Arxiv
17 Fevral 2020, 18:50 | AKTUAL
Azərbaycanda cinayət törədən qadınların sayı artıb 

2019-cu il ərzində ölkədə 26672 cinayət faktı qeydə alınıb ki, bu da 2018-ci ilin göstəricisindən 1,1 faiz çoxdur. Əhalinin hər 100 min nəfərinə hesabı ilə qeydə alınmış cinayət hadisələrinin sayı da əvvəlki illə müqayisədə 1 bənd artaraq 266 olub. Cinayət törətmiş şəxslərin arasında qadınların xüsusi çəkisi 5,8 faiz, 14-17 yaşda olan uşaqların xüsusi çəkisi isə 2,2 faiz təşkil edib. 

 

Dövlət Statistika Komitəsindən Modern.az-a verilən məlumata görə, 2018-ci il ilə müqayisədə cinayət törətmiş qadınların sayı 1,7 faiz artıb, 14-17 yaşda olan uşaqların sayı isə 17,8 faiz azalıb.

 

Ümumilikdə baş verən cinayət faktlarının 58,2 faizi az ağır, 29,8 faizi böyük ictimai təhlükə törətməyən, 12,0 faizi ağır və xüsusilə ağır cinayətlərə aiddir. Cinayətlərin strukturunda 5290 hadisə şəxsiyyət əleyhinə, 11567 hadisə iqtisadi sahədə törədilən, 8190 hadisə ictimai təhlükəsizlik və ictimai qayda əleyhinə, 1623 hadisə dövlət hakimiyyəti əleyhinə (onlardan 362 hadisə korrupsiya cinayətləri və qulluq mənafeyi əleyhinə olan digər cinayətlər), 2-si isə digər cinayətlərdir.

 

Qeydə alınmış həyat və sağlamlıq əleyhinə olan cinayətlərdən 3049-u qəsdən sağlamlığa yüngül zərər vurma, 717-si qəsdən sağlamlığa az ağır zərər vurma, 333-ü qəsdən sağlamlığa ağır zərər vurma, 231-i qəsdən adam öldürmə və ya adam öldürməyə cəhd, 33-ü ehtiyatsızlıqdan adam öldürmə, 16-sı əzab vermə, qalanları isə digər cinayətlərə aiddir.  Ötən il ərzində əcnəbilər (onlardan 10,8 faizi MDB-yə üzv olan ölkələrin vətəndaşları olmaqla) tərəfindən və ya onların iştirakı ilə 462 cinayət hadisəsi törədilib. 

 

2019-cu ildə əvvəlki illə müqayisədə rəsmi sənədləri, ştampları, möhürləri talama və ya məhv etmə 3,6 dəfə, qanunsuz sahibkarlıq 3,1 dəfə, ictimai mənəviyyat əleyhinə olan cinayətlər 1,7 dəfə, vəzifə səlahiyyətlərindən sui-istifadə 1,6 dəfə, torpaq üzərində mülkiyyət, istifadə və ya icarə hüququnu pozma 1,5 dəfə,  yanğın təhlükəsizliyi qaydalarını pozma 30,4 faiz, saxta pul və ya qiymətli kağızlar hazırlama, əldə etmə və ya satma 28,9 faiz, hədə-qorxu ilə tələb etmə 26,4 faiz, yetkinlik yaşına çatmayanı cinayətkar fəaliyyətə cəlb etmə 24,3 faiz, dələduzluq 24,1 faiz, ekoloji cinayətlər 22,4 faiz, zorlama (cəhdlərlə) 21,4 faiz, xuliqanlıq 13,3 faiz, oğurluq 7,7 faiz, soyğunçuluq 3,9 faiz, rüşvət cinayətləri 2,6 faiz, quldurluq isə 2,5 faiz azalıb. 

