Arxiv
5 Sentyabr 2019, 09:18 | QARABAĞ
Biz torpaqlarımızı istəyirik, sülh Qarabağı Ermənistana verir - Yeni Qarabag Hərəkatı (YQH) yaradılır…

Otuz ildən çoxdur Qarabağ məsələsi həll olunmamış qalır.  Ərazilərimizin 20 faizindən çoxunun işğalı, ölkəmizin hər yaşayış məntəqəsində yurd-yuvasını itirmiş köçkünlər, yenə ölkəmizin hər yaşayış məntəqəsində torpaqlarımızın azadlığı uğrunda canlarını fəda etmiş şəhid məzarları, sağlamlıqlarını itirmiş qazilər və ən nəhayət ermənilərin at oynatdığı, yallı getdiyi Qarabağ...


Otuz ildən çoxdur ... Zaman keçir, ötən hər dəqiqə zərərimizə işləyir. Mətbuatın gündəmi, rəsmi səfərlərin, xarici ölkələrdə təbliğat prosesinin başlıca mövzusu Azərbaycan həqiqətlərinin dünyaya çatdırılması, düşmənin işğal etdiyi 20 faiz torpaqlarımızdan çıxması, habelə Ermənistanın Azərbaycana qarşı təcavüzkarlıq siyasətinin ifşa olunmasıdır. 


Zaman keçir, ötən hər dəqiqə zərərimizə işləyir - zaman öz sözünü deyir. Ermənistan bilir ki, müəyyən bir müddət keçdikcə, dünya dəyişdikcə, artıq torpaq həsrəti, müharibə istəyi öləziyəcək.


Əvvəllər münaqişənin həlli üçün sülh prosesinə ümid var idi. İndi yalnız müharibə istəyi, problemin bir tək müharibə ilə həll ediləcəyindən başqa yol görünmür. Ermənistan rəhbərliyinin son davranışlarından, iddialarından bunu açıq görmək olar.


Torpaqlarımızın işğaldan azad edilməsi istiqamətində dövlət mümkün bütün addımları atır. Nəticəsizlik müasir dünya sisteminin bu məsələyə birtərəfli yanaşmasındadır.

Bəs cəmiyyət bu istiqamətdə nələr edir? Öncədən qeyd edək ki, Azərbaycanda Qarabağla bağlı olan bir çox təşkilatlar fəaliyyətdədir. Yəni adı, fəaliyyət istiqaməti Qarabağla bağlı olsa da, Qarabağ üçün hansı işləri görə bilirlər – onu da qətiyyətlə sadalamaq çətindir.

Əldə etdiyimiz məlumatlara görə, torpaqlarımızın azad edilməsi istiqamətində cəmiyyətdə aktivliyin təmin edilməsi və s. kimi məsələlərlə bağlı gənclərin Yeni Qarabağ Hərəkatı (YQH) yaradılır.


Xüsusilə gənc nəslin şüurunda Qarabağın yerini möhkəmlətmək, hərtərəfli hazırlıq hərəkatın prioritetlərindən hesab olunur.


Belə bir vəziyyətdə, yeni hərəkatın yaradılması faydalı olacaqmı – bunu qiymətləndirməyi isə ekspertlərin öhdəsinə buraxaq.


Qayıdaq Qarabağ münaqişəsi ətrafında aktivliyin azalması, cəmiyyətin hətta kobud səslənsə belə laqeydliyinə... Bu durumu yaradan amillər nədir? Həqiqətən, Qarabağ münaqişəsindən danışmağa, torpaqlarımızın işğal olunması, Azərbaycanın başına gətirilənləri dəfələrlə dilə gətirməkdən yorulmuşuq?


Bu suallar ətrafında Modern.az-a Xocalıdan olan deputat Elman Məmmədov danışıb. O, Qarabağla bağlı aktivliyin azalmasını qəbul etmir:


 “Qarabağın işğaldan azad olunması, ətraf rayonlarımızın düşməndən təmizlənməsi Azərbaycan xalqının hər bir nümayəndəsinin diqqət mərkəzində olmalıdır. Bu problem həmişə gündəmdə qalmalıdır. Bütün cəmiyyət, dövlət qurumları, qeyri-hökumət təşkilatları, rəsmi və qeyri-rəsmi qurumlar, media, televiziyalar problemin həlli ilə bağlı məqamları qabartmalıdırlar. Hər bir təhsil ocağında Azərbaycanın ən vacib problemi yeni nəslə çatdırılmalıdır. Vətənpərvərlik istiqamətində apardığımızı təbliğatın başlıca məqsədi məhz Qarabağı unutdurmamaqdır. Başımıza gətirilənləri unutmaq kimliyini, milliliyini unutmaq deməkdir”.


