Arxiv
14 Oktyabr 2019, 10:01 | AKTUAL
Qənirə Paşayeva: “Bu düşmənə də, dosta da bir mesajdır”

“AzərKitab” Kitab Təbliği Mərkəzində Avrasiya Beynəlxalq Araşdırmalar İnstitutu İctimai Birliyi (ABAİB), Regional Hüquqi və İqtisadi Maarifləndirmə İctimai Birliyi (RHİMİB), Dünya Gənc Türk Yazarlar Birliyi (DGTYB), Daşkənddəki Heydər Əliyev adına Azərbaycan Mədəniyyət Mərkəzi və evsahibi qurumun təşkilatçılığı ilə Özbəkistanın tanınmış şairi, ünlü “Kitab dünyası” qəzetinin baş redaktoru Xasiyyət Rüstəmin yaradıcılıq gecəsi və Özbəkistan sənətçilərinin “Azərbaycan, Qarabağ və sülh üçün oxu” klipinin təqdimatı keçirilib.

Tədbiri giriş sözü ilə RHİMİB sədri Arzu Bağırova açıb: “Bu gözəl qardaşlıq gecəsində hər kəsi salamlayıram. Üç gündür davam edən silsilə tədbirlərin qardaşlıq bağlarımızın güclənməsində böyük əhəmiyyəti var. Ötən günlər ərzində professor Babaxan Şərifin 70 illik yubileyi qeyd edildi; “Özbəkcə-Azərbaycanca, Azərbaycanca-Özbəkcə” sözlüyü və dahi NİZAMİnin özbəkcəyə çevrilmiş “Xəmsə”sinin təqdimatı oldu; Dövlət Pedaqoji Universitetində professor-müəllim və tələbə heyəti ilə maraqlı görüş-müzakirə keçirildi. İndi isə tanınmış şair Xasiyyət Rüstəmin yaradıcılıq gecəsinə yığışmışıq. Bugün eyni zamanda özbək sənətçilərinin bizim əsas problemimizə sənət ecazı ilə yanaşması ilə tanış olacağıq.”
Tədbirdə “Azərkitab”ın təsisçisi Sabir Həsənov çıxış edərək, belə görüşlərin keçirilməsinin əhəmiyyətini vurğulayaraq, özəlliklə gənclərin kitaba, sənətə, mədəni dəyərlərə daha böyük ölçüdə dönüşü üçün faydalı olduğunu deyib.
Evsahibinin çıxışından sonar özbək sənətçilərinin iştirakı ilə hazırlanmış klip böyük ekranda göstərilib.
Daşkənddə fəaliyyət göstərən Heydər Əliyev adına Azərbaycan Mədəniyyət Mərkəzinin rəhbəri Samir Abbasov klip barədə fikirlərini bölüşərək deyib: “Gördüyünüz kimi, klipdə işğal edilmiş yerlərimiz, tarixi abidələrimiz göstərilib. Bir sıra xalq və müəllif mahnıları səsləndirilib. Klip “Qarabağ şikəstəsi” ilə bitir. Burada Cocuq Mərcanlıdan Şuşaya gedən yol göstərilir. - Yəni klipdə yaşanmış ağrı, kədərimiz görsənsə də, seyriçiyə daha böyük ölçüdə ümid və haqqın nazilsə də, üzülməyəcəyinə inam aşılanır”.

Təşkilatçı ABAİB-in sədri, millət vəkili Qənirə Paşayeva qeyd edib ki, bu cür layihələr iki ölkə arasındakı birliyin möhkəmlənməsinə xidmət edir:

