“Rusiya, Azərbaycan, Tacikistan, Özbəkistan və Qırğızıstan xüsusi xidmət orqanlarının birgə fəaliyyəti nəticəsində terrorçuların 13 hücrəsi zərərsizləşdirilib, 138 terrorçu isə saxlanılıb”.
Modern.az Rusiya KİV-nə istinadən xəbər verir ki, bu barədə Federal Təhlükəsizlik Xidmətinin direktoru Aleksandr Bortnikov açıqlama verib.
MDB xüsusi xidmət orqanları başçılarının iclasında çıxış edən Bortnikov İŞİD qruplaşmasının xarici döyüşçülərinin Suriya və İraqdan müxtəlif yollarla Avropa və Asiyaya sızmaq istədiklərini, regionda sabitliyi pozmağa çalışdıqlarını sözlərinə əlavə edib.