“Bakı Şəhər İcra Hakimiyyətinə mitinqin keçiriləcəyi yerlə bağlı müraciət etmişik, dəqiq cavab gələn həftə bilinəcək”.
Bunu Modern.az-a açıqlamasında Milli Şuranın üzvü Eldəniz Quliyev bildirib.
Onun sözlərinə görə, müraciət 5 iş günü içərisində cavablandırılmalıdır:
“Müraciətdə bir neçə ünvan qeyd etdik: “Nərimanov” metrosunun qarşısı, Tofiq Bəhramov adına Respublika stadionunun girişi və “28 May” metrostaniyasının yaxınlığı. Artıq gələn həftənin ikinci günü bizə dəqiq cavab veriləcək. Mitinqi günorta saat 15:00-da başlamağı planlaşdırırıq”.
Qeyd edək ki, 19 oktyabrda mitinqin keçiriləcəyi ilə bağlı qərar bir neçə gün əvvəl Milli Şuranın təşkil etdiyi piket zamanı verilib.