“İki sahil” qəzetinin şöbə müdiri Elçin Zaman Milli Onkologiya Mərkəzində əməliyyat olunub.
Modern.az xəbər verir ki, jurnalistin döş qəfəsində aşkarlanan şiş cərahiyyə əməliyyat ı ilə götürülüb. Əməliyyatı mərkəzin Torakal şöbəsinin müdiri təcrübəli cərrah-ankoloqu, tibb elmləri doktoru, professor Əbülfəz Soltanov uğurla başa çatdırıb.
Elçin Zamanın sözlərinə görə, bundan sonra tibbi müayinə və müalicə proseslərinin davam etdirilməsi nəzərdə tutulub. Jurnalist bildirib ki, vəziyyəti qənaətbəxşdir.
