Arxiv
14 Avqust 2019, 12:22 | HADİSƏ
Qüdrət Həsənquliyev ittiham etdi - Sərdar Cəlaloğlu sərt cavab verdi: “Elə bil Jirinovskidir” - QALMAQAL

Bütöv Azərbaycan Xalq Cəbhəsi Partiyasının (BAXCP) sədri, deputat Qüdrət Həsənquliyev ADP, AXCP, AMİP, Müsavat partiyaları haqqında kəskin ittiham irəli sürüb.

Belə ki, Q.Həsənquliyev Moderator.az-a açıqlamasında Qarabağ Komitəsinin yeni mitinqlər keçirmək istəyinə bu formada cavab verib:

 “Azərbaycan vətəndaşlarının sərbəst toplaşmaq azadlığı var və hər kəs belə bir mitinq təşkil edə bilər. Ancaq bu mitinqi təşkil edənlərin mütləq əksəriyyəti müxalifətçilər olduğundan  doğru olardı ki, onlar mitinq yox, problemi sülh yolu ilə həll edəcəklərinə dair üzərlərinə beynəlxalq təşkilatlar qarşısında 2000-ci ildən öhdəlik götürmüş ADP, AXCP, AMİP, Müsavat partiyasından tələb etsinlər ki, həmin öhdəliklərdən imtina edilsin. Sonra iqtidar və beynəlxalq birlik qarşısında tələb qoysunlar, müharibədən danışsınlar. Bu zaman onların davranışı daha məntiqli olardı. Bundan başqa, həmin mitinqə yüz minlər çıxmayacaqsa, onun ziyanı xeyirindən çox olacaq”.


Bəs adları çəkilən partiyalar Qüdrət Həsənquliyevin səsləndirdiyi ittihamlarla razıdırlarmı? Doğrudanmı, belə bir öhdəlik götürülüb?

Modern.az saytı məsələ ilə bağlı adları çəkilən partiyaların mövqeyini öyrənməyə çalışıb.


Azərbaycan Milli İstiqlal Partiyasının (AMİP) lideri Etibar Məmmədov
 həmin öhdəliyin sübuta yetirilməsini tələb edib:

“Bizim partiyanın adını çox hallandırırlar. Belə bir öhdəlik varsa, ortalığa qoysunlar. Boş söhbətlərdir”.


Azərbaycan Demokrat Partiyasının sədri Sərdar Cəlaloğlu
bu ittihamlara cavab olaraq Qüdrət Həsənquliyevi rus siyasətçi Jirinovski ilə müqayisə edib:

“Qüdrət Həsənquliyevin fikirləri Dağlıq Qarabağ problemi ilə bağlı verdiyim müsahibəyə bir növ cavabdır. Müsahibədə demişəm ki,  Rusiyanın Azərbaycanda nümayəndələri  var ki, Rusiyanın dili ilə danışırlar. Buna cavab olaraq Həsənquliyev belə cavab verib. Guya müharibə olsa,  Azərbaycan xalqının yarısı  satqın, xəyanətkar çıxacaq, döyüşməyəcək. Elə bil Qüdrət Həsənquliyev  Jirinovskidir. Sanki Azərbaycan Respublikası Milli Məclisinin deputatı yox, Rusiya Dumasının deputatıdır. Rusların maraqlarını ruslardan da çox müdafiə edir. Bu günə kimi bir rus siyasətçi deməyib ki, biz azərbaycanlıların boğazını üzərik. Bu da deyir ki, biz müharibə yolu ilə  Qarabağı azad etmək istəsək, Rusiya bizim boğazımızı üzəcək. Burada Həsənquliyevin mövqeyi aydındır, gizlətmir. Rusiya Xüsusi Kəşfiyyat Orqanlarının buradakı nümayəndəsidir. Vaxtilə Azərbaycan Xalq Hərəkatında “Yurd” təşkilatı  yaradılmışdı. Sonradan o “Yurd”çuların hamısının siyasi  gedişatını təhlil edəndə aydın olur ki, onların içərisindən Azərbaycan dövlətinə, xalqına bağlı adam çıxmayıb. Elə bil bölüşdürüblər. Fazil Mustafa Azərbaycan tarixini aşağılamağa, Qüdrət Həsənquliyev  isə Azərbaycan torpaqlarının işğal edilməsində təslimçi əhval-ruhiyyənin  formalaşdırılmasına xidmət edir. Əli Kərimli istisna olmaqla, böyük əksəriyyəti hökumətin yanındadır. Asim Mollazadə, Fazil Mustafa, Qüdrət Həsənquliyev...
“Yurd”çular o zaman Azərbaycan Xalq Hərəkatına necə zərbə vurdularsa, indi də öz fəaliyyətlərini davam etdirirlər. Qüdrət Həsənquliyev də “Yurd”çuların ən qabaqda gedən nümayəndələrindən biridir”.


Müsavat Partiyasının Mərkəzi İcra Aparatının rəhbəri  Gülağa Aslanlı Qüdrət Həsənquliyevin ittihamına cavab verəcəyi vaxtı açıqlayıb:

“Qüdrət Həsənquliyev həmin sənədi ortaya qoysun və orada Müsavatın hər hansı öhdəlik götürdüyünü təsdiqləsin. Ondan sonra Həsənquliyevə cavab verərik.


