Arxiv
15 Aprel 2020, 10:50 | PARLAMENT
İmkansız ailələr üçün ayrılan vəsaitə göz dikənlər - Deputatlar: “İfşa olunmalıdır!”

Azərbaycanda koronavirus pandemiyası ilə əlaqədar elan olunan karantin rejimi davam edir. Karantinin qaydalarına uyğun olaraq, insanlara küçəyə çıxma yasağı tətbiq edilib, ictimai hərəkət məhdudlaşdırılıb. İş yerlərinin müvəqqəti fəaliyyətini dayandırması səbəbilə əhalinin maddi problemlərini, çətinliklərini aradan qaldırmaq üçün dövlət zəruri addımlar atır, sosial layihələr həyata keçirir. Bu addımların fonunda maddi durumu aşağı olan vətəndaşlara, imkansız ailələrə sosial yardımlar həyata keçirildi. Lakin bu kimi tədbirlər müsbət məqamlarla yanaşı mənfiliklərin üzə çıxmasına da şərait yaratdı. İmkansız ailələr üçün ayrılan sosial yardımlardan sui-istifadə etməyə çalışanlar, hər şeyi dövlətdən gözləyərək, qınaq obyektinə çevirənlər də oldu. Mövcud vəziyyəti şərh edən bəzi ekspertlər isə yardımların insanlarda bir növ ələbaxımlılıq yaratdığını iddia etdilər.

Bununla bağlı Modern.az-a danışan Milli Məclisin deputatları isə səsləndirilən fikirlərlə razılaşmadıqlarını ifadə ediblər.


Parlamentin Aqrar siyasət komitəsinin sədri Tahir Rzayev ölkənin pandemiya ilə üz-üzə olduğu bir dönəmdə vətəndaşlıq mövqeyinin önəmli rol oynadığını xatırladıb:


“Hər hansı fəlakətdən, qorxunc haldan, xəstəlikdən, faciədən şəxsi məqsədlər üçün istifadə etmək vətəndaşlıq deyil. Bu, vicdansız insanların edə biləcəyi əməldir. İnsanları çox zaman çətinlik, dərd birləşdirir. Bu gün isə Azərbaycan çətinlik qarşısındadır. Azərbaycan hökuməti, ölkə başçısı bu çətindliyi aradan qaldırmaq üçün mühüm tədbirlərə əl atdı. Müəyyən layihələr həyata keçirildi, insanlara mühüm güzəştlər edildi, aztəminatlı ailələrə yardım olundu. Əhalinin sağlamlığının qorunması üçün çoxlu xəstəxanalar açıldı, tibbi ləvazimatlar gətirildi və s.

Belə bir çətin vəziyyətdə imkansız ailələr üçün ayrılan vəsaitdən yararlanmaq istəyən imkanlı şəxslər də var. Hesab edirəm ki, bu fikirdə olan şəxslər Azərbaycan vətəndaşı deyillər. Maarifləndirmə aparmaq belə bu insanları haqq yoluna qaytarmağa kifayət etməz. Maddi imkanı normal olduğu halda dövlətin ayırdığı vəsaitdən sui-istifadə etməyə çalışanlar ifşa olunmalıdır”.


T.Rzayev hesab edir ki, insanların ələbaxımlılığa meyillənməsi, yardımlardan sui-istifadə etməyə çalışması yeni üzə çıxan xarakter deyil:

“Qarabağ müharibəsi zamanı məcburi köçkünlərin məskunlaşdığı çadır şəhərciklərində indikindən çətin durum mövcud idi. İnanın ki, Bakıda yaşayan imkanlı adamlar, maşını, evi-eşiyi olan şəxslər sırf qaçqınlara paylanan ərzaq yardımını almaq üçün şəhərciyə gəlirdilər. Nəinki özünə ayrılan ərzağı, hətta qohum-qonşusunun payına düşəni də onun kartı ilə alıb aparanlar olurdu. Düşünün, insanın ehtiyacı olmadığı halda 1-2 paket ərzağa görə maşın sürüb, çadır şəhərciyinə getsin. Hər fürsətdən qoparmağa çalışmaq bəzi insanların xarakteridir”.