“Buna bir musiqi layihəsi kimi baxmaq olmaz. Klipdə Özbəkistanın tanınmış sənətçiləri, istedadlı gəncləri yer alıb. Onlar Qarabağ üçün oxuyurlar. Özü də çox ürəklə, içdən oxuyurlar. İndi hamımız qəribə duyğular keçiririk... Sanki bir anlığa Qarabağa getdik. Özbək gənclərinə, sənətçilərinə, əlbəttə, Daşkənddəki Heydər Əliyev adına Mədəniyyət Mərkəzimizə könül dolusu təşəkkür edirik! Hamımız türk dünyasında belə layihələrin həyata keçirilməsinə çalışmalıyıq.
Biz də bir müddət öncə Özbəkistanda olduq, çox önəmli tədbirlərdə iştirak etdik. Bugün burda qardaş Özbəkistanından öz vətənlərinə gələn ziyalılarımız var. Onlara bir daha xoş gəlmisiniz deyirəm. Arzu xanımın da dediyi kimi, son üç gündə ölkəmizdə önəmli tədbirlər keçirdik. Belə tədbirlərdən biri ustad Babaxan Şərifin 70 illik yubileyinin təntənəli şəkildə qeyd edilməsi oldu. Babaxan müəllimi bir daha təbrik edirik! Biz ustada hər zaman sevgi ilə yanaşır, hörmət edirik. İnşallah, ustadın növbəti yubileyini Qarabağda keçirərik.
İkincisi, "Azərbaycanca-Özbəkcə, Özbəkcə-Azərbaycanca" lüğətinin “Kaspi” qəzetinin təşkilatçılığı ilə Beynəlxalq Mətbuat Mərkəzində və habelə AMEA Ədəbiyyat İnstitutunda möhtəşəm təqdimatı oldu. Bu layihə iki ölkə arasındakı birliyin möhkəmlənməsinə xüsusi xidmət edən layihədir.
Üçüncü tədbir, böyük NİZAMİnin özbək türkcəsinə tərcümə edilmiş ölməz “Xəmsə”sinin təqdimatı ilə bağlı idi. Elmlər Akademiyamızın Ədəbiyyat İnstitutunda və Ədəbiyyat Muzeyində maraqlı görüşlər, müzakirələr təşkil olundu.
Hazırda da böyük bir layihənin təqdimatına toplamışıq. Mən bayaq da deim, klipə tamaşa edərkən qəribə duyğular keçirdik. Bəli, buna yalnız bir musiqi layihəsi kimi baxmırıq. Burada medianın dəyərli simaları var, təklifim odur ki, bu layihəni daha geniş ərazilərə yayaq. Qoy, düşmənlər görsün ki, təkcə biz deyil, bütün türk dünyası Qarabağ deyir.
Araşdırmaçı qardaşımız Şöhrət Barlas burdadır, o, vaxtı ilə Özbəkistanda törədilən qətliamlardan yazırdı, indi də yazır. Onun Qarabağ üçün gördüyü işlər misilsizdir. Bir daha Şöhrət qardaşımıza da, Azərbaycanı, türk dünyasını düşünən bütün özbək qardaş-bacılarımıza təşəkkürümüzü yetiririk!
Əziz dostlar, nəhayət, bu günün şair qonağı Xasiyyət xanımdır. Mənə deyirlər ki, o, özbəkdən çox, azərbaycanlıya oxşayır. Deyirəm, bu yalnız onun zahiri oxşarlığı deyil, qəlb yaxınlığı, könül doğmalığıdır. Onun ürəyində Azərbaycan varsa, Azərbaycanın ağrısı-acısı, uğuru varsa, demək, bizimdir. Xasiyyət xanım Azərbaycandan ədəbiyyat adına göndərilən bütün layiqli mətnlərə “Kitab dünyası”nda ürəklə yer ayırır.
Xasiyyət xanım bizim üçün şair kimi də, redaktor kimi də, tərcüməçi kimi də çox dəyərlidir. Silsilə tədbirlərin finalının onunla bağlı olması, bu tədbirdə Qarabağ ünvanlı klipin təqdimatı çox məntiqlidir. Çünki Xasiyyət xanım özünü həm də Qarabağlı sayır.”
Xanım Paşayeva çıxışının sonunda silsilə tədbirlərdə əməyi keçən Arzu Bağırova, Əkbər Qoşalı və İntiqam Yaşara, tədbirlərə operativ media dəstəyi verən “Yeni Müsavat” Media qrupunun rəhbəri, Əməkdar journalist Rauf Arifoğluna təşəkkür etdi. - “Qardaşlıq əlaqələri üçün kim nə iş görübsə, hamısına görə minnətdarıq.
Hər kəsə səslənirəm ki, mütləq imkan tapın Özbəkistana gedin. Görüncə bu qardaş ölkəyə daha dərindən vurulacaq və əbədi sevəcəksiniz.
Əminəm ki, münasıbətlərimiz uğurla davam edəcək. Tanrı birliyimizi qorusun, türk dünyasının birliyi güclü olsun!”

Tədbirdə çıxış edən Atatürk Mərkəzinin şöbə müdiri Əkbər Qoşalı vurğulayıb ki, “yaddaqalan günlər yaşayırıq – ən yeni dönəm qardaşlıq tarixini həm yaradırıq, həm də yazırıq. Məsələn, bayaqki klipə baxanda bəlli oldu ki, özbək sənətçiləri bizim qəlbimizdəki kədəri və gələcəyə sarsılmaz inamımızı görə və bunu sənət dili ilə verə biliblər. Biz Qarabağa mütləq qayıdacağıq və o gün özbəklərin də, bütün türk dünyasının da bayramı olacaq!”