AXCP-dən isə mövzu ilə bağlı səslənən ittihamlara hər hansı cavab ala bilmədik.

Deyilənlərlə bağlı Yeni Azərbaycan Partiyası, eləcə də, Dağlıq Qarabağın Azərbaycanlı İcmasının mövqeyini öyrənməyə çalışdıq.

Hakim Yeni Azərbaycan Partiyasının icra katibinin müavini, deputat Siyavuş Novruzov bu barədə danışmaq istəmədiyini bildirdi:

“O zamanlar adları çəkilən partiyalar müttəfiq idilər. Nə baş verdiyini özləri daha yaxşı bilir. Mən əlavə nəsə deyə bilmərəm”.

Dağlıq Qarabağın Azərbaycanlı İcmasının sədr müavini Elçin Əhmədovun sözlərinə görə, partiyaların mövqeyi münaqişənin həllinə heç zaman təsir göstərməyib:

“Dağlıq Qarabağ məsələsi  beynəlxalq problemə çevrilmiş məsələdir. Adları çəkilən partiyalara qarşı Qüdrət Həsənquliyevin səsləndirdiyi fikirlərə konkret sözüm yoxdur. Əgər bu məsələ təsdiqini taparsa, o zaman konkret mövqe sərgiləmək olar. Həmçinin,  partiyaların mövqeyi münaqişənin həllinə təsir göstərmir. Partiyaların mövqeyi  münaqişənin həllində nə 2000-ci illərdə, nə də bu gün rol oynayıb”.

BU KATEQORİYADAN OLAN DİGƏR XƏBƏRLƏR
+ Arxiv
Pompeo öldürülən afroamerikalının ailəsinə başsağlığı verdi 31 May 2020, 20:34 Çin orbitə iki peyk buraxdı 31 May 2020, 20:28 Vaxtı keçmiş kreditlərin məbləği açıqlandı 31 May 2020, 20:25 Göygöldə “KamAZ”  qoyun sürüsünə çırpıldı 31 May 2020, 20:19 Misir ordusu Şimali Sinayda daha 19 terrorçunu məhv etdi 31 May 2020, 20:18 Xorvatiya 10 ölkənin vətəndaşları üçün sərhədlərini açdı   31 May 2020, 20:18 Səudiyyə Ərəbistanında 90 min məscid ibadətə açıldı 31 May 2020, 20:14 "Honda" 774 min avtomobili nasazlığa görə geri çağırır   31 May 2020, 20:05 Rusiyalı məşqçi koronavirusdan öldü 31 May 2020, 20:02 Əhalinin banklardakı əmanətləri azaldı - Mərkəzi Bank 31 May 2020, 19:58 Məmmədyarov əfqanıstanlı həmkarı ilə telefonla danışdı 31 May 2020, 19:51 Formula 1 Qran-Pri yarışları iyulun əvvəlində bərpa olunacaq 31 May 2020, 19:47 Dünyanın ən yaşlı kişi sakini Ruminyada - 111 yaşında 31 May 2020, 19:38 “Renault”un 8 minədək işçisi nümayiş keçirdi 31 May 2020, 19:28 Corc Floydun ölümünə görə Londonda etiraz aksiyası 31 May 2020, 19:25 Xəzərin bu hissəsində çimərliklər açılır 31 May 2020, 19:22 Britaniyada son sutkada koronavirusdan 113 nəfər öldü 31 May 2020, 19:15 Göyçayda 10-cu sinif şagirdi kanalda batdı 31 May 2020, 19:07 Ünvanlı sosial yardımın verilməsi 1 ilə endirilir 31 May 2020, 18:58 Bakıda ana və azyaşlı oğlunu maşın vurdu 31 May 2020, 18:51 Milli Məclisin sabahkı iclasının gündəliyi AÇIQLANDI 31 May 2020, 18:20 Bankların kredit qoyuluşları azalıb 31 May 2020, 18:04 Şamaxı Rayon Ağsaqqalları Prezidentə müraciət etdilər 31 May 2020, 17:58 Rusiyada koronavirusa yoluxanların sayı 400 mini keçdi 31 May 2020, 17:52 Fındıqda aflatoksin təhlükəsi   31 May 2020, 17:46 Nazirlik yoxlama apardı - 744 obyektdə nöqsan aşkarlandı: “OBA market, “Park restoran”, “Şeyx dönər”, “Qoç ət”… 31 May 2020, 17:40 Dolların yeni aya olan MƏZƏNNƏSİ 31 May 2020, 17:35 "Dərs vaxtı"nın iyunun 1-nə olan CƏDVƏLİ 31 May 2020, 17:29 İyun ayının hava PROQNOZU 31 May 2020, 17:24 Ünvanlı sosial yardımın artıq ödənişini könüllü qaytarmayanlar məhkəməyə veriləcək 31 May 2020, 17:18 Parlamentin yaz sessiyası başa çatdı 31 May 2020, 17:16 Milli Məclisdə 9 şöbə ləğv olunub - Spiker açıqladı 31 May 2020, 17:10 Estoniyada Assosiasiya prezidenti Azərbaycanın diaspora qayğısına qiymət verdi 31 May 2020, 17:06 Azərbaycanda daha 248 nəfər koronavirusa yoluxdu - 2 nəfər öldü 31 May 2020, 17:03 Bu ölkədə koronavirusa yoluxanların sayı 500 mini keçdi 31 May 2020, 17:00