Arxiv
21 Sentyabr 2019, 10:50 | ÖLKƏ
Doğmalarından imtina etməyə məcbur olan TANINMIŞLAR

Azərbaycan Xalq Cəbhəsi Partiyasının (AXCP) sədr müavini Fuad Qəhrəmanlının qızı Selcan Yağmur atasından imtina edib. O buna səbəb kimi Fuad Qəhrəmanlının həyat yoldaşına və qızlarına qarşı zorakılıq etdiyini, ailə başçısından şiddət gördüklərini göstərib. 


Bu hadisə bir neçə gündür, sosial şəbəkələrin, eyni zamanda mətbuatın gündəmini zəbt edib. Nəticədə ailəsində yaranan məişət problemlərinin ictimailəşdirilməsi Fuad Qəhrəmanlının AXCP-dən istefa verməsinə səbəb olub.
 

Valideynlərindən və ya övladlarından imtina halları Azərbaycan cəmiyyətində əvvəllər də rast gəlinən hadisə olub. Xüsusilə, siyasətlə bağlı olan şəxslərin bu kimi addımları zaman-zaman müzakirələri qızışdırıb.


Modern.az
 saytı zaman-zaman doğmalarından və ya yaxınlarının onlardan imtina etməsi ilə gündəmə gəlmiş məşhur şəxslərin siyahısını təqdim edir.


İlk olaraq, sadalamağa Fuad Qəhrəmanlının həyat yoldaşı, yazar Zümrüd Yağmurdan başlayaq. O da vaxtilə ailəsindən imtina etməyi ilə gündəmə gəlmişdi. Z. Yağmur bu imtinanı özünün siyasi fəaliyyəti ilə bağlı olduğunu söyləmişdi:

"Ailəmə dedim ki, təzyiq altında olmamaq üçün məndən imtina edin. Onlar bunu istəmədi. Qərara gəldim ki, bu addımı özüm atım".


Xarici ölkəyə - Norveçə köçən yazıçı-jurnalist Günel Mövludun da ailəsi vaxtilə ondan imtina etmişdi. Belə ki, Günel Mövludun iki qardaşı həbs ediləndən sonra ailəsi jurnalistdən imtina etdiyini bildirdi. Onun anası Şövkət Şəfiyeva oğlanlarının həbsini qızı Günel Mövludun "Meydan” TV ilə əməkdaşlıq etməsinə bağlamışdı.

Günel Mövludun atası daha öncə qızından imtina etməyəcəyini desə də, bu hadisədən sonra Şövkət xanıma qoşulduğunu söyləmişdi.


Hollandiyada yaşayan azərbaycanlı mühacir, tez-tez kəskin müxalif fikirləri ilə gündəmə gələn vloger Orduxan Teymurxanın da ailəsi ondan imtina edib. Onun yaxınları Orduxanın əməllərindən utandıqlarını deyiblər. O. Teymurxanın bacısı oğlu Elnur Əliyev bildirib ki, 10 ildən artıqdır, Azərbaycanda yaşamayan dayısı ilə onları heç nə birləşdirmir.


“Qarabağ”ın və milli komandanın futbolçusu Mahir Mədətovun (soyadı indi Emrelidir-red.) atası, prodüser Anar Mədətovdan imtina etməsi də yaddan çıxmayan hadisələrdən biridir. Futbolçu sosial şəbəkələrdə paylaşdığı yeni şəxsiyyət vəsiqəsində atasının həm adından, həm də soyadından imtina etdiyini göstərib. Onun vəsiqəsində soyadı "Emreli", ata adı isə "Mahir" olaraq qeyd olunub.

Qeyd edək ki, Mahirin bu addımına səbəb ailəsində yaşanan problemlər olub. Həmin dönəmdə Anar Mədətov Mahirin anasından boşanmadan, başqa xanımla ailə həyatı qurmağa hazırlaşırdı.


