Modern.az

Anasını qətlə yetirib yandıran oğul 19 il həbs cəzası aldı

Anasını qətlə yetirib yandıran oğul 19 il həbs cəzası aldı

14 Oktyabr 2019, 23:07

Bakı Ağır Cinayətlər Məhkəməsində xüsusi amansızlıqla qətl törətməkdə təqsirləndirilən Tahir Bağırovun cinayət işi üzrə məhkəmə prosesi başa çatıb.

Modern.az-ın  "Trend"ə istinadən məlumatına görə, hakim Fikrət Qəribovun sədrliyi ilə keçirilən prosesdə təqsirləndirilən şəxsə hökm oxunub.

Məhkəmənin hökmü ilə T.Bağırov 19 il azadlıqdan məhrum edilib.

İttihama görə, bu il Sabunçu rayonu Nardaran qəsəbəsində bağ massivi, ev 242 ünvanında yaşayan Bağırov Tahir Cəfər oğlu yaşadığı evdə anası, 1942-ci il təvəllüdlü Bağırova Rübabə Cəbrayıl qızı ilə şəxsi münasibətlər zəminində mübahisə edib.

Mübahisə nəticəsində T.Bağırov anasını boğaraq öldürüb. Qadının öldüyünə əmin olan oğlu anasının meyitinin üzərinə ağ neft tökərək yandırıb.

Ona Cinayət Məcəlləsinin 120.2.4 (xüsusi amansızlıqla adam öldürmə) maddəsi ilə ittiham verilib.

Telegram
Hadisələri anında izləyin!
Keçid et
Rusiyada ağır döyüşlər: Ukrayna partizanları əraziləri bombalayır