Arxiv
21 Noyabr 2019, 15:30 | PARLAMENT
“Azərbaycanlı məşqçilərə it dəyib ki, gedib əcnəbi gətirirlər?” - Aqil Abbas

Azərbaycan milli komandasının Avropa çempionatının seçmə mərhələsində uğursuz çıxış etməsi və qrupda sonuncu yeri tutması futbol ictimaiyyətinin haqlı narazılığına səbəb olub. Hamı Azərbaycan Futbol Federasiyaları Assosiasiyasının (AFFA) xərcələyi böyük pulların batmağına etiraz edir...

Milli komandamızın Avropada hamı üçün “qapazaltı” olması AFFA rəhbərliyinə yönəlmiş tənqidlərin dozasını artırıb.

Milli Məclisin deputatı Aqil Abbas da futbolumuzdakı biabırçı vəziyyətə etiraz edənlərdəndir.

 

“Azərbaycan futbolunun inkişafı üçün AFFA mütləq islahat aparılmalı, proqram hazırlamalıdır”, - Modern.az-a açıqlamasında Aqil Abbas deyib.


Deputat qeyd edib ki, bunun üçün ilk növbədə bölgə futbolu inkişaf etdirilməlidir:


“Bölgə futbolu olmadan Azərbaycanda futbol inkişaf etdirilə bilməz. 2005-2015-ci illərdə futbolun inkişaf etdirilməsilə bağlı Prezidentin sərəncamı oldu. Həmin vaxt bölgə futbolu inkişaf etdi. O zaman Yevlaxın “Karvan”, “İmişli”nin “MKT Araz”ı vardı, “Xəzər-Lənkəran”, Tovuzun “Turan”ı, “Gəncə”, “Bakı” komandaları vardı. Hamısının da yaxşı bazası formalaşmışdı. Amma yavaş-yavaş ömürlərini başa vurdular. Beləcə ölkədə futbol asta-asta öldü”.

 

“Olimpiya komplekslərində axşamlar varlılar üzür”

Deputatın sözlərinə görə, bölgələrdə yaradılan Olimpiya kompleksləri təyinatı üzrə çalışmır:

“Region yarışları keçirilir. Amma o qədər zəifdir ki, nəticə ortaya qoya bilmirlər. Azərbaycanda uşaq futbolu inkişaf etdirilməlidir. Bunun başqa bir yolu yoxdur. Necə, hansı şəkildə, bu, mütəxəssislərin işidir. Bölgələrdə çox möhtəşəm Olimpiya kompleksləri tikilib. Niyə bu gün Ağdamda futbol yoxdur? Mən Ağdamın yeni icra başçısı Vaqif müəllimlə müzakirələr aparmışam bu barədə. “Qarabağ” komandası öz yerində, bu, simvolik komandadır. Ağdam özü futbolçu vermir. Rayonlarda futbol ölüb. İcra başçılarının qarşısında vəzifə qoyulmalıdır. Taxıl verirlər sağ olsunlar, pambıq verirlər, lap çox sağ olsunlar. Bəs idman? Dövlət 10 milyon manat ayırıb, bölgələrdə Olimpiya kompleksləri tikiblər. Hansı rayon bir güləşçi, ağırlıq qaldıran, karateçi, üzgüçü verib? Hamısını Bakı verib, ya da qıraqdan tutub gətiriblər. Bəs Olimpiya mərkəzlərini  niyə tikiblər. İmkanlı adamların axşamlar orada üzməyi ya qaçmağı üçün?”.

 

“Gənclər və İdman Nazirliyi hara baxır?!”

 

Aqil Abbas deyib ki, futboldakı vəziyyətə görə təkcə AFFA günahkar deyil:

“Hər şeyi təkcə AFFA-nın üzərinə yıxmaq olmaz. O boyda Gənclər və İdman Nazirliyimiz var. Onlar niyə maraqlanmırlar ki, Olimpiya komplekslərində nə iş görülür, neynirlər? Nazirlik uşaq futbolunun inkişafına nəzarət etməlidir”.

 

“Sən özünü Messi, Ronaldo sanırsan?”

A.Abbas Azərbaycan futbolçularının dünya futbolçuları ilə müqayisədə məvaciblərinin az olması ilə bağlı narazılıqlarına da cavab verib:

“Futbol da bir istedad, qabiliyyətdir. Pul yaxşı şeydir, amma futbol pul deyil. Mənə gətirib 100 milyon pul versinlər ki, “Qarabağ”da futbol oyna. Axı mən futbol oynaya bilmirəm. Futbol oynaya bilmirəmsə, niyə mənə çox pul verməlidirlər? Ay azərbaycanlı futbolçu, sən özünü Messi, yaxud Ronaldo sanırsan? Rəşad Sadıqovun yaxşı bir sözü var. Bir dəfə hansısa oyunla bağlı ona dedilər ki, “filankəsin qarşısını niyə kəsmədin?”. Rəşad cavab verdi ki, “o futbolçunun qarşısını kəsə bilsəydim, gedib “Barselono”da oynayaram, burada nə işim var?”.
Sovet dövründə məktəblər, kəndlər, kolxozlar arasında turnirlər, yarışlar keçirilirdi. Nəticədə hər gün haradasa futbol oynanılırdı. İndi bütün bunlar yoxdur. Prezident idmana bu qədər diqqət göstərir, bəs rayon rəhbərləri özü niyə maraqlı deyil bu işdə?