Ə.Qoşalı onu da deyib ki, “Babaxan müəllim Pedoqoji Universitetində çox böyük addım atdı. Ustadımız, salondakı gənclərin hər birini bağrına basıb, öpmək istədiyini, lakin bunun mümkün olmadığı üçün hamının əvəzində bayrağımızı öpdü. Bəli, iki min kilometr uzaqlardan gəlmiş bir böyük elm, ədəbiyyat xadimi bizim bayrağımızı öpdü və mən də, səhnəyə çıxıb onun əlini öpdüm!”

Sonra Xasiyyət Rüstəmin yaradıcılıq məziyyətlərindən söz açan Ə.Qoşalı deyib:
“Xasiyət xanım türk dünyasında tanınan bir imzadır. Onunla 10 il öncə İstanbulda, hava limanında qarşılaşmış, tanış olmuşuq. Böyük insan axınının içində, sanki illərin tanışı, doğması kimi, qeyri-ixtiyari bir-birimizə doğru addımladığımızı xatırlayıram. Mən onun yaradıcılığı ilə tanış olduqca gördüm ki, bu doğmalıq onun ruhundan gəlir – insana, sənətə və necə deyərlər, doğmalığın özünə doğmalıqdır bu…
Bu doğmalığı biz Xasiyyət xanımın baş redaktor olduğu qəzetdə Azərbaycan ədəbiyyatına ayrılan genişürəkli yerdə görürük. Çox şadam ki, Azərbaycanda da özbək ədəbiyyatı yaxından öyrənilir, sevilir. Bu öyrənilmə həm xəlqi, həm də akademik səviyyədədir.
Xasiyət xanım və onun baş redaktoru olduğu qəzet çağdaş özbək ədəbiyyatında önəmli hadisədir.
Xasiyət Rüstəmin şeirlərini oxuyanlar ilk baxışda sanki pessimist olduğunu düşünə bilər – baxırsan tənhalıqdan, ayrılıqdan, kədərdən, qaranlıqdan, qorxudan yazır… Əslində isə o, qaranlıqda işıq görən insandır; daha dəqiqi qaranlığın olmadığını, işıq düşməyən yerlərin mövcudluğunu bilən şairdir. Xasiyət Rüstəm rəhmətlik Vaqif Səmədoğlu kimi “Millət, dövlət zirvəsindən insan enmək vaxtıdır” deyə düşünən şairdir. O, yalnızlıqda da, toplum içində də, insanın özünü, insanca yaşantıları təcalla etdirməyə çalışan xanıməfəndidir.”
Sonra söz səbəbkarıa verilib. Xasiyyət Rüstəm öz yaradıcılıq kredosundan, qəlbindəki və qəzetindəki Azərbaycandan danışdı,  “Qəzetimizin hər səhifəsində Azərbaycana yer ayırmaq borcumuzdur. Azərbaycan ürəyimizdir!” dedi, şeirlərini oxuyub.
Aradşırmaçı-yazar Şöhrət Barlas şairin həyəcanlı çıxışına işarə edərək, “Özbək dediyiniz Xasiyət Rüstəmdir. O, kövrək, gözəl, istedadlı bir şairdir” deyib.

Sonra gənc qiraətçilər Ülkər Piri və Anar Adil Xasiyyət Rüstəmin şeirlərini səsləndirib.
Ədəbiyyatşünas alim Məti Osmanoğlu da söz alaraq, özbək xalqına, özbək ədəbiyyatına məhəbbətini ifadə edib, 90-cı illərə dair, təsirli Özbəkistan xatirələrini bölüşüb.
AMEA Ədəbiyyat İnstitutunun şöbə müdiri, Xasiyyət Rüstəmin yaradıcılıq məziyyətləri barədə bir neçə məqalə yazmış prof.dr. Almaz Ülvi, Xasiyyət Rüstəmin şeirlər kitabını Azərbaycancaya uyğunlaşdırmış şair dos.dr.Rəsmiyyə Sabir və b. öz ürək sözlərini bölüşüb, gənc aşıq Cavanşir Ənvəroğlu isə öz ifası ilə gecəyə başqa bir rəng qatıb...
Tədbirin sonunda Samir Abbasov Xasiyyət Rüstəmə və üç gün ərzində keçirilən silsilə tədbirlərdə xüsusi əməyi olan millət vəkili Qənirə Paşayevaya Azərbaycanın Özbəkistandakı səfirliyinin və rəhbəri olduğu Mədəniyyət Mərkəzinin “Fəxri diplom”unu təqdim edib.
Tədbir Azərbaycan-Özbəkistan əlaqələrində rolu olan ziyalılara özəl hədiyyələr təqdim olunması ilə başa çatıb.

