Arxiv
4 İyun 2019, 13:59 | PARLAMENT
Mübariz Mənsimov Azərbaycana nə dərəcədə bağlıdır? - Deputat RƏYLƏRİ

Xarici ölkələrdə yaşayan azərbaycanlı iş adamları, varlı biznesmenlərə Azərbaycan ictimaiyyətində birmənalı münasibət yoxdur. Səbəb onların vətən üçün etdiklərinə bağlıdır.  Onlar arasında Azərbaycan üçün mühüm işlər görənlər də var, yalnız öz maraqlarını qoruyanlar da.


Türkiyədə fəaliyyət göstərən azərbaycanlı iş adamı Mübariz Mənsimov ölkəmizdə də yaxşı tanınır. “Palmali” Şirkətlər Qrupunun sahibi 1968-ci ildə Bakı şəhərində anadan olub. Gənclik illəri maddi baxımdan elə də əlverişli keçməsə də, M.Mənsimov 3 nəfər dostu ilə birlikdə balıqçı gəmisi kirayəyə götürərək, öz işini qurmağa başlayıb. Hazırda dünyanın ən böyük 5 dənizçilik şirkətindən biri olaraq göstərilən və illik dövriyyəsi 3 milyard dollar olan "Palmali" Şirkətlər Qrupunu isə 1998-ci ildə Türkiyəyə gətirib.

Məşhur milyarderin doğulub boya-başa çatdığı ölkəyə - Azərbaycana, öz xalqına nə dərəcədə can yandırdığını azərbaycanlı deputatların dilindən eşidək... Millət vəkilləri onu necə tanıyırlar?


Deputat Rasim Musabəyov Modern.az saytına xatırladıb ki, Mübariz Mənsimov Türkiyədə fəaliyyət göstərən azərbaycanlı biznesmen kimi işini qurub. O düşünür ki, M.Mənsimovun əsas işi biznesini inkişaf etdirmək, bu sahədə irəliləməyə çalışmaqdır:

“Yəni Azərbaycanı dünyaya tanıtmaq, Azərbaycan həqiqətlərini təbliğ etmək onun vəzifəsi deyil. Bu iş mətbuatımızın, Azərbaycan diasporunun üzərinə düşür. Ola bilər, Mübariz Mənsimov müəyyən humanitar layihələrlə azərbaycanlılara dəstək versin. Amma onun Azərbaycanı təbliği haqqında nə isə deməkdə çətinlik çəkirəm".



Deputat Fazil Mustafa
isə bu məsələ ilə bağlı konkret bir şəxsin simasında fikir bildirməkdə çətinlik çəkir:


“Konkret kimlərinsə fəaliyyətini qiymətləndirməyi düzgün hesab etmirəm. Çünki xaricdə yaşayan azərbaycanlılardan kimlərin hansı sahədə, hansı istiqamətdə işlər gördüyü barədə məlumatlı deyiləm. Mətbuatda çox zaman bu məqamların işıqlandırılması reklam xarakteri daşıyır. Ona görə, sözügedən mövzuda bilgi yetərsizliyi hiss edirəm. Amma hesab edirəm ki, xaricdə yaşayan hər hansı azərbaycanlının fəal olması müsbət addımdır. Humanitar məsələlərin, xaricədə təhsil alan azərbaycanlılarla bağlı layihələrin işlənməsi, hətta Azərbaycan cəmiyyətinə müəyyən mesajların ötürülməsi təqdirəlayiqdir.


Azərbaycanda diaspor işi bir qədər çətindir. Çünki kim irəli çıxırsa, xarici ölkədə hansısa addım atmağa çalışırsa, hər kəsdə bir növ şübhə elementi baş qaldırır. Hər kəsin əməlində hansısa mənfi xüsusiyyəti qabartmağa çalışırlar. Amma biz insanların, eləcə də xaricdə yaşayan azərbaycanlıların müsbət addımlarını, onların müsbət işlərini qabartmağa can atmalıyıq. Dediyim kimi, konkret məlumatım olmadan bir fərd haqqında fikir söyləyə bilmərəm. Amma ümumilikdə düşüncəm budur”.


Deputat Tahir Kərimli
isə Mübariz Mənsimovun humanitar addımlarını yüksək qiymətləndirir. O bildirib ki, “Palmali” şirkətinin rəhbəri xaricdə yaşasa da, Azərbaycanla nəfəs alır:


“Onun həm Türkiyədə yaşayan azərbaycanlılara dəstək olması, həm də ölkəmizdə bir çox insana əl tutması müsbət qiymətləndirilməlidir. Mübariz Mənsimov hətta Rusiyada azərbaycanlı jurnalist Fuad Abbasov təhqir olunanda da ona dəstək oldu. İnşa etdirdiyi gəmilərə azərbaycanlı liderlərin adlarını verir. O, həmçinin prezident İlham Əliyevin siyasətini də dəstəklədiyini dəfələrlə bəyan edib.