Ümumiyyətlə, komanda uduzanda baş məşqçi ağlamırsa, məşqçi komandadan getməlidir. Azərbaycanlı məşqçilərə it dəyib ki, gedib haranınsa zibilxanasından əcnəbi məşqçi tapıb gətirirlər? Ümid edək ki, nə vaxtsa düzələcək”.

BU KATEQORİYADAN OLAN DİGƏR XƏBƏRLƏR
+ Arxiv
Bu ölkədə dar küçədə siqaret çəkmək qadağan edildi 14 Avqust 2020, 19:21 BMT Təhlükəsizlik Şurasının iclası çağırılsın - Putin 14 Avqust 2020, 19:08 Ümumi daxili məhsulun həcmi açıqlanıb 14 Avqust 2020, 18:55 ARB və Xəzər TV-nin yayımı 3 saatlıq dayandırılacaq 14 Avqust 2020, 18:48 Bakı, Sumqayıt və İmişlidə silahlı şəxslərə qarşı ƏMƏLİYYAT 14 Avqust 2020, 18:32 Ceyhun Bayramov Yaponiyanın yeni səfirini qəbul etdi 14 Avqust 2020, 18:28 Azay Quliyev seçicilərlə videogörüş keçirib     14 Avqust 2020, 18:24 Azərbaycanda təhsil sistemi keyfiyyətcə yeni inkişaf müstəvisinə qədəm qoyub - Deputat 14 Avqust 2020, 18:20 Dollar yeni həftəyə belə başlayacaq 14 Avqust 2020, 18:17 Azərbaycanın dövlət büdcəsində kəsir yarandı 14 Avqust 2020, 18:10 Müdafiə Nazirliyindən ermənilərin “Gəncəni vurarıq” təhdidinə REAKSİYA 14 Avqust 2020, 18:05 Səfir: “Türkiyə ilə Azərbaycanın düşmənləri kimdirsə, baxıb qısqansınlar” – MÜSAHİBƏ 14 Avqust 2020, 17:59 Naqif Həmzəyev: Türkiyənin Minsk Qrupu həmsədrləri sırasına daxil edilməsi ən optimal variantdır 14 Avqust 2020, 17:54 Vahid Əhmədov seçicilərini onlayn qəbul edib 14 Avqust 2020, 17:48 Ceyhun Bayramov Birləşmiş Ərəb Əmirliklərinin Azərbaycandakı səfiri ilə görüşdü 14 Avqust 2020, 17:42 Bərdədə qətl törədən şəxsin cinayət işi məhkəməyə göndərildi 14 Avqust 2020, 17:36 Daha 400 Taliban döyüşçüsü azadlığa buraxıldı 14 Avqust 2020, 17:30 Nazirlik “Qanun” nəşriyyatından video YAYDI 14 Avqust 2020, 17:24 Azərbaycanda daha 103 nəfər koronavirusa yoluxdu - 3 nəfər öldü 14 Avqust 2020, 17:18 ABŞ Venesuelaya gedən İran tankerlərindən yanacağı müsadirə etdi  14 Avqust 2020, 17:12 Türkiyədə axtarışa verilən 2 terrorçu məhv edildi 14 Avqust 2020, 17:11 Kanadada vətəndaşlar baş naziri və hökuməti hədələyirlər 14 Avqust 2020, 17:10 Polisdən vətəndaşlara Məhərrəm ayı və Aşura günü XƏBƏRDARLIĞI 14 Avqust 2020, 17:04 Belarus müxalifəti hakimiyyəti təhvil almaq üçün Koordinasiya Şurası YARATDI 14 Avqust 2020, 16:58 Əli Əsədov yeni vəzifəsində ilk tapşırığını verdi 14 Avqust 2020, 16:52 Oqtay Şirəliyev xaricdən gələn həkimlərlə görüşdü 14 Avqust 2020, 16:46 DİN-dən Şahbaz Xuduoğlunun iddialarına CAVAB 14 Avqust 2020, 16:40 15 kiloqram narkotik vasitə qanunsuz dövriyyədən çıxarıldı - FOTOLAR 14 Avqust 2020, 16:34 Tələbələrin köçürülməsi qaydası açıqlandı 14 Avqust 2020, 16:28 Sayğaclara müdaxilə etmək mümkündür? - "Azərişıq"dan açıqlama 14 Avqust 2020, 16:22 “İtaliya mətbuatında ermənilərin növbəti yalanları ifşa olunub”  14 Avqust 2020, 16:16 Nişan mərasimi keçirənlərin işi məhkəməyə göndərildi 14 Avqust 2020, 16:10 13 erməni öldü, 300-dən çoxu yaralandı - RƏSMİ 14 Avqust 2020, 16:04 Azərbaycanda yüksək vəzifəli məmur işdən çıxarıldı 14 Avqust 2020, 16:03 Tələbələrin köçürülməsinin vaxtı açıqlandı   14 Avqust 2020, 15:58