Rusiyanın Dağıstan Respublikasında yanacaq satışı ilə bağlı məhdudiyyət tətbiq edilib.
Modern.az xəbər verir ki, bu barədə Dağıstanın Energetika Nazirliyi məlumat yayıb.
Məlumata görə, bölgədə bir nəfərə 20 litr benzin və 50 litr dizel satılmasına limit qoyulub. Bildirilib ki, bu addım mövcud yanacaq ehtiyatlarının daha bərabər paylanması və süni qıtlığın qarşısının alınması məqsədi daşıyır.
Nazirlik sakinlərə yanacağı kanistrlərə doldurmağa çalışmamağı, avtomobilləri isə yalnız “faktiki zərurət” olduğu halda yanacaqla təmin etməyi tövsiyə edib.
RBK-nın hesablamasına görə, Moskva vaxtı ilə saat 12:00-a olan məlumata əsasən, Rusiyanın 30 regionunda müxtəlif səviyyələrdə yanacaq satışı ilə bağlı məhdudiyyətlər tətbiq olunub.