Mübariz Mənsimovu digər xaricdə yaşayan azərbaycanlılardan, diaspor nümayəndələrindən fərqləndirmək lazımdır. Məsələn, bu yaxınlarda “Rusiya neftinin atası” olan həmyerlimiz Fərman Salmanovun nəvəsi çıxış edərək, Vahid Ələkbərov və Rusiyada yaşayan digər həmyerlilərimizə müraciətini səsləndirdi. O, adlarını çəkdiyi azərbaycanlı biznesmenlərin Azərbaycanı Rusiyada təbliğ üçün iş görmədiyini diqqətə çatdırdı. Amma Mübariz Mənsimov həmin iş adamlarından seçilir. Dediyim kimi, o Azərbaycana bağlı insandır”. 

BU KATEQORİYADAN OLAN DİGƏR XƏBƏRLƏR
+ Arxiv
Zabitimizdən Paşinyana: “Bax, belə oynayarlar” 2 Dekabr 2020, 01:00 İspaniyada azarkeşlər stadionlara buraxılacaq 2 Dekabr 2020, 00:52 “Real”dan acı məğlubiyyət 2 Dekabr 2020, 00:41 Paytaxtda gənc oğlanı maşın vurdu 2 Dekabr 2020, 00:35 Eyfel bu tarixdən ziyarətə açıq olacaq 2 Dekabr 2020, 00:24 Teledərslərin bu günə olan CƏDVƏLİ 2 Dekabr 2020, 00:10 Messi Çempionlar Liqasında daha bir oyunu buraxacaq 2 Dekabr 2020, 00:00 Paşinyanın istefasını tələb edən daha 35 nəfər saxlanıldı 1 Dekabr 2020, 23:50 İŞİD Əkrəm İmamoğlunu öldürmək istədi 1 Dekabr 2020, 23:37 “Ölümün qolları güclü olsa da, Vətən məhəbbəti güclüdür ondan” - 30 yaşlı Şuşa qəhrəmanı   1 Dekabr 2020, 23:32 Əfqanıstanda Rusiya səfirliyinin avtomobili partladıldı 1 Dekabr 2020, 23:22 Ceyhun Bayramov qətərli həmkarı ilə danışdı 1 Dekabr 2020, 23:11 Almaniyada dəhşətli hadisə 1 Dekabr 2020, 23:00 Ceyhun Bayramov Çavuşoğlu ilə Laçını müzakirə etdi 1 Dekabr 2020, 22:50 Sumqayıtda mənzildə qadın meyiti aşkarlandı 1 Dekabr 2020, 22:45 Azadlıq meydanı parada hazırlaşır - FOTO 1 Dekabr 2020, 22:35 “Qarabağ” və “Zəfər” ordenləri hansı xidmətlərə görə verilir? 1 Dekabr 2020, 22:24 Laçın yolu və bu yolu açan dəmir yumruq 1 Dekabr 2020, 22:11 Ermənistanın məğlubiyyətinin “Yol xəritəsi” 1 Dekabr 2020, 21:57 “NATO Qarabağ münaqişəsinin tərəfi deyil” - Baş katib 1 Dekabr 2020, 21:32 “Vətən müharibəsində arxa cəbhədə xidmətlərə görə” medalı bu şəxslərə veriləcək 1 Dekabr 2020, 21:20 Maradonanın psixiatrının evində axtarış aparılır 1 Dekabr 2020, 21:11 İşğaldan azad edilən rayonlar üzrə təsis edilən medallar - FOTO 1 Dekabr 2020, 21:00 Nazirlər Kabineti pandemiya ilə bağlı qərarında dəyişiklik etdi 1 Dekabr 2020, 20:50 Türkiyədə koronavirusdan rekord sayda ölüm 1 Dekabr 2020, 20:42 Şuşanı azad edənlər bu medalla təltif olunacaqlar 1 Dekabr 2020, 20:29 Stalin haqqında miflər və əfsanələr 1 Dekabr 2020, 20:20 “Suqovuşanın azad olunmasına görə” medalın Əsasnaməsi təsdiqləndi 1 Dekabr 2020, 20:13 İƏT-in Baş katibi İlham Əliyevi təbrik etdi 1 Dekabr 2020, 20:04 Böyük dövlətlərin koronavirus vaksini YARIŞI 1 Dekabr 2020, 19:38 Vilyam Hacıyevin həbs müddəti daha 3 ay uzadıldı 1 Dekabr 2020, 19:23 Putinin hərbi bloku Qarabağdakı vəziyyəti müzakirə edib 1 Dekabr 2020, 19:15 Şəhid ailələri və müharibə əlillərinə hansı sosial dəstək göstərilir - SİYAHI     1 Dekabr 2020, 19:08 Azərbaycanda “Vətən müharibəsi iştirakçısı” medalı bu şəxslərə veriləcək 1 Dekabr 2020, 18:54 Almaniyada faciə: 2 ölü, 14 yaralı 1 Dekabr 2020, 18:39
SORĞU Cəbhə xəbərlərini hansı mənbədən alırsınız?