ABŞ-da koronavirus (COVİD-19) infeksiyasına yoluxanların sayı 100 mini ötüb.
Modern.az worldometers.info-ya istinadla xəbər verir ki, bu saata olan son məlumata görə Birləşmiş Ştatlarda virusa yoluxanların ümumi sayı 104,126-a çatıb.
Təkcə bu gün ölkədə 18,691 şəxsdə aparılmış testlər pozitiv çıxıb ki, bu da bir gündə dünyada COVİD-19-a yoluxma sayına görə anti-rekorddur.
Həmçinin bu gün ölkədə 401 koronavirus xəstəsi vəfat edib.
Bununla da ABŞ-da pandemiya qurbanlarının sayı 1,696-a çatıb.
Xatırladaq ki, ABŞ ötən gündən etibarən koronavirusa yoluxanların sayına görə İtaliya və Çini ötərək anti-rekorda imza atıb.
T.İSMAYIL