Məsələnin siyasi müstəvidə görüntüsünə gəlincə, E. Məmmədov deyir ki, Ermənistanın indiki rəhbərliyi Azərbaycana qarşı əvvəlkilərdən daha açıq düşmənçilik, işğalçılıq mövqeyindədir:


“Rəhbərlik özünün bütün hərəkətləri, bütün bəyanatları ilə Azərbaycana başqa çıxış yolu qoymur. Biz görürük ki, 30 ildir danışıqlar nəticə vermir, sülh yolu ilə bu problemi həll etmək qeyri-mümkünləşir.  Dəfələrlə bəyan etmişik ki, münaqişənin sülh yolu ilə həlli yoxdur. Biz müharibə istəmirik. Biz dədə-baba torpaqlarımızı istəyirik. Ermənistanın hərəkətləri isə ancaq müharibə istəyidir. Onlar torpaqlarımızı özünüküləşdirməyə can atırlar. Hesab edirəm ki, Azərbaycan tezliklə düşmənin bu cür davranışlarından nəticə çıxaracaq. Biz həm beynəlxalq qanunlara, həm də öz Konstitusiyamıza əsaslanaraq torpaqlarımızı düşməndən azad edib, ərazi bütövlüyümüzü bərpa edəcəyik. Dediyiniz kimi Qarabağla bağlı hər hansı yeni təşkilat yaranırsa, bundan məlumatım olmasa da, torpaqlarımızın azad edilməsi istiqamətində atılacaq hər bir addımı müdafiə edirəm”.

BU KATEQORİYADAN OLAN DİGƏR XƏBƏRLƏR
+ Arxiv
Bələdiyyə seçkilərində namizədlərin qeydə alınması bu gün başa çatır 22 Noyabr 2019, 00:52 Nadir mavi almaz 14,9 milyon dollara satıldı 22 Noyabr 2019, 00:32 Bakıda oğru marketi qarət edib 2 nəfəri bıçaqladı 22 Noyabr 2019, 00:15 Gəncədə məmur komaya düşdü 21 Noyabr 2019, 23:57 Azərbaycan nefti bahalaşdı 21 Noyabr 2019, 23:43 Ad gününüz mübarək, professor! 21 Noyabr 2019, 23:33 Mövludun mübarək, Həsən Məmmədov! 21 Noyabr 2019, 23:30 Yeni Açıq Hökumət Fəaliyyət Planı müzakirə edildi 21 Noyabr 2019, 23:19 "Ölkəmizdə rus dilində təhsil tam şəkildə qorunub saxlanılıb" - Mehriban Əliyeva 21 Noyabr 2019, 23:01 Qaladakı qəzada ölən bir ailənin dörd üzvü dəfn edilib - FOTO, VİDEO 21 Noyabr 2019, 22:46 Futbol Federasiyasının rəhbəri istefa verdi 21 Noyabr 2019, 22:29 İranda itkin düşən sabiq deputatın meyiti tapıldı 21 Noyabr 2019, 22:13 Biləcəridə 12 yaşlı qızı maşın vurdu 21 Noyabr 2019, 21:55 QHT-lərə xəbərdarlıq: Məlumatlandırma sessiyaları başlayır 21 Noyabr 2019, 21:39 Mehriban Əliyeva “Lujniki” Olimpiya Kompleksində  - FOTO 21 Noyabr 2019, 21:17 “İmkan olacaqsa, Sumqayıt bulvarını genişləndirməliyik” - PREZİDENT 21 Noyabr 2019, 20:59 Bu yollarda sürət həddi endirildi 21 Noyabr 2019, 20:44 İlham Əliyev AXC-Müsavat dövründən danışdı: “Yalvarırdılar, mən bunun şahidiyəm” 21 Noyabr 2019, 20:29 Dadaş Dadaşlinskidən Elxan Məmmədova atmaca - VİDEO 21 Noyabr 2019, 20:16 “Erməni millətçiləri Sumqayıt şəhərinə qara yaxmaq, ləkə vurmaq istəyirlər”  - İlham Əliyev, YENİLƏNİB     21 Noyabr 2019, 20:00 Bakıda əcnəbi vətəndaşın pulunu kirayə qaldığı evdən apardılar 21 Noyabr 2019, 19:55 Ağcabədidə toy karvanında qəza olub, ölən və yaralananlar var – FOTO 21 Noyabr 2019, 19:47 Prezident Ədliyyə Nazirliyinin əməkdaşlarına ali rütbələr verdi - SƏRƏNCAM 21 Noyabr 2019, 19:05 Rəsmi Bakı Paşinyana CAVAB VERDİ: “Öz xalqını aldatmaq cəhdidir” 21 Noyabr 2019, 18:53 İsrail Prezidenti Knessetə üç həftə vaxt verdi 21 Noyabr 2019, 18:42 Oqtay Əsədov: “Rusiya ilə yüksək siyasi dialoq iqtisadi sahəyə də təsir göstərir” 21 Noyabr 2019, 18:29 “Real” Maurisio Poçettinonu baş məşqçi gətirmək istəyir 21 Noyabr 2019, 18:18 “Dağlıq Qarabağ münaqişəsi üzrə danışıqlar formatını tərəflər müəyyənləşdirməlidir 21 Noyabr 2019, 18:10 Yevda Abramov xəstəxanaya yerləşdirildi 21 Noyabr 2019, 17:53 Mehriban Əliyeva Rusiya Prezidenti ilə görüşəcək 21 Noyabr 2019, 17:38 Azərbaycanın yeni Ombudsmanı bu üç nəfərdən biri olacaq - ADLAR 21 Noyabr 2019, 17:37 Bakıda “Porsche Cayenne”nin sürücüsü yolu kəsdi - Tıxac yaratdı - VİDEO 21 Noyabr 2019, 17:29 İlham Əliyev 70 yaşlı deputatla bağlı sərəncam verdi 21 Noyabr 2019, 17:22 İctimai Nəzarət Şuralarının Forumu keçirilsin – Jurnalist təşkilatından TƏKLİF 21 Noyabr 2019, 17:15 Kürəkəni Sarkisyana 20 milyon dollarlıq hədiyyə edib 21 Noyabr 2019, 17:09