Arxiv
20 Yanvar 2020, 12:39 | MEDİA
20 Yanvar faciəsində harada idiniz: Elçin Şıxlı, Rəşad Məcid, Elşad Eyvazlı…

20 Yanvar faciəsinin 30-cu il dönümüdür. O dəhşətli günün mənzərəsi demək olar ki, hamının gözündə eyni acı ilə təsvir olunur.

 

Maraqlıdır, bəs, tanınmış jurnalistlər həmin günü harada olublar, onlar 20 Yanvar günü nə ediblər?

 

Hərbi maşın avtobusu yolun bir kənarına atdı, heç bilmədik ki,  sağ qalan oldu, ya yox...

 

Modern.az-a bununla bağlı danışan “525-ci qəzet”in baş redaktoru Rəşad Məcid 20 Yanvar gününü belə təsvir edib:

 

 

“Yanvarın 19-u axşam Prezident Aparatının qarşısında mitinqlər keçirilirdi. Hardasa axşam 8-ə işləmiş mən evdə idim.Tez-tez Prezident Aparatının qarşısına gedib-gəlirdim. Televiziya yayımı dayandıqdan sonra qardaşımla İçərişəhərə, mitinq olan yerə getdik. Düzdür,  televiziyanın yayımı dayandırmağının səbəbi tam bilinmirdi, amma arası kəsilmədən söhbətlər gedir, mitinq davam edirdi. Bizim ev “Salyanyanski” kazarmasının yanında idi.

 

Yadımdadır, artıq axşam saat 11-də, 12-ə işləmiş evimizin qarşısında avtobus dayanmışdı. Təxminən saat 12-nin yarısı olardı, bir hərbi maşın həmin avtobusu  yolun bir kənarına atdı, eyni vaxtda da atəş səsləri eşidilməyə başladı.

 

Heç bilmədik ki, həmin avtobusda olanlardan sağ qalan oldu, ya yox. Gecədən səhərədək göydən qurğuşun kimi mərmi yağdı. Biz həyət evində yaşadığımız üçün səhəri gün həyətdən xeyli mərmi yığmışdıq. 21 yanvar, yəni o hadisənin səhəri günü şəhər döyüşdən çıxmış bir obrazda idi, hava tutqun idi, hərbi maşınlar da o tərəf bu tərəfə gedib fövqəladə vəziyyət haqqında əmri oxuyurdu. İnformasiyanı az-çox Azadlıq radiosundan, ara-bir də Lənkəran radiosundan ala bilirdik. Bakı televiziyası işləmirdi, sonra bir-iki gün Şuşa televiziyası işlədi, onun vasitəsi ilə xəbərləri ala bildik. 21-i günorta saat 12-də Prezident Aparatının qabağında yenə da adamlar yığılmışdı. Həmin ərazidə üzlərindən vəhşilik yağan hərbçilər də var idi. Sonrakı günlər həmin hərbçiləri görmədik. Sonra yadımdadır ki, ayın 21-i , ya da 22-i idi dəqiq xatırlamıram, Elmlər Akademiyasının binasında ziyalılar yığışdı, Anar, Elçin Azərbaycan ziyalılarının etiraz bəyanatını oxudular ki, bütün dünyaya bunu çatdıraq. Millət özünü 20 Yanvar səhəri çox köməksiz hiss edirdi. Amma sonradan dəfn prosesində, mübariz ovqatla, qisas alınacağı hissi ilə özünə gəldi”.

 

Məcbur öz məhləmizdə gəzişməklə kifayətləndik...

 

 

Azərbaycan Jurnalistlər Birliyinin sədri Elçin Şıxlı hamı kimi 20 Yanvar günü küçələrdə olduğunu deyir:

 

“20 Yanvar günü hamı kimi küçələrdə idim, Prezident Aparatının qarşısındakı mitinqdə çıxış edirdik. Bibimoğlu rayondan bizə qonaq gəlmişdi. Qardaşım axşam saat 11-ə qalmış dedi ki, gedib evdə çörək yeyək. Yolda gedə-gedə gördük ki, uşaqlar tonqal qalayıb ki, guya ki, gələn tankların qarşısını kəssinlər. Biz evə çatıb yemək yeməyə başlayanda atışma, qırğın başladı. Çölə çıxmaq istəyəndə anam, həyat yoldaşım dedilər ki, hara gedirsiz? Atam da əliyalın olduğumuza görə küçəyə çıxmağa imkan vermədi. Biz də elə məcbur öz məhləmizdə gəzişməklə kifayətləndik”.

 

Qisas, qorxu, nifrət, çaşqınlıq: Deyirdilər ruslar Bakıda adamları qırıb...

 

Parlament Jurnalistlər Birliyinin sədri Elşad Eyvazlı isə hadisə vaxı rayonda olub: “Mən o zaman orta məktəbdə oxuyurdum. Kəndimizdə faciədən elə həmin axşam xəbər tutduq. Ucqar Kəlbəcərin ucqar bir kəndi...

 


 

Bölgələrdə vəziyyət çox fərqli idi. Düşünürəm ki, əksər bölgələr bizm kimi olub. Tam məlumatsızlıq, nə baş verdiyini bilmirdik. Yalnız onu deyirdilər ki, ruslar Bakıda insanları qırıb. Dəqiq məlumat olmayanda uydurma fikirlər, təxəyyüllər meydan sulayır, axı.  Bu mənada çox çaşqınlıq idi. Qisas, qorxu, nifrət hissi biri-birinə qarışmışdı. Məlumat almaq üçün ümid yeri yalnız Azadlıq radiosu idi.

