Milli Məclis sədrinin birinci müavini Ziyafət Əsgərov və Parlamentin Əmək və sosial siyasət komitəsinin sədri Hadi Rəcəbli Ümumxalq Hüzn Günündə Şəhidlər xiyabanının ziyarət olunması mərasimində iştirak edib.
Modern.az-ın məlumatına görə, daha sonra Lənkərana səfərə yola düşən millət vəkilləri Lənkəranda da 20 Yanvar faciəsi qurbanlarının əziz xatirəsini böyük ehtiramla yad ediblər.
Anım mərasimində millət vəkilləri ilə yanaşı “YAP” Lənkəran təşkilatının fəalları, gənclər və bir qrup ağsaqqallar da iştirak ediblər.
Düz 30 il əvvəl baş vermiş bu faciənin ildönümünü qeyd etmək üçün yığışan millət vəkilləri və bir qrup ictimaiyyət nümayəndələri şəhidlərin məzarları önünə qırmızı qərənfil dəstələri qoyublar.