Müdafiə Nazirliyinin mətbuat xidmətinin keçmiş rəhbəri Eldar Sabiroğlu da oğlu Rüfət Səfərovdan imtina etmişdi. E.Sabiroğlu social şəbəkədə oğluna məktub yazaraq, ondan imtina etdiyini açıqlamışdı. O, həmin məktubunda Rüfətə hətta məzarı üstünə gəlməməsini də vəsiyyət etdi.
Lakin bu günlərdə sosial şəbəkələrdə Rüfət Səfərov ailəsinin yanında olduğunu bildirib və bunu təsdiqləyən foto paylaşıb. 
Xatırladaq ki, R.Səfərov Zərdab rayon Prokurorluğunun sabiq müstəntiqidir. O, rüşvət almaqda təqsirləndirilərək həbs edilmiş, Prezident İlham Əliyevin əfv sərəncamı ilə azadlığa çıxmışdı.


Mətbuatda müzakirələrə səbəb olan sonuncu imtina hadisələrindən biri isə bu ilin iyul ayında baş verdi. Belə ki, Azərbaycanın sabiq xarici iqtisadi əlaqələr naziri Qüdrət Quliyev öz oğlundan imtina etdi. Bu barədə sosial şəbəkə hesabında paylaşım edən Q.Quliyevi bu addımı atmağa Amerika Birləşmiş Ştatlarına köçmüş oğlu Mone Quliyevin müxalif “Azadlıq” qəzetinə verdiyi qalmaqallı müsahibəsi vadar edib.
Quliyev bildirib ki, ailəsi Monedən imtina edir və onun siyasi fəaliyyətinə görə heç bir məsuliyyət daşımır.

Hazırda ABŞ-da yaşayan telejurnalist Sevinc Osmanqızının bacısı Lalə Mirzəyeva da 2017-ci ilin martında ondan imtina edib.

L. Hacıyeva mətbuata açıqlamasında bildirib ki, son iki ildə Sevincin siyasi mövqeyini kəskin dəyişməsi onda təəssüf yaradıb: "Mənim dəfələrlə və təkidlə ona sağlam siyasi mövqe nümayiş etdirmək üçün təsir etməyimə baxmayaraq, o öz fikrindən əl çəkmədi. Məhz buna görə də bizim siyasi baxışlarımız qarşı-qarşıya gəldi”. 
Lalə Hacıyeva deyib ki, o, dəfələrlə elektron media vasitəsilə Sevincin doğma vətənim Azərbaycan, onun siyasi rəhbərliyi barədə yazdığı fikirlərə tənqidi münasibətimi bildirib, ailə tərbiyəsinə yaraşmayan mövqedən əl çəkməsini böyük bacı kimi də tələb edib.
L. Hacıyeva, həmçinin, bacısının mövqeyinə görə, atası, mərhum Osman Mirzəyevin adının hallandırıldığını, onun ruhunun inciməsindən narahat olduğunu da qeyd edib: "Onunla bağlı müzakirələrdə atamın adının hallandırılması, Osman Mirzəyevin adının belə müzakirələrdə çəkilməsi mənə rahatlıq vermir". 
L. Hacıyeva müraciətinin sonunda qeyd edib: "Bütün bunları nəzərə alaraq mətbuat vasitəsilə bəyan etmək istəyirəm ki, məni Sevinc Osman qızı Mirzəyeva ilə artıq heç nə bağlamır".

