72 yaşı Hollandiya şahzadəsi Kristina bu gün səhər saatlarında həyatını itirib.
Modern.az xarici KİV-ə istinadən xəbər verir ki, ölüm haqda xəbəri Hollandiya kral ailəsi öz instaqram səhifəsində şahzadənin şəklini paylaşmaqla insanlara bildirib. Kral ailəsi bu itkidən çox sarsıldıqlarını şahzadə haqqında xoş xatirələri dilə gətirməklə qeyd edib.
Şahzadə Kristina uzun müddət idi ki, sümük xərçəngindən əziyyət çəkirdi. 1947-ci ildə dünyaya gələn Kristina, kraliça Culiana və kral Bernhardın kiçik qızıdır. 1975-ci ildə Corc Quillermo ilə evlənən şahzadənin bu evlilikdən iki oğul və bir qız övladı dünyaya gəlib.
Qeyd edək ki, Hollandiya, Kanada və İtaliya kimi bir neçə ölkədə yaşayan şahzadə xalq arasından olan biri ilə evləndiyi üçün taxt-tac varisliyindən də imtina etmişdi.
