar koronavirusa niyə inanmırlar? - Həkim: “Millətin yarısı virusa yoluxduqdan sonra...” 2 İyun 2020, 13:40 Fond bağlanan banklara borcu olanlara müraciət etdi 2 İyun 2020, 13:35 Boris Conson Rusiyanı G7-də görmək istəmir 2 İyun 2020, 13:30 BMT Amerika hökumət orqanlarını qınayıb 2 İyun 2020, 13:25 Neftin qiyməti 40 dollara yaxınlaşır 2 İyun 2020, 13:19