Modern.az

Bakını cənginə alan küləklər: “...Metereoloji silahlardan istifadə edilir” - AÇIQLAMA

Bakını cənginə alan küləklər: “...Metereoloji silahlardan istifadə edilir” - AÇIQLAMA

Hadisə

24 İyul 2019, 09:02

“Ölkəmiz insanın yaşayışı üçün ən əlverişli ərazidə yerləşir. Bakının iqlimi, bütün Azərbaycanın hava şəraiti yaşamaq üçün uyğundur”.

 

Bu barədə Modern.az-a Bakının dəyişkən iqlimi haqqında danışarkən Azərbaycan Ekoloji Proqnozlar Mərkəzinin prezidenti, ekoloq-alim Telman Zeynalov söyləyib. O bildirib ki, Bakının hava şəraiti mülayimdir:

 

“Bakı küləklər şəhəridir. Dəniz sahilində yerləşir, yarımada formasında Xəzərin içərisinə uzanır. Ona görə, paytaxtımızda küləklər əsir, hava şəraiti dəyişkən olur. İstəyir qərb və şərqdən, istəyir şimal və cənubdan olsun, həmişə küləklər əsir. Bəzən insanlar iddia edirlər ki, Bakı iqlim cəhətdən yaşamaq üçün əlverişli şəhər deyil. Halbuki biz Bakının qədrini bilmirik”.

 

T. Zeynalovun sözlərinə görə, bütün dünyada dəyişkən iqlim şəraiti hökm sürür. Ekoloq düşünür ki, bu, insanların qəlib hesab etdiyi faktorlarla deyil, müharibələrdə metereoloji silahlardan istifadə edilməsi ilə bağlıdır:

 

“Hər kəsin həqiqət hesab etdiyi iddialar ortaya atıblar – guya Yer kürəsinin iqliminin dəyişməsinə səbəb olan karbon qazıdır. Bu, çox əsassız və gülünc fikirdir. İqlimin dəyişməsinə, qlobal istiləşməyə səbəb olan münaqişələrdə, müharibələrdə metereoloji silahlardan istifadə edilməsidir. Bütün dünyada müşahidə edilən kəskin hava dəyişkənliyindən Azərbaycdan da öz payını götürür.

 

Bir zamanlar iqlim dəyişiklikləri aktiv müzakirə mövzusu olanda zavodları bağladılar, əhalini işsiz qoydular. Guya karbon qazını azaldacaqdılar. Halbuki karbon qazı atmosfer üçün normaldır”.

 

Son illər Bakının kəskin dəyişkən iqliminin ziyanlı olmadığını vurğulayan T. Zeynalov insanların buna öyrəşəcəyini düşünür:

 

“Müəyyən müddətdən sonra sakinlər dəyişkən iqlimə uyğunlaşırlar. İnsanın bədənində isti, soyuq hava şəraitinə uyğunlaşmaq üçün immunitet yaranır. Eynilə tez-tez dəyişən hava da müəyyən müddət sonra adiləşir”.

Instagram
Gündəmdən xəbəriniz olsun!
Keçid et
Ukraynadan Rusiyaya ardıcıl zərbələr: Vəziyyət kritikdir