 

Orta məktəbdə oxusam da o vaxt institut tələbələri ilə dostluq edirdim. Bəlkə buna görə idi ki, yaşıma uyğun olmayan işlərin altına girirdim. Balaca bir kənddə 20 Yanvar faciəsindən zərər çəkənlərə 751 rubl pul və 2 maşın ərzaq toplayıb Bakıya göndərdim. Qəribə idi e, kənd sakinləri bir məktəbli uşağa necə inanırdılar...

 

O vaxt komsomol üzvlüyündən imtina etdim, məsələ böyüdü.  Rayon Komsomol Komitəsinin ikinci katibi məktəbimizə gəldi.

 

Elə bilirəm ki, danışdıqlarım hər bir bölgənin o zamankı yaşıdlarıma xarakterik olub”.

BU KATEQORİYADAN OLAN DİGƏR XƏBƏRLƏR
+ Arxiv
“Biz mütləq öz torpaqlarımıza qayıdacağıq” - İlham Əliyev 19 Sentyabr 2020, 20:18 Yol qəzası mərkəzi prospektdə tıxac yaratdı 19 Sentyabr 2020, 20:01 Nazirlikdən intihar edən müəllimə başsağlığı: “Qeyri-dəqiq məlumatların təqdimatı təəssüf doğurur” 19 Sentyabr 2020, 19:36 Xuraman Şuşalı 100 min xərclədiyi evini satışa çıxardı - VİDEO 19 Sentyabr 2020, 19:25 BDU-nun professorunu iş yerinə buraxmadılar - SƏBƏB 19 Sentyabr 2020, 19:11 Tofiq Yaqublu ilə bağlı qərar müxalifət üçün testdir - Azay Quliyev 19 Sentyabr 2020, 19:03 Prezident Qarabağ barədə DANIŞDI: “Xalq bilməlidir nələr baş verir” 19 Sentyabr 2020, 18:28 Azərbaycanda reanimasiyada olan COVİD-19 xəstələrinin sayı açıqlandı 19 Sentyabr 2020, 18:20 Naqif Həmzəyev: “Əsrin müqaviləsi”nin uğurlu icrası Azərbaycanın gücünə güc qatır" 19 Sentyabr 2020, 18:12 Konstitusiya referendumuna ehtiyac varmı… – Partiya liderlərindən MÜNASİBƏT 19 Sentyabr 2020, 18:03 Sumqayıtın yanından keçəndə hər kəs pəncərəni bağlayırdı ki….” – Ölkə başçısı 19 Sentyabr 2020, 17:52 1 həftəyə 13 milyard dollar QAZANDI 19 Sentyabr 2020, 17:40 İlham Əliyev: Bu gün Azərbaycan bütün reytinqlərdə ən qabaqcıl yerlərdədir 19 Sentyabr 2020, 17:31 Prezident təməlqoyma mərasimində... - YENİLƏNİB 19 Sentyabr 2020, 17:24 Komitə sədri seçicilərlə onlayn görüş keçirdi - FOTO 19 Sentyabr 2020, 17:22 Gəncədə 22 yaşlı oğlan naməlum şəraitdə bıçaqlanıb 19 Sentyabr 2020, 17:13 Azərbaycanda koronavirus: 148 yoluxma, 177 sağalma, 2 ölüm 19 Sentyabr 2020, 16:54 “İrsimiz məsuliyyətimizdir” adlı layihənin ilk tədbiri keçirilib 19 Sentyabr 2020, 16:23 Prezidentdən xatırlatma: “O vaxtlar rayonlarda ümumiyyətlə, qaz deyilən şey yox idi” 19 Sentyabr 2020, 16:10 Putin “Avanqard” raket kompleksinin müəllifinin adını açıqlayıb 19 Sentyabr 2020, 15:55 Hərbi Dəniz Qüvvələrindən TƏKZİB: “Bədniyyətli şəxslərdir” 19 Sentyabr 2020, 15:22 Dünyanın ən yaşlı sakini yeni REKORD VURDU 19 Sentyabr 2020, 15:11 İranda virusdan ölənlərin sayı 24 mini keçdi 19 Sentyabr 2020, 14:56 Türkiyə televiziyasında “Üç cizgi” adlı Azərbaycan proqramı yayımlanacaq  19 Sentyabr 2020, 14:48 1,8 milyon manatı mənimsəyən şirkət rəhbəri ilə bağlı istintaq aparılıb 19 Sentyabr 2020, 14:40 Erməni hakerlər Tarix İnstitutunun araşdırmalarını dərc edən KİV-ə hücum ediblər 19 Sentyabr 2020, 14:30 “Ölkəmizin həm siyasi, həm iqtisadi nailiyyətləri böyük dərəcədə neft-qaz amilinə söykənir” 19 Sentyabr 2020, 14:16 Azərbaycan neftinin qiyməti ucuzlaşdı 19 Sentyabr 2020, 14:14 Oğuzda heyvanların kütləvi zəhərlənməsinin qarşısı alınıb 19 Sentyabr 2020, 14:05 Deputat Tofiq Yaqublu ilə bağlı qərarı “cəza siyasətinin humanistləşdirilməsi” sayır 19 Sentyabr 2020, 14:01 Müxalifət niyə birləşə bilmir? – Sabir Rüstəmxanlı səbəbləri AÇIQLADI 19 Sentyabr 2020, 13:50 SOCAR 2035-ci ilə qədər planlarını ELAN ETDİ 19 Sentyabr 2020, 13:41 Paşinyanin arvadı erməni qadınlarını yenidən hərbi təlimə TOPLAYIR 19 Sentyabr 2020, 13:32 Çay haqqında bilmədiklərimiz 19 Sentyabr 2020, 13:25 Bağlanmış bankların əmanətçilərinə qaytarılan MƏBLƏĞ 19 Sentyabr 2020, 13:12