Müsavat Partiyası Gənclər Təşkilatının sədri Əbülfəz Sadıqbəyli vəzifəsindən istefa verib.
Modern.az “Report”a istinadən xəbər verir ki, Ə.Sadıqbəyli istefasını yaş həddi məhdudiyyəti ilə bağlı olduğunu açıqlayıb.
"İki ildir, rəhbərlik etdiyim Müsavat Gənclər Təşkilatının sədrliyindən istefa verdim. Müsavat Partiyasının Nizamnaməsi yaş həddinə görə bunu tələb edir. Sonuncu dəfə Müsavat Gənclər Təşkilatının Şura iclası keçirildi. İstefamı Şuraya təqdim etdim və üzvlər yekdilliklə təklifin lehinə səs verərək, məni istefaya göndərdilər.
Növbəti konfransa qədər müsavatçı gənclərə gizli səsvermə yolu ilə seçilmiş 5 nəfərdən ibarət Təşkilat Komitəsi rəhbərlik edəcək",- deyə o qeyd edib.