Deputat Rasim Musabəyov isə dövlətin dəstəyinə ehtiyacı olan ailələrin olduğunu istisna etməyib. O hesab edir ki, bu dəstəyə öyrəşən, daim hər şeyi dövlətdən gözləyən insanlar çox azdır:

“Mən hesab etmirəm ki, hazırkı vəziyyətdə ehtiyacı olmadığı halda yardım almaq istəyən ailələr olsun. Düzdür, fürsətdən istifadə etməyə çalışanlar ola bilər. Ancaq ehtiyacı olmasa idi, buna cəhd edərdilərmi? Gəlin, qınamayaq. İnsanlar anlamalıdır ki, dövlət yardımı ailələr çətin duruma düşməsin deyə edir. Karantin dönəmi bitəndən sonra, həyat öz axarına qayıdacaq. İnsanlar yenidən çalışıb, öz çörəkpulunu qazanacaq. Ona görə, dövlətin dəstəyinə öyrəşib, ələbaxımlılığa alışan insanların çox olmadığını düşünürəm”.


Deputat Nurlan Həsənov insanların hər şeyi dövlətdən gözlədiyini düşünmür:

“Pandemiya dönəmində mən özüm də dairəmdə ehtiyacı olan ailələrə yardım edilməsinə çalışıram. Əsasən tək yaşayan, yaşlı insanlara köməklik göstərməyə çalışırıq. Mən düşünmürəm ki, Azərbaycan cəmiyyətində insanlar dövlətdən hazır kömək gözləyir, çətin vəziyyətdən çıxmağa çalışırlar. Ola bilər ki, dövlətin göstərdiyi yardımlardan sui-istifadə etməyə çalışan tək-tük şəxslər olsun. Amma bu kütləvi hal deyil. İnsanlar zəhmətkeşdirlər. Sadəcə biz dövlət olaraq, təsərrüfata, sahibkarlıqla, fərdi əməklə məşğul olan insanlara dəstək olmalıyıq, istiqamət göstərməliyik. Yeni iş yerlərinin açılması, koronavirus dönəmi bitəndən sonra da insanların normal fəaliyyətə qayıtması üçün addımlar ata bilərik.

Dövlətin ayırdığı sosial vəsaiti almağa çalışan, bir qədər də sui-istifadə etmək istəyən insanlar ola bilər Amma gəlin, bir-birinə dəstək olan insanları da qeyd edək. Hər bir cəmiyyətdə kiçik də olsa mənfi hallar ola bilər. Halbuki, karantin dönəmi bir daha göstərdi ki, yaxşı insanlar da var. Maddi durumu aşağı olan ailələrə, ehtiyacı olanlara yardım edən, dəstək göstərən, Koronavirusla Mübarizəyə Dəstək Fonduna bacardığı qədər ianə yatıran insanlar karantin dönəmində az olmadı. Biz bu müsbət məqamları nümunə üçün qeyd edə bilərik”.

