Arxiv
17 Avqust 2019, 08:58 | PARLAMENT
Qarabağın azərbaycanlı icmasının səsi necə eşidilir? - Üç deputatın MÖVQEYİ

1992-ci il martın 24-də ATƏM-in (indiki ATƏT) Nazirlər Şurasının Helsinkidə keçirilən birinci əlavə görüşündə Azərbaycan Respublikası Dağlıq Qarabağ bölgəsinin azərbaycanlı icması yaradılıb. Minsk qrupu təsis edilərkən Ermənistan və Azərbaycan münaqişə tərəfləri, Dağlıq Qarabağın azərbaycanlı və erməni icmasına isə münaqişənin nizama salınması istiqamətində aparılan danışıqlarda maraqlı tərəf kimi mandat verilib. Ona görə, Dağlıq Qarabağın azərbaycanlı icması 1992-ci ildən başlayaraq müxtəlif vaxtlarda aparılan danışıqlarda iştirak edib.

 

Bəs maraqlıdır, son zamanlar bu icmanın fəaliyyəti hansı səviyyədədir?

Ünvanbladığımız sual haqqında Modern.az-a Milli Məclisin üzvləri danışıblar.


Deputat Rasim Musabəyov icmanın fəaliyyətinin xarici ölkələrdə vüsət almasının tərəfdarıdır:

“Dağlıq Qarabağın azərbaycanlı icmasının rəhbərliyinə professional diplomat gətirildi. Azərbaycanın daxilində icmanın fəaliyyəti aktiv olmasa belə, hər birimiz Qarabağ problemi ilə yaşayırıq, torpaqlarımızın işğaldan azad edilməsini arzulayırıq. Vacibdir ki, Qarabağın azərbaycanlı icmasının səsini dünya eşitsin. Bu baxımdan, rəhbərliyə gələn gənc diplomatın fəaliyyətini artırdığını düşünürəm. Sonuncu olaraq, Ermənistan baş naziri Nikol Paşinyanın bəyanatları, çıxışları ilə bağlı Qarabağ icmasının da müəyyən müraciətləri səsləndirildi. Ola bilər, xariclə bağlı da başqa fəaliyyətiləri olsun”.

Milli Məclisin digər üzvü Çingiz Qənizadə isə icmanın fəaliyyətini qənaətbəxş hesab etmir:

“Qarabağın azərbaycanlı icmasının aktiv fəaliyyətini hələ ki, hiss etmirəm. Aradabir icma sədrinin  bir neçə cümləlik bəyanat verməsi ilə məsələ bitmir. Aktiv fəaliyyəti, xaricdəki əlaqələrin işə salınması, aksiyaların keçirilməsi, beynəlxalq təşkilatlara müraciətlər və s. görə bilmirəm. Ermənistan tərəfinin hansısa yaramaz hərəkətinə qarşı bəyanat verməklə icmanın fəaliyyətini məhdudlaşdırmaq olmaz. İcmadakı əməkdaşların əksəriyyəti bizim dostlarımızdır. Amma Qarabağı hamımız hər şeydən çox istəyirik. Ona görə, aktiv əməli fəaliyyət göstərib, Ermənistan tərəfinin cavabını vermək vacibdir. 1-2 cümləlik bəyanatlar şəxsən məni qane etmir”.

Deputat Aqil Abbas isə Dağlıq Qarabağın azərbaycanlı icmasına dəstək göstərilməsini vacib hesab edir:

“İcmanın rəhbərliyinə cavan, savadlı kadr gətirildi. O, çalışır. Biz də icmaya dəstək verməliyik. Amma təəssüf ki, hamımız dəstəkləmirik. Qarabağın azərbaycanlı icmasının diaspor kimi xaricdə nümayəndəlikləri olmalıdır. Hətta mən deyərdim ki, Dağlıq Qarabağı tanıtmaq üçün azərbaycanlı icmasının az qala hər ölkədə bir “səfirliyi” açılmalıdır. Xüsusilə, böyük ölkələrdə, Amerika, Fransa, Rusiya, Böyük Britaniya və s. dövlətlərdə Qarabağı bu qurum vasitəsilə tanıtmaq lazımdır”.

Təklifin maliyyə təminatına gəlincə, A. Abbas hesab edir ki, buna yetəcək maddi imkanımız var:

“Niyə iş adamları bu cür təşəbbüslərə kömək etmək istəmirlər? Azərbaycanda bu qədər şirkətlər var, onlar qazandıqlarının 1 faizini Qarabağ icmasına versələr, o pulla ordu da yaratmaq olar”.

