“Sotheby’s” auksionunda ən qədim fransız konyaklarından biri satılıb. Konyak XVIII əsrdə Böyük Fransa İnqilabından əvvəl istehsal edilib. 258 yaşlı içki çəlləkdən 0,7 litrlik “Gautier” şüşə butulkalara isə 1840-cı ildə doldurulub.
Modern.az xəbər verir ki, ekspertlər lotun ilkin qiymətini 98 min-197 min dollar arasında müəyyənləşdirmişdilər. Hərracda iştirak edən alıcı bir şüşə konyaka 118,58 min funt sterlinq (təxminən 146 min dollar ödəyib). Onun kimliyi açıqlanmasa da, onun Asiya sakini olduğu bildirilir.
İçki biliciləri bu içki şüşəsini həm də “Grand Frere” (“Böyük qardaş”) adı ilə də tanıyırlar. Bu silsilədən olan kiçik həcmli butulka “Petite Soeur” (“Kiçik bacı”), orta həcmli butulka isə “Petit Frere” (“Kiçik qardaş”) adlanır. Belə içkilərdən sonuncusu 2014-cü ildə Nyu-Yorkda hərracda 60 min dollara satılmışdı.
