İtaliyada ötən sutka ərzində yeni növ koronavirusdan daha 111 nəfər ölüb.
Modern.az xəbər verir ki, bu barədə ölkənin Mülki Müdafiə Departamentindən bildiriblər.
Məlumata əsasən, bununla da İtaliyada koronavirusdan ölənlərin sayı 33 340 nəfərə çatıb.
Bildirilir ki, son sutka ərzində 416 nəfər koronavirusa yoluxub, yoluxanların ümumi sayı 232 664 nəfər təşkil edib.
Məlumata görə, indiyədək İtaliyada 155 633 nəfər insan koronavirusdan sağalaraq xəstəxanaları tərk edib.