 

Bununla yanaşı, eyni dövrlə müqayisədə saxta kredit və ya hesab kartlarını və ya başqa ödəniş sənədlərini hazırlama, əldə etmə və ya satma 4,0 dəfə, kibercinayətlər 2,3 dəfə, cinayət yolu ilə əldə edilmiş pul vəsaitlərini və ya digər əmlakı leqallaşdırma 2,0 dəfə, gömrük ödənişlərinin ödənilməsindən yayınma 2,0 dəfə, istehlakçıları aldatma və ya pis keyfiyyətli məhsul istehsal etmə və satma 1,8 dəfə, vəzifə səlahiyyətlərini aşma 1,5 dəfə, mənzil toxunulmazlığını pozma 1,5 dəfə, adam oğurluğu 42,9 faiz, narkotik vasitələrin və psixotrop maddələrin qanunsuz dövriyyəsi ilə əlaqədar cinayətlər 35,3 faiz, hakimiyyət nümayəndəsinə qarşı müqavimət göstərmə və ya zor tətbiq etmə cinayətləri isə 12,5 faiz artıb. Hesabat dövründə müəyyən edilmiş cinayət törətmiş şəxslərin sayı 17823 nəfər, cinayət məsuliyyətinə cəlb edilmiş şəxslərin sayı isə 13527 nəfər olub. Cinayət məsuliyyətinə cəlb olunmuşların 61,4 faizi əmək qabiliyyətli yaşda olub heç bir yerdə oxumayan və işləməyənlər, 16,1 faizi əvvəllər də cinayət törətmiş şəxslərdir.

 

2019-cu ildə qeydə alınmış cinayət hadisələrinin 4383-ü və ya 16,4 faizi narkotik vasitələrin və psixotrop maddələrin qanunsuz dövriyyəsi ilə əlaqədar olub, onların da 59,1 faizi satış məqsədi olmadan qanunsuz olaraq narkotik vasitələri və ya psixotrop maddələri şəxsi istehlak miqdarından artıq miqdarda əldə etmə, saxlama, hazırlama, emal etmə, daşıma, 33,4 faizi eyni hərəkətləri satış məqsədilə etmə, habelə bu maddələri istehsal etmə, göndərmə, yaxud qanunsuz olaraq satma, 6,1 faizi qanunsuz olaraq tərkibində narkotik maddələr olan bitkiləri kultivasiya etmə, 1,3 faizi isə güclü təsir edən və ya zəhərli maddələrin satış məqsədilə qanunsuz dövriyyəsi, 0,1 faizi isə digər cinayətlərdir. 

 

2019-cu ildə qadınlar və yetkinlik yaşına çatmayanlar tərəfindən törədilmiş cinayətlərin sayı müvafiq olaraq 0,4 faiz və 1,6 dəfə azalıb, lakin onlara qarşı törədilən cinayətlərin sayı müvafiq olaraq 1,8 faiz və 0,9 faiz artıb. Əvvəlki illə müqayisədə cinayət nəticəsində zərərçəkmiş qadınların və yetkinlik yaşına çatmayanların sayında da müvafiq olaraq 6,8 faiz və 0,8 faiz artım müşahidə olunub. Qeydə alınmış 1308 cinayət hadisəsi məişət zorakılığı ilə bağlı olmuşdur ki, bu da 2018-ci ilin göstəricisindən 11,3 faiz çoxdur. Məişət zorakılığı ilə bağlı cinayətlərin 11,7 faizi əvvəllər də cinayət törətmiş şəxslər tərəfindən, 3,7 faizi sərxoş vəziyyətdə törədilib. 

 

Məişət zorakılığı nəticəsində baş vermiş cinayətlərin 89,2 faizi qəsdən sağlamlığa az ağır və ya yüngül zərər vurma, 5,0 faizi qəsdən adam öldürmə və ya adam öldürməyə cəhd, 2,9 faizi qəsdən sağlamlığa ağır zərər vurma, 0,6 faizi əzab vermə, 2,3 faizi isə digər cinayətlərə aiddir.  Məişət zorakılığı ilə bağlı cinayətlər nəticəsində zərərçəkənlərin sayı əvvəlki ilin göstəricisinə nisbətən 11,2 faiz artaraq 1358 nəfər olmuşdur ki, onların da 76,4 faizini qadınlar, 2,0 faizini isə yetkinlik yaşına çatmayanlar təşkil edib. Əvvəlki illə müqayisədə bu cinayətlər nəticəsində ölənlərin sayı 22,8 faiz azalaraq 44 nəfər olub.

