İyunun 16-da Yeni Zelandiyanın şimal-şərqində yerləşən adalar silsiləsinin yaxınlığında 7,2 bal gücündə zəlzələ baş verib.
Modern.az AZƏRTAC-a istinadən xəbər verir ki, bu barədə ABŞ Geoloji Xidməti məlumat yayıb.
Bildirilir ki, yeraltı təkanlar yerli vaxtla saat 10:55 dəqiqədə qeydə alınıb. Zəlzələnin episentri Lesperans qayalığından 103 kilometr şimal-şərqdə, ocağı 34,4 kilometr dərinlikdə yerləşib.
Sunami xəbərdarlığı elan olunsa da, sonradan Yeni Zelandiya Mülki Müdafiə və Fövqəladə Hallar Nazirliyi tərəfindən ləğv edilib.
Dağıntılar və zərərçəkənlər barədə məlumat verilmir.
