Arxiv
14 May 2020, 11:08 | MEDİA
Mənim üçün jurnalistika millətin və dövlətin cəbhə xəttidir” - Baş redaktorun güvəndiyi YAZAR

Bəri başdan etiraf edim ki, hamımız kimi, ona da Ulu Tanrı tərəfindən bağışlanmış ömür payının 55-ci ilini yola salmaqda olan yaxın dostum və həmkarım haqqında bu, necə deyərlər, mini yubiley günündə nə isə demək mənim üçün həm asandır, həm də çətin. Asandır ona görə ki, onun xarakteri kimi, 55 illik ömür yolu da şəffaf, hər kəs üçün açıqdır. Çöhrəsindən heç vaxt təbəssüm əskik olmayan bu insanın ipək xasiyyəti var. Xoş rəftara şirin təbəssümlə cavab verən, haqsızlığa, ədalətsizliyə qarşı barışmaz insandır. Bax, bu mənada onun haqqında söz demək asandır.


Amma onun haqqında layiq olduğu sözü demək ona görə çətindir ki, yaşının üstünə yaş gəldikcə portret cizgilərinə yeni-yeni müsbət çalarlar əlavə olunan bu sədaqətli dostun, sevib-seçdiyi sənətlə bağlı fikirlərini, düşüncülərini həmkarları ilə səxavətlə bölüşən jurnalistin peşə və insani keyfiyyətlərini tam açmaq üçün gərək sözün bütün imkanlarına baş vurmağı bacarasan.


Söhbət 15 ildən artıq müddətdə yaxından tanıyıb dostluq etdiyim, son 5 ildə isə Tanrının səxavətindən eyni kollektivdə çalışdığım, hətta bir otaqda oturduğum dəyərli həmkarım Elçin Zamandan gedir.


Bəli, bu gün 55 yaşı tamam olan Elçin Zaman həmkarları arasında daim jurnalistikanın təəssübünü çəkən peşəkar qələm sahibi kimi tanınır desəm, şübhəsiz, heç bir mübaliğəyə yol vermiş olmaram. Onun “Müstəqil həyata qədəm qoyarkən niyə başqa sənəti yox, məhz jurnalistikanı seçdin” sualıma səmimi cavabı da Elçin müəllimin bu peşəyə təsadüfən gəlmədiyini, qanı, canı ilə mətbuata bağlı insan olduğunu bir daha sübut edir: “Jurnalistikanı ona görə seçdim ki, mənim orta məktəbdə oxuduğum çağlarda bu peşə sahibləri cəmiyyətdə ən hörmətli, nüfuzlu və ziyalı insanlar sayılırdı. Onlara eldə, obada səmimi bir hörmət mövcud idi. Hətta o vaxtlar imtiyazları, səlahiyyətləri və maddi imkanları jurnalistlərdən qat-qat yüksək olan rayon, şəhər rəhbərlərinə- birinci katiblərə, prokurorlara, polis rəislərinə və digərlərinə o qədər diqqət və hörmət göstərilmirdi. Ancaq jurnalistlər həmişə, hər yerdə böyük sayğı və hörmətlə qarşılanırdılar. Çünki həqiqi jurnalistika xalqın səsi idi. Bax, mən də xalqın səsi olmaq məqsədilə 1987 –ci ildə sənədlərimi Bakı Dövlət Universitetinin jurnalistika fakültəsinin əyani şöbəsinə verdim və 1992-ci ildə universiteti bitirib müstəqil dövlətimizin jurnalistlərinin sırasına qoşuldum.”


Artıq 30 ilə yaxındır ki, yazıları dövri mətbuatda “Elçin Zaman” imzası ilə işıq üzü görən Namazov Elçin Sabir oğlunun nə üçün bu təxəllüsü götürməsi ilə fikri də hesab edirəm ki, oxucularımız üçün maraqlı olar: “Mənim üçün jurnalistika millətin və dövlətin cəbhə xəttidir . Bu xəttin önündə daim Vətənə, dövlətə sədaqətli insanlar olmalıdır ki, cəmiyyət mənəvi deqradasiyadan, milli yaddaşsızlıqdan qorunsun. Jurnalistikada “Zaman” təxəllüsünü ona görə götürdüm ki, zamanla ayaqlaşım, onun tələb və təkliflərinə uyğun fəaliyyət göstərim. Çünki zamandan geridə qalmaq hər bir insan üçün qəbuledilməzdir. Zamandan geri qalmaq o deməkdir ki, müasirliyin arxasınca sürünürsən. Sürünənlərin isə amal və məqsədinə çatması mümkünsüzdür.”