BU KATEQORİYADAN OLAN DİGƏR XƏBƏRLƏR
+ Arxiv
Goranboyda maarifləndirmə və dezinfeksiya tədbirləri davam edir - FOTO 28 mart 2020, 18:05 Nazirlik “Böyüklərimizə qayğı ilə!” adlı daha bir videoçarx hazırladı -VİDEO 28 mart 2020, 17:57 Polis postlarından hansı avtomobillər və şəxslər buraxılacaq? - SİYAHI 28 mart 2020, 17:50 Bakıda elektrik naqilləri oğurlayan şəxs saxlanıldı   28 mart 2020, 17:43 AŞPA məruzəçilərinin açıqlaması ilə əlaqədar məktub göndərildi 28 mart 2020, 17:36 Rusiya koronavirusa qarşı dərman hazırladığını elan etdi 28 mart 2020, 17:30 “Huawei Azerbaijan” koronavirusla mübarizədə Heydər Əliyev Fonduna dəstək göstərib - FOTO 28 mart 2020, 17:24 DMX-dən əcnəbilərə və vətəndaşlığı olmayan şəxslərə MÜRACİƏT 28 mart 2020, 17:18 Sabahdan koronavirusa yoluxan xəstələr “Yeni klinika”da müalicə alacaqlar 28 mart 2020, 17:11 Birinci sinfə elektron qeydiyyata yenidən start verilir 28 mart 2020, 17:04 “AŞPA həmməruzəçilərinin düşüncəsi də koronavirusa yoluxub” - Əli Hüseynli 28 mart 2020, 16:56 Ağcabədidə yük avtomobili yandı 28 mart 2020, 16:49 Təhsil Nazirliyi vətəndaş qəbulunu dayandırdı 28 mart 2020, 16:42 Hacıqabulda koronavirusa qarşı mübarizə tədbirləri davam edir - FOTO 28 mart 2020, 16:35 AZAL #EVDƏQAL təşəbbüsü çərçivəsində yeni kampaniyaya start verir - FOTO 28 mart 2020, 16:28 YAP Gəncə şəhər təşkilatının fəalları tənha və ahıl sakinlərə yardım edirlər - VİDEO 28 mart 2020, 16:22 Antikoronavirus: Bütün dünya “AĞATLI OĞLAN”ı gözləyir 28 mart 2020, 16:15 İki mağazadan oğurluq edən şəxs ələ keçdi 28 mart 2020, 16:09 Nazirlik yaşı 65-dən yuxarı 11 minədək tənhaya XİDMƏT EDİR 28 mart 2020, 16:02 “Evdə qal” devizi altında aksiya davam etdirilir - FOTO 28 mart 2020, 15:55 “Azəriqaz” daha az işçilə maksimum işləyəcək   28 mart 2020, 15:47 Zaqatalada koronavirusla bağlı yalan məlumat yayan şəxslər saxlanıldı 28 mart 2020, 15:40 Prezident və birinci xanım “Yeni klinika” tibb müəssisəsinin AÇILIŞINDA 28 mart 2020, 15:33 TƏBİB-dən 6 yaşlı uşağın ölümü ilə bağlı AÇIQLAMA 28 mart 2020, 15:25 Belə karantin olmaz! - Biri başsağlığına gedir, o biri parkda gəzişir... 28 mart 2020, 15:18 İnsanları karantinə çağıranlar özləri nə edir: DARIXAN DA VAR, YALAN DANIŞAN DA… 28 mart 2020, 15:11 DMX əcnəbi və vətəndaşlığı olmayanlara müraciət etdi 28 mart 2020, 15:05 Birinci sinfin rus bölməsi üçün müsahibələr təxirə salındı 28 mart 2020, 14:59 Soydaşlarımızın məskunlaşdığı qaçqın düşərgəsi karantinə alındı 28 mart 2020, 14:52 Azərbaycan voleybol millisinin üzvləri karantinə alındı 28 mart 2020, 14:45 Koronavirusa görə 56 qrant layihəsinin təyinatı dəyişdirildi - AZƏRBAYCANDA 28 mart 2020, 14:39 Mehriban Əliyevadan koronavirusla mübarizədə ön cəbhədə olanlara TƏŞƏKKÜR 28 mart 2020, 14:32 Bakıda qardaşı arvadını qətlə yetirən şəxs saxlanıldı 28 mart 2020, 14:25 Ali məktəblərə qəbul qaydaları: NƏLƏR DƏYİŞƏ BİLƏR   28 mart 2020, 14:19 “Azəriqaz” və “Təmiz Qaz” Fonda 20 min köçürdü 28 mart 2020, 14:12