Bu gün səhər saatlarında “Bakı Metropoliteni”nə məxsus qatarlardan birində növbəti nasazlıq baş verib.
Bu barədə Modern.az-a qurumun mətbuat katibi Bəxtiyar Məmmədov bildirib.
Onun sözlərinə görə, budəfəki problem sərnişinlərlə bağlı olmayıb:
“Bu gün səhər 7:35-də bir qatar "Nərimanov" stansiyasından texniki baxış məqsədilə depoya göndərilib. Qatarda nasazlıq ehtimalı olub. Bu səbəbdən bir dövrə boyunca iki qatar arasında 3-4 dəqiqə interval fərqi müşahidə olunub”.
B.Məmmədov bildirib ki, qatar sırf texniki baxış və sərnişinlərin təhlükədən sığortalanması üçün depoya göndərilib.