BU KATEQORİYADAN OLAN DİGƏR XƏBƏRLƏR
+ Arxiv
Türkiyədə 53 min insanın yaşadığı ərazi karantinə alınıb 7 Avqust 2020, 12:31 Koronavirusa yoluxan məhbusların hamısı sağalıb - RƏSMİ 7 Avqust 2020, 12:26 Prezident dövlət şirkətlərini niyə tənqid etdi? - Ekspertlər: “Problem ciddidir” 7 Avqust 2020, 12:18 Azərbaycanda qızıl rekord həddə bahalaşıb 7 Avqust 2020, 12:16 Milli Məclisin növbədənkənar sessiyası başa çatdı 7 Avqust 2020, 12:05 Nazirlik rəsmisindən Xəzərlə bağlı ÇAĞIRIŞ 7 Avqust 2020, 12:05 DYP: 334 nəfər cərimələndi, 870 avtomobil postlardan geri qaytarıldı 7 Avqust 2020, 12:02 Bu il pensiya təyin olunan vətəndaşların sayı AÇIQLANDI 7 Avqust 2020, 11:57 Siyavuş Novruzov: “Keçmişi yaddan çıxartamalıyıq - vaxt vardı, Azərbaycanda yol, qaz, işıq yox idi” 7 Avqust 2020, 11:55 “Məhbuslar koronavirusla bağlı kurslara cəlb olunub” – Nazirlik 7 Avqust 2020, 11:53 “İşsizlikdən sığorta haqqında” qanuna dəyişiklik qəbul edildi 7 Avqust 2020, 11:51 Milli Məclisdə Rövnəq Abdullayevlə Cahangir Əsgərov TƏNQİD EDİLDİ: “Heç telefonu qaldırmır... nəticəsi ağır olacaq” 7 Avqust 2020, 11:48 Azərbaycanda “COVİD-19” testləri niyə bahadır? - Deputat DANIŞDI 7 Avqust 2020, 11:31 4 aylıq 190 manat ödəmələr üçün 333 milyon manat xərclənəcək 7 Avqust 2020, 11:28 “Qara qitə”də koronavirusa yoluxanların sayı 1 milyonu keçdi 7 Avqust 2020, 11:27 Milli Məclis işsizliklə bağlı qanuna dəyişikliyə “hə” dedi 7 Avqust 2020, 11:26 “Məşğulluq haqqında” qanuna dəyişiklik qəbul edildi 7 Avqust 2020, 11:23 Nazir: 190 manat birdəfəlik ödəmələr yaxın günlərdə veriləcək 7 Avqust 2020, 11:21 Milli Məclis büdcə dəyişikliyini III oxunuşda qəbul etdi 7 Avqust 2020, 11:15 Milli Məclisin iclası başlayıb - 6 sənəd III oxunuşa çıxarılıb 7 Avqust 2020, 11:08 Ermənistanda virusa yoluxanların və ölənlərin sayı artdı 7 Avqust 2020, 11:06 Şəmkirçay su anbarında köməksiz qalan 2 nəfər xilas edildi 7 Avqust 2020, 10:56 Şəmkirdə 21 yaşlı gənc iş yoldaşını bıçaqladı 7 Avqust 2020, 10:44 Diaspor hərəkatının dönüş nöqtəsi: “Diaspor himni” - VİDEO 7 Avqust 2020, 10:10 Bakıda 502 güzəştli mənzil satışa çıxarıldı 7 Avqust 2020, 10:05 Ermənistan ordusu Tovuz rayonunu yenidən atəşə tutdu 7 Avqust 2020, 09:59 Beyrutdakı partlayış nəticəsində ölü sayı 150-yə çatıb 7 Avqust 2020, 09:57 Novruz Aslanovdan növbəti onlayn qəbul 7 Avqust 2020, 09:49 Z.Bünyadov prospektindəki QƏZA sıxlığa səbəb oldu 7 Avqust 2020, 09:44 D vitamini əskikliyindən yaranan 8 xəstəlik - həmçinin pnevmoniya... 7 Avqust 2020, 09:37 Kanadada yaşayan azərbaycanlı şagird növbəti uğura imza atıb 7 Avqust 2020, 09:35 Deputat: “Prezidentin dünənki çağırışlarına mütləq cavab verilməlidir” 7 Avqust 2020, 09:29 Bu gün Çempionlar Liqası bərpa olunur 7 Avqust 2020, 09:22 Kanadada soydaşlarımızla bağlı vəziyyət necədir? - Azərbaycanlı jurnalistdən AÇIQLAMA 7 Avqust 2020, 09:18 Nazirlik əmin etdi: Pandemiyanın dünyada doğurduğu ərzaq təhlükəsinin Azərbaycana təsiri yoxdur 7 Avqust 2020, 09:10