BU KATEQORİYADAN OLAN DİGƏR XƏBƏRLƏR
+ Arxiv
Mina Abbasova 312 gimnast arasında 2-ci yerə çıxdı 19 Noyabr 2019, 17:33 Deputatdan erməni və azərbaycanlı jurnalistlərin səfərlərinə ETİRAZ 19 Noyabr 2019, 17:28 “Yaltaq kişilərin sayı durmadan artır” – Azərbaycan qadınları kişilərdən NARAZIDIR 19 Noyabr 2019, 17:16 Dilçi alimlərdən Rafael Hüseynovun təklifinə ETİRAZ: ““Diaspora” sözü yanlışdır!” 19 Noyabr 2019, 17:09 AQTA maarifləndirir - “Qida məhsullarında antibiotik təhlükəsi”   19 Noyabr 2019, 17:04 Daxili İşlər naziri yeni rəisi şəxsi heyətə TƏQDİM ETDİ 19 Noyabr 2019, 17:00 “Mədəniyyətləri meydana gətirən insandır” - Fuad Bakışlı yazır   19 Noyabr 2019, 16:53 Havalar pisləşəcək, temperatur 5-8 dərəcə enəcək - Rəsmi XƏBƏRDARLIQ 19 Noyabr 2019, 16:46 Prezident yol tikintisinə 5 milyon manat ayırdı 19 Noyabr 2019, 16:44 Xəzərdə batan neftçinin meyiti tapıldı 19 Noyabr 2019, 16:40 Sözünün ağası olanların GÜNÜ... 19 Noyabr 2019, 16:36 Prezident Pirşağı stansiyasının açılışında - YENİLƏNİB 19 Noyabr 2019, 16:35 Azercell-in Rominqi millər qazandırır! 19 Noyabr 2019, 16:32 Deputatlardan erməni jurnalistlərin Bakıya gəlişinə REAKSİYA 19 Noyabr 2019, 16:31 “Aliment Fondunun yaradılmasının tam əleyhinəyəm”  - Komitə sədri 19 Noyabr 2019, 16:24 Məcburi köçkünlər üçün əmək yarmarkası keçirilib - FOTO 19 Noyabr 2019, 16:17 “Eşitdim ki, Hafiz haqqımda status yazıb” – İsa Həbibbəyli 19 Noyabr 2019, 16:14 Türkiyə 29 İŞİD üzvünü Azərbaycana deportasiya edir 19 Noyabr 2019, 16:10 Vilayət Eyvazov yeni polis əməkdaşları axtarır - QAYDALAR   19 Noyabr 2019, 16:03 “Siz məni yaman tez qabaqlayırsız” - Novruz Məmmədov prorektor təyinatından DANIŞDI 19 Noyabr 2019, 15:57 Ermənilər Qarabağda gizli artilleriya təlimləri keçirdi 19 Noyabr 2019, 15:50 Novruz Məmmədov prorektor TƏYİN OLUNDU 19 Noyabr 2019, 15:48 Oqtay Gülalıyev başqa xəstəxanaya KÖÇÜRÜLDÜ 19 Noyabr 2019, 15:42 Dövlət Agentliyi yeni çəkilən yolda yaranan çatların səbəbini araşdırır - RƏSMİ 19 Noyabr 2019, 15:35 UNESKO baş qərargahında Mədəniyyət nazirlərinin birinci Forumu keçirilir 19 Noyabr 2019, 15:27 Bir daha AŞBAZ sözünün yazılışı haqda 19 Noyabr 2019, 15:20 İbrahim Məmmədov: “Ayaz Mirzəyevlə əməkdaşlığa ümid edirəm!” 19 Noyabr 2019, 15:12 “Məhkəmə özəl ekspertlə dövlət eksperti arasında qalacaq…” - I vitse-spiker 19 Noyabr 2019, 15:04 “Arif Hacılıya və Müsavat Partiyasına yazığım gəlir” - Rauf Arifoğlu 19 Noyabr 2019, 14:49 Nazirlər Kabinetinə yeni mətbuat katibi təyin olundu 19 Noyabr 2019, 14:47 Parlamentdə diaspor müzakirələri: Görülən işlər təqdir olundu 19 Noyabr 2019, 14:42 İcra başçısı sakinlərin problemləri ilə maraqlanıb - FOTO   19 Noyabr 2019, 14:36 İsgəndər Həmidov siyasətdən GETDİ 19 Noyabr 2019, 14:30 Azərbaycanda vəzifəli şəxsin 7 milyonluq əmlakına həbs qoyuldu 19 Noyabr 2019, 14:22 Ən çox ixrac olunan kənd təsərrüfatı məhsullarımız 19 Noyabr 2019, 14:18