Qeyd edək ki, 2006-cı ildə Dağlıq Qarabağın azərbaycanlı icması ictimai birlik formasında Azərbaycan Respublikasının qanunlarına uyğun olaraq Ədliyyə Nazirliyində qeydiyyata alınıb. 2009-cu il iyunun 5-də Bakı şəhərində icmanın I Qurultayı keçirilib. Hazırda Qarabağın azərbaycanlı icmasının sədri Tural Gəncəliyevdir.

 

BU KATEQORİYADAN OLAN DİGƏR XƏBƏRLƏR
+ Arxiv
Aksiya zamanı 147 nəfər saxlanılıb 17 Noyabr 2019, 00:53 Güclü qara görə məktəblər bağlandı 17 Noyabr 2019, 00:37 Türkiyədə zəlzələ oldu 17 Noyabr 2019, 00:19 Azərbaycan xalqının Dirçəliş Günü - VİDEO 17 Noyabr 2019, 00:00 “Qrupdakı bütün komandalar Azərbaycan yığmasından yaxşıdır” - Nikola Yurçeviç 16 Noyabr 2019, 23:56 Aqşin Yeniseyin vəziyyəti ağırlaşdı - YENİLƏNİB 16 Noyabr 2019, 23:42 Suriyada terror: 10 ölü 16 Noyabr 2019, 23:20 İŞİD-in daha  615 üzvü təslim oldu 16 Noyabr 2019, 23:03 Azərbaycan millisi Uelsə uduzdu 16 Noyabr 2019, 22:51 İranda xalq ayağa qalxdı - FOTOLAR 16 Noyabr 2019, 22:16 İraq İranla sərhədi bağladı 16 Noyabr 2019, 21:23 Gürcüstan parlamentinin qarşısında növbəti aksiya 16 Noyabr 2019, 20:55 Bakıdakı ağır qəzada 4 nəfər yaralandı 16 Noyabr 2019, 20:34 Azərbaycan Uelslə bu heyətlə oynayacaq 16 Noyabr 2019, 20:19 Xədicə İsmayılova "Müsavat" rəhbərliyini istefaya çağırdı 16 Noyabr 2019, 20:01 “Xəyal belə etmədiyim bir yerdəyəm” – Demet Özdemir Bakıda 16 Noyabr 2019, 18:00 Sumqayıtda yolu keçən qadını maşın vurdu 16 Noyabr 2019, 17:59 “Sovet hakimiyyəti başa düşürdü ki, Meydan hərəkatı xalqı müstəqilliyə aparır” - Tapdıq Fərhadoğlu 16 Noyabr 2019, 17:46 Milli Qəhrəmanlara heykəl qoyma ənənəsi davam etdiriləcək? 16 Noyabr 2019, 17:18 Benzin bahalaşdı, İran qarışdı - ölən və yaralananlar var 16 Noyabr 2019, 16:53 İlham Əliyev Latviyalı həmkarına məktub göndərdi 16 Noyabr 2019, 16:45 Məzahir Pənahov: “22 min 529 nəfərin namizədliyi qeydə alınıb” 16 Noyabr 2019, 16:31 Prezident Oman Sultanını təbrik etdi 16 Noyabr 2019, 16:22 BDU kollektivi universitet ərazisinə 650 ağac əkdi 16 Noyabr 2019, 16:07 Zakir Həsənov orduya əmr etdi: təlimlərin sayı artırılsın 16 Noyabr 2019, 15:56 Vilayət Eyvazov İnterpolun yeni rəisini şəxsi heyətə təqdim etdi 16 Noyabr 2019, 15:45 “Azəriqaz” qazanxalara qaz verməyə başladı - iki dövlət qurumu ANLAŞDI 16 Noyabr 2019, 15:33 Göygöldə hadisə yerindən qaçan sürücü tutuldu 16 Noyabr 2019, 15:15 Paytaxt istiliksiz qaldı: “Azəriqaz” “Azəristiliktəchizat”a qaz vermir - PROBLEM 16 Noyabr 2019, 14:51 Leyla Məmmədovadan fermerlərə MÜRACİƏT: “Onlara inanmayın” 16 Noyabr 2019, 14:26 Arpa ilə bədənin TƏMİZLƏNMƏSİ 16 Noyabr 2019, 14:08 Siz hardasınız, XANKƏNDLİLƏR? 16 Noyabr 2019, 13:46 Ərdoğan Atatürkdən sonra Türkiyənin ən böyük lideridir? 16 Noyabr 2019, 13:37  “Azərsu” sədri Mingəçevirdə qəbul keçirdi 16 Noyabr 2019, 13:28 Daha bir jurnalist bələdiyyə seçkilərinə QATILDI 16 Noyabr 2019, 13:27