BU KATEQORİYADAN OLAN DİGƏR XƏBƏRLƏR
+ Arxiv
“Sədərək”dəki yanğından xəsarət alan şəxs xəstəxanadan evə buraxıldı 18 Fevral 2020, 10:46 “Azərişıq”dan villa, otel sahiblərinə XƏBƏRDARLIQ 18 Fevral 2020, 10:40 İcra başçısı köməkçisini işdən çıxardı 18 Fevral 2020, 10:37 Ayaz Salayev: “Space TV çox səviyyəli kanaldır” 18 Fevral 2020, 10:34 "Aqrolizinq"də ciddi nöqsanlar AŞKARLANDI 18 Fevral 2020, 10:28 Bir gündə qəzalarda 2 nəfər öldü 18 Fevral 2020, 10:22 Fərid Şəfiyev: “Cenevrə görüşü son illərin ən gərgin danışıqları idi” 18 Fevral 2020, 10:16 "Sədərək"də 1000 kv metr ərazi yandı - RƏSMİ 18 Fevral 2020, 10:10 Maliyyə Nazirliyi 3 qurumdakı yoxlamaların nəticələrini prokurorluğa göndərdi - RƏSMİ   18 Fevral 2020, 10:04 Övladlığagötürmə ilə bağlı qaydalar DƏYİŞDİRİLDİ   18 Fevral 2020, 09:59 Sədərəkdəki yanğın avtobusların hərəkətini məhdudlaşdırdı 18 Fevral 2020, 09:53 Koronavirus şübhəsilə xəstəxanaya yerləşdirilən tələbələr evə buraxıldı - RƏSMİ 18 Fevral 2020, 09:48 Dünyanın qəribə dəfn adətləri – ölü ilə rəqs, striptiz, ərləri üçün özlərini yandıran qadınlar… 18 Fevral 2020, 09:42 "Sədərək" Ticarət Mərkəzində yanğın məhdudlaşdırılıb - YENİLƏNİB 18 Fevral 2020, 09:37 General Etibar Mirzəyev yanğın yerində - VİDEO 18 Fevral 2020, 09:36 “Sədərək”dəki yanğından 9 nəfər zəhərləndi, 1-i xəstəxanaya yerləşdirildi - FOTO - VİDEO 18 Fevral 2020, 09:30 19 yaşlı gəlin xaşdan zəhərləndi 18 Fevral 2020, 09:23 Ağcabədidə ağır yol qəzası - Ölən var 18 Fevral 2020, 09:17 Cəbhədə gərginlik artıb - düşmən snayperləri işə saldı 18 Fevral 2020, 09:16 Orta məktəblərdə summativ qiymətləndirmənin qaydaları DƏYİŞDİRİLDİ 18 Fevral 2020, 09:05 Ağır xəstəliyin asan müalicəsi TAPILDI 18 Fevral 2020, 08:58 Çempionlar Liqasının 1/8 final mərhələsi BAŞLAYIR 18 Fevral 2020, 08:40 Çində koronavirusdan ölənlərin sayı 1868 nəfərə çatıb 18 Fevral 2020, 07:56 Parisdə kütləvi etirazlar başladı 18 Fevral 2020, 01:07 Koronavirusu müalicə edən həkim də öldü 18 Fevral 2020, 00:43 Cinayətkar qrupunun silahlıları saxlanılıb 18 Fevral 2020, 00:29 Çempionlar Liqasında 1/8 final mərhələsi başlayır 18 Fevral 2020, 00:13 Bakıda qayınata və kürəkən bıçaqlanıb 17 Fevral 2020, 23:58 Rusiyanın bu bölgəsinə Azərbaycandan təyyarələrlə pomidor daşınır 17 Fevral 2020, 23:43 Türkiyə və Rusiya diplomatları danışıqlara sabah davam edəcək 17 Fevral 2020, 23:26 Azərbaycan alimləri İsveçrədə beynəlxalq elmi konfransa qatılıb 17 Fevral 2020, 23:08 Hacıqabulda avtomobil dirəyə çırpıldı: xəsarət alan var 17 Fevral 2020, 22:53 Azərbaycanlı köçkünlərin problemi Beynəlxalq Konfransda qaldırıldı 17 Fevral 2020, 22:37 Karib dənizində təyyarə qəzaya uğradı 17 Fevral 2020, 22:21 25 ölkədə 694 nəfər koronavirusa yoluxdu 17 Fevral 2020, 22:06