Elçin Zaman müasirliyə açıq jurnalistikanın tərəfdarıdır. Elə bu səbəbdən də onun müxtəlif mövzulu yazılarında müasirliyə, inkişafa meyillilik cizgiləri həmişə açıq-aydın hiss olunur. Yeri gəlmişkən, Elçin Zamanla tanışlığımızdan əvvəl də onun respublikanın müxtəlif mətbu nəşrlərində öz aktuallığı və müasirliyi ilə seçilən yazılarını həvəslə oxuyurdum. Xüsusilə sosial mövzulara çox həssaslıqla yanaşan Elçin Zaman, eyni zamanda, sosial problemlərin həllini bir jurnalist kimi geniş şərh edirdi. Həmkarımın prinsipiallıqla qələmə aldığı tənqidi yazıları ilə bərabər, dövlətimizin və cəmiyyətimizin uğurlarından bəhs edən analitik yazıları da oxucular tərəfindən rəğbətlə qarşılanır. Təsadüfi deyildir ki, o, bu gün də Prezident İlham Əliyevin rəhbərliyi ilə Azərbaycan dövlətinin qazandığı hər bir uğura təkcə sevinməklə kifayətlənmir, həm bu uğurlarla bağlı bir peşəkar jurnalist kimi öz mövqeyini açıq şəkildə ortaya qoyur”.


Elçin Zaman hərbçi jurnalist kimi də fəaliyyət göstərib. Özünün dediyi kimi, 1992-ci ildən hərbi təmayüllü qəzetlərdə işləyib. Xüsusilə «Azərbaycan Ordusu» qəzetinin müxbiri kimi davamlı olaraq Laçın, Qubadlı, Şuşa, Cəbrayıl, Füzuli, Ağdam və Tərtərdə döyüş zonalarında olub. Orada döyüşən qəhrəman oğullar barədə yazıb. Təkcə yazmayıb, həm də canlı döyüşlərin iştirakçısı olub, şəhidlərimizin, əsgərlərimizin döyüş ruhunu, qəhrəmanlığını öz gözləri ilə görüb. Bəlkə də elə bu səbəbdəndir ki, Elçin Zaman böyüyüb boya-başa çatdığı yurdumuzun dilbər guşəsi Qarabağın hələ də işğalda qalmasını özünə ağır dərd hesab edən jurnalistlərimizdəndir. Amma o, qəlbən inanır ki, Qarabağ uzun müddət işğalda qala bilməz. Gec-tez işğalçı Ermənistan qüdrətli Azərbaycan Ordusu qarşısında diz çökəcək.


Elçin Zaman ulu öndər Heydər Əliyev ideyalarına sadiq olan jurnalistdir. O, bildirir ki, 1993-1995-ci illərdə Ulu Öndərin keçirdiyi brifinqlərdə, mətbuat konfranslarında iştirak etmişəm: “Bu dahi şəxsiyyətin jurnalistlərə olan diqqət və qayğısı mənim qəlbimdə həmişə xoş hisslər doğurub. Ulu Öndərdəki səmimiyyət və xoşsimalılıq jurnalistlərə öz fikirlərini daha açıq ifadə etməyə imkan verirdi.”


Yeri gəlmişkən, çağdaş jurnalistikamızın təəssübkeşlərindən olan Elçin Zaman, eyni zamanda, bu müqəddəs ada ləkə gətirən qeyri-peşəkar və reket jurnalistikasına qarşı son dərəcə barışmaz qələm sahibidir. O, tez-tez müxtəlif auditoriyalarda, əgər belə demək mümkündürsə, reket jurnalistikaya qarşı aqressiv münasibətini açıq-aşkar ifadə edir. Bildirir ki, bu üzdəniraqlara qarşı ona görə aqressivəm ki, onlar üçün heç bir mənəvi dəyər yoxdur: “Onlar jurnalistikaya alqı-satıqı vasitəsi kimi baxırlar. Yəni, onlar üçün jurnalistika söz sənəti deyil, bir bazardır. İstəsələr özlərini satarlar, istəsələr başqalarını ucuz qiymətə xərcləyərlər.”


Nəhayət, bügünkü müşahidələrim əsasında inamla deyə bilərəm ki, Elçin Zaman hazırda «İki sahil» qəzetinin ən məhsuldar jurnalistlərindən biri kimi kollektivin rəhbəri, Əməkdar jurnalist Vüqar Rəhimzadənin güvəndiyi yazardır. O, istər analitik, istərsə də gündəmin mövzuları ilə bağlı yazılarında həmişə yeni fikir bildirməyə çalışır və əksər hallarda da buna nail olur. Bir sözlə, Elçin Zaman çağdaş jurnalistikamızın tanınan simalarındandır. Onun yazılarında diqqəti xüsusilə cəlb edən ən mühüm cəhət odur ki, populizmə meyllilik yoxdur, jurnalistikanın obyektivlik və qərəzsizlik kimi “qızıl prinsiplərinə” sadiqdir.


55 yaşın mübarək, Elçin Zaman! Sənə bundan sonrakı həyatının daha sağlam və böyük uğurlarla müşayiət olunmasını arzulayırıq!


Ə
hməd Qurbanoğlu

BU KATEQORİYADAN OLAN DİGƏR XƏBƏRLƏR
+ Arxiv
İki idmançımız dopinqə görə cəzalandırldı 14 Avqust 2020, 01:01 Gürcüstanın Azərbaycana borcu açıqlandı 14 Avqust 2020, 00:53 Xərçənglə mübarizədə yeni üsul tapıldı 14 Avqust 2020, 00:36 Nazir xəsarət alanlara görə məsuliyyəti üzərinə götürdü 14 Avqust 2020, 00:23 Bu gün növbəti qəbul imtahanı KEÇİRİLƏCƏK 14 Avqust 2020, 00:09 TAP layihəsinin 97 faizi tamamlanıb 13 Avqust 2020, 23:57 Şəmkir sakini bıçaqlandı 13 Avqust 2020, 23:42 Rusiyanın Avropaya qaz ixracı xeyli azalıb 13 Avqust 2020, 23:24 "Qarabağ"ın sabiq qapıçısı "Konyaspor"da 13 Avqust 2020, 23:10 Rusiya Türkiyə ilə patrul yoxlanışlarını dayandırıb 13 Avqust 2020, 22:54 Yardımlıda avtomobil qəzası 104 abonenti qazsız qoydu 13 Avqust 2020, 22:41 Xəzərə axıdılan tullantı suları təkrar istifadə edilə bilər 13 Avqust 2020, 22:28 “Elmi tədqiqatlara əsaslanmaq verilən qərarların səmərəliliyini artırır” - Təhsil naziri 13 Avqust 2020, 22:14 Reanimasiyadakı COVİD-19 xəstələrinin sayı AZALDI 13 Avqust 2020, 21:58 "Xiaomi" dünyada ilk ultra-nazik şəffaf televizor istehsal edib 13 Avqust 2020, 21:43 Türkiyədə daha  21  nəfər koronavirusdan ölüb 13 Avqust 2020, 21:27 Belarusa kömək təklif edildi 13 Avqust 2020, 21:13 “Ölkələrimizin suverenliyi, müstəqilliyi və təhlükəsizliyi üçün lazım olan nə varsa edəcəyik” - Hulusi Akar  13 Avqust 2020, 20:58 “100 məhkum cəzadan tamamilə azad edilib” - Ədliyyə Nazirliyi 13 Avqust 2020, 20:41 “Bu təlimlər bəzi ölkələrdə narahatlıq doğurur” - İlham Əliyev 13 Avqust 2020, 20:26 Məhbuslarla görüş və sovqatların verilməsi bərpa olundu 13 Avqust 2020, 20:19 Bakıda elektriklə işləyən avtobuslar istehsal ediləcək 13 Avqust 2020, 20:02 İqtisadiyyat Nazirliyi 65 obyektdə qayda pozuntusu aşkarladı 13 Avqust 2020, 19:56 Millimizin baş məşqçisi "Neftçi"nin məşqini izləyib 13 Avqust 2020, 19:47 Qarabağın bəlalı salnaməsinin baş yazarı əbədiyyətə qovuşdu 13 Avqust 2020, 19:38 Universitetlər oktyabrın 1-dən sonra açılacaq - Türkiyədə 13 Avqust 2020, 19:29 Salyan və Ağstafada “Ford” yandı 13 Avqust 2020, 19:20 Peşə təhsil müəssisələrini bitirənlərin sayı AÇIQLANDI 13 Avqust 2020, 19:11 Dövlət Agentliyi daha 76 obyektdə kobud pozuntular AŞKARLADI   13 Avqust 2020, 19:02 Azərbaycan-Türkiyə təlimlərində Yüksək Səviyyəli Müşahidəçi Günü keçirilib - FOTO 13 Avqust 2020, 18:53 Bu gün keçirilən qəbul imtahanının düzgün CAVABLARI 13 Avqust 2020, 18:44 Teledərslər yeni tədris ilində davam etdiriləcək? - RƏSMİ   13 Avqust 2020, 18:35 DTX-nin saxladığı Eldar Həsənov kimdir? - DOSYE 13 Avqust 2020, 18:26 Ölkəyə gətirilən yeni taksilər istifadəyə verildi - FOTO 13 Avqust 2020, 18:17 Bıçaqla özünü yaralayan 8 yaşlı uşaq öldü 13 Avqust 2